عروسة الصعيد(كاملة) بقلم إيمان صالح
انت في الصفحة 1 من 4 صفحات
عروسه_الصعيد
إسكريبت
_هي دي العروسه !!
_اها يبني هي
_مستحيل يا امي مش دي اللي انا اختارتها و مضيت علي عقد الجواز انها تبقي مراتي !
_ازاي بس يبني مش قولتلي عليها و انا قولتلك اسمها و جوزتهالك
_مش هي مش هي يا امي
_طيب فهمني ازاي أو اي اللي حصل تقول انها مش هي
_يا ماما ساعه ما شاورت علي اللي كنت عايزها و دي كانت واقفه جنبها
_بس مش هي دي اللي كنت عايزها
_خلاص يبني مالها دي هي كده خلاص بقت مراتك
_بس انا مبحبهاش هكمل معاها حياتي ازاي
_يبني الجواز قسمه و نصيب ودي برضوا بنت ناس و متربيه
_بس انا عايز التانيه
_اكيد مش نصيبك خلاص بقي انا هنزل تحت وانت ادخل ل مراتك
دخلت الاوضه عليها لقيتها قاعده رفعت وشها منكرش انها جميله بس للاسف مش هي اللي انا اختارتها
_ازيك يا نورا
_الحمدلله
_انا اسمي حازم
_امممم طيب ادخلي غيري هدومك
_ا اها حاضر هدخل اهو
هي دخلت وانا فضلت واقف مكاني مش عارف اتصرف ازاي ولا اتقبل الموضوع ازاي اتقبل واحده خلاص بقت مراتي بس انا معرفهاش ولا اعرف عنها حاجه!بعد شويه لقيتها خرجت و قعدت قدامي .
_احضرلك الاكل
_لا يا نورا شكرا انا مش جعان
_لو جعانه قومي كلي
_لا مش جعانه
سكت شويه وبعدها اتكلمت
_انتي متعلمه يا نورا
ضحكت بتوتر_انت متعرفش اللي هتتچوزها متجوزه ولا لاه
_انتي قلبتي وصعيدي ازاي
_ههه عادي
_ها بقي متعلمه ولا لا
_اها متعلمه معايا بكالوريوس تجاره
_بجد
_اها والله
_كويس بس قليل في الصعيد اللي بيدخل الجامعه دلوقتي
_بس فيه ناس كتير قابلتهم مش متعلمين
_يمكن اللي اتعملت معاهم بس مش هيبقوا كتير برضوا
_ازاي
_يعني هنا نص البلد متعلمه و النص التاني دبلوم و قليل جدا اللي مش متعلم زي اي بلد في مصر كده
_قصدك القاهره مصر!!
_اممم و ياتري شايفه الصعيد ازاي
_الصعيد بلد جميله و فيها حاجات حلوه وانا بحبها بس زي ما فيها مميزات فيها عيوب زي اي مكان
_انتي حبيتي قبل كده يا نورا
_يعني لو حبيت هقولك انت جوزي دلوقتي !!
_لا اتكلمي بصراحه و سيبك من موضوع جوزك دلوقتي انا حابب اتعرف عليكي و تتعرفي عليا قبل ما نكمل حياتنا
_بصراحه حبيت قبل كده
_وهو راح فين
_موجود
_موجود!!!!!
_طيب و هو بيحبك
_مش عارفه أو مش متاكده
_طيب و مقولتلوش لي
_هيجي اليوم و يعرف ل وحده
معرفش ليه حاجه ضايقتني بس انا كنت عايز اعرف معلومات عنها سبتها و طلعت و نمت في اوضه تانيه تاني يوم صحيت علي صوتها بتتكلم بكسوف و هدوء
_حازم انت لسه مصحتش
_لا صحيت هي الساعه كام
_الساعه 10
_و سيباني نايم كل ده
_و اي يعني
_انا عندي شغل
بكسوف و صډمه _يوم الصبحيه!!
_معلش عندي شغل ماما هتطلع عندك دلوقتي تحط الاكل و بعدها تنزل وانا هاجي بعد الشغل
_ولي هي تطلع ما انا هنزلها
_عشان انتي عروسه جديده و كده
_لا ميصحش هي تطلعي و تعب نفسها انا هنزل
_انتي ينفع تنزلي تحت عادي ل ماما
_اها عادي عندنا في الصعيد عادات وتقاليد
