براثن اليزيد(كاملة وحصري حتى الفصل الاخير) بقلم ندى حسن

كلمات شقيقة زوجها فهي محقة هناك تغير كبير في علاقتهم وهي من جديد تريد إجابات لأسئلة غبية مثلها جلست يسرى جوارها بهدوء هي الآخر استدارات مروة تنظر إليها ثم سألتها فجاة
مين اللي كنت واقفه معاه تحت في الجنينة ده
ابتسمت يسرى بهيام وحب واجابتها بهدوء
ده سامر أخو إيمان
ضيقت مروة عينيها ثم تحدثت بسخرية وتهكم
صح مهو مش معقول يكون سمج كده لله وللوطن
أجابتها الأخرى سريعا بلهفة وحماس وهي تصلح لها ما قالته عن من هواه القلب
لأ بالعكس يا مروة سامر ده غيرها خالص حاجه كده مفيش زيها جميل وحنين وطيب و....
تريثت قليلا ومن ثم تحدثت قائلة باستغراب
وبعدين أنت عرفتيه منين علشان تقولي عليه سمج
ابتسمت مروة باتساع ثم اعتدلت في جلستها حيث استدارت بجسدها كليا لتواجهه يسرى تحدثت بتهكم صريح قائلة
خلينا فيكي الأول وبعدين أقولك عرفته منين ايه هي غمزت.. لأ غمزت ايه دي شكلها واقعة خالص
ضړبتها يسرى بخفة في ذراعها وهي تبتسم بخجل قائلة بجدية
لأ على فكرة ده صاحب يزيد أوي وعيب اللي بتقوليه ده
غمزت إليها مروة متحدثة بعبث معها
يابت.. لأ لأ قولي بقى بجد شكل في حاجه صح 
ابتسمت يسرى بخجل وهي تنظر إليها باهتمام ثم تحدثت بشغف وحب خالص
بحبه يا مروة لأ بحبه ايه ده أنا بمۏت فيه تصدقي إني بحبه من تلت سنين وعمري ما اتشجعت وقولتله ولا عمري هعملها بحب أشوفه دايما قدامي وأكلمه بحب أشوف ضحكته بحس إني طايرة في السماء لما بس يضحكلي
استمعت إلى كلماتها وقد كان هذا نفس ما تشعر به تجاه يزيد هل من الممكن أن تكن علاقتهم تطورت إلى أن أصبحت تحبه!..
نظرت إلىيسرى ثم سألتها قائلة بجدية متسائلة
طب وهو
هو يدوب من قبل ما يسافر بس وهو بيلمحلي كده بنظرات أو كلام.. كان مسافر بقاله ست شهور أهو كانت روحي بتطلع فيهم وأنا مش شيفاه وكنت بخاف أكلمه يفكرني حاجه كده ولا كده
استكملت حديثها مرة أخرى وهي تسألها باستغراب
عرفتيه منين بقى
لم تريد مروة أن تجعلها تراه بصورة غير لائقة أو تخرب الود بينهم بسبب المواقف السخيفة الذي رأته بها فأجابت قائلة
كنت
بشوفه في الإجازات لما أنزل هنا والنهاردة شوفته بالصدفة وشافني وأنا داخله هنا وكان حابب بعرف أنا مين بس متكلمناش
تريثت قليلا ومن ثم قالت لها بابتسامة عريضة ونبرة فرحة
ربنا يجعله من نصيبك يا حبيبتي
أجابت الآخرى 
ضل الطريق إلى قلبها ف أقرب الأقرب 
الأقربين إليه يسعون لمحاربتها 
وإن كانت هي الخاسرة
فسيكون هو الضحېة!..
شهرا كاملا مر عليهم سويا كما السابق بحلوه ومره لحظات تكن بها الحياة جميلة ك أغنية يتراقص عليها العاشقين تحت أمطار غزيرة بصبحة مشهد رومانسي يجعلك تود المغامرة للحصول على مثله..
ولحظات تكن بها الحياة حالكة سوداء ك سواد الليل في ليلة رعدية يحدث بها صواعق تجعلك تود الاختباء داخل جحر إلى الأبد..
حاله معها هكذا من الحلو إلى المر وعندما يأتي ذلك الحلو يتمسك به وكأنه إذا فقده سيموت لا محاله يتمسك به وكأنه هو نجاته معها حقا هو كذلك لا يود أبدا أن يكون هناك نزاعات بينهم فلا أجمل منها وقت السكون ولا أروع منها وقت الصفاء ولا أرق منها وقت المغازلة..
فريدة.. فريدة بنوعها ولا يوجد مثلها يريدها.. يريدها بكل جوارحه الإبتعاد عنها كأنه أبتعد عن اكسجين الحياة يرى الحاضر والمستقبل معها هي وحدها يرى نفسه زوج حقيقي لها بعد أيام يرى أولاده منها في المستقبل ولا يوجد سوى عقبه واحدة فقط أما أن تجعله يعود كما كان يزيد الراجحي صاحب نظرة الصقر والذي يحمل قساوه وعنجهية مفرطة أو أن يكون يزيد الراجحي رجل عاشق لزوجته..
نظر إلى أخيه الجالس أمامه خلف مكتبه بهدوء شديد كما أعتاد في تلك المواقف تحدث قائلا بهدوء متسائلا
طلبتني ليه في حاجه مهمة
ابتسم الآخر بسخرية ثم نظر إلى داخل عينيه بقوة متحدثا بتهكم صريح
فين الورق يا يزيد
استغرب يزيد من سؤاله وعن أي ورق يتحدث تصنع ذلك ببراعة اعتدل في جلسته وهتف قائلا باستغراب وتساءل
ورق ايه مش فاهم
تقدم فاروق إلى الأمام وشبك أصابع يده ببعضها على ظهر المكتب ومن ثم هتف متسائلا ونظر إليه مترقب أجابته
أنت لسه مخلتهاش

تمضي على الورق
أدار رأسه للناحية الأخرى زافرا بحنق وضيق من حديثه فهو لا يود أن يستمع إلى كلماته الآن بالتحديد تابع فاروق قائلا بحنق
أنت ايه بالظبط.. مش قولت أيوه حق العيلة وحق أمي وابن عمي وحق الكل... ايه جاي تنخ دلوقتي لمراتك ولا تكنش حبيتها
ابتسم بسخرية بعدما انتهى أخيه من حديثه ثم سأله هو قائلا
ايه مش من حقي أحب
أجابه الآخر قائلا بحدة وهو يقترب منه برأسه مؤكدا حديثه بالضغط عليه
مش دي حب براحتك واتجوز براحتك إنشالله حتى تتجوز أربعة لكن مش دي مش بت عيلة طوبار هي هنا علشان حاجه واحدة بس
وقف يزيد على قدميه موليه ظهره يفكر في حديثه بجدية شديدة ثم استدار إليه وصاح قائلا بهدوء
اعتبروني مقولتش حاجه.. أنا مش هكمل في اللعبة دي خلاص مروة بقت مراتي وأنا هكمل معاها حياتي واللي عايزينه اعملوه بس متستنوش مني حاجه
كاد أن يخرج من المكتب بعد أن ألقى بتلك الكلمات عليه ولكنه وقف أمام الباب مباشرة ويده على المقبض عندما وجد أخيه يضحك ب هستيرية نظر إليه بشك من على بعد يحاول التفكير في سبب لتلك الضحكات التي عبت أرجاء المكان..
صمت فاروق بصعوبة شديدة عن الضحك وقف على قدميه هو الآخر ينظر إليه بسخرية ثم تحدث بتهكم وعنجهية قائلا
فكرك لما تقول كده هنسكت عارف عمك اللي باعتني أكلمك وكان مفكر أنك يزيد اللي رباه بس يخسارة.. المهم خليني أعرفك حاجه مهمة أنت لو فكرت مجرد تفكير أنك متعملش اللي اتفقنا عليه أنا بنفسي هقولها... هقولها يزيد اتجوزك علشان ينصب عليكي وياخد كل اللي قدامك واللي وراكي أنت وعيلتك.. وهقولها أن كل الحب والحنان دول كانوا من جوا اللعبة علشان بس تسبك الحوار كويس واظن أنها بتدور كده كده على سبب الجواز الحقيقي.. غير أن أمك هتأكد الكلام وعمك والكل وابقى وريني بقى هي هتبص في وشك تاني إزاي
صمت لبرهة ثم عاود الحديث بتهكم
هيبقى حقها مهو مش معقول تعيش مع واحد متجوزها علشان يسرقها
ترك يزيد مقبض الباب واستدارت إليه بجسده كليا ينظر إليه بنفور وڠضب وضعف بنفس الوقت تسأل بهدوء قائلا
ليه كل ده
أجابه الآخر بقسۏة شديدة تظهر على وجهه دون كلماته كما عمه تماما
علشان حقنا.. كل اللي هما فيه ده حقنا وهيرجع.. عارف امتى لما أنت زي الشاطر تضحك عليها بكلمتين
حلوين وتاخده منها
استدار يزيد تاركا إياه خلفه وضع يده على مقبض الباب ثم فتحه وخرج وهو يفكر فيما قاله أخيه بجدية ففي كلتا الحالتين لن ينجوا إذا كان منهم أو من زوجته
لا يدري ما السبيل تمشط خصلاتها أمام المرآة..
في تلك الفترة المنصرمة لم تكن تتواجد بالأسفل كثيرا في وقت الطعام وعندما يكون يزيد متواجد فقط فهي لا تود التشابك مع أحد سوى أن كان بالحديث أو الشجار تأتي إليها يسرى دوما إلى غرفتها وتفعل مروة المثل حتى لا تختلط بأحد من أصحاب المنزل البغيض على قلبها..
دلفت إلى غرفة الصالون وجلست على المقعد جواره ثم أشعلت التلفاز وتمسكت بجهاز التحكم لتستمع إلى شيء ما حتى لا تشعر بالملل وهو يعمل..
أغلق الحاسوب ثم نظر إليها بتردد ولكنه قد عزم أمره على ما سيفعله سألها متصنعا عدم المعرفة
مش البيت اللي كنتوا قاعدين فيه ده بتاع عمك يا مروة
نظرت إليه بعد أن اخفضت صوت التلفاز وأجابته قائلة بجدية متسائلة
قصدك أي واحد
استدار إليها بجسده وجلس بأريحية على المقعد جوارها ثم تحدث قائلا بهدوء
اللي كنتوا قاعدين فيه يا مروة هو أنا شوفت غيره
ابتسمت بهدوء مجيبة إياه بجدية
لأ البيت ده بتاعي أنا
بمهارة عالية تصنع الاندهاش وأظهره على ملامح وجهه وسألها باستغراب قائلا
بتاعك إزاي مش المفروض يكون بتاع عمك أو والدك
تحدثت بمرح وهي تبتسم إليه دون أن يكن في مخيلتها ما يدور بخلده عن الذي سيحدث
أنا مش زي أي حد بردو
ضحك بخفه وهو ينظر إليها ثم عاود من جديد السؤال عن ما يريد وهو ذكي للغاية سيعلم ما يريد بطريقة غير مباشرة حتى لا يثير شكوكها نحوه
لأ بس إزاي بردو
جلست القرفصاء أمامه مستعدة للحديث القادم على صفو نية منها دون أن ټخونه
هو كان ملك لبابا.. لأ هفهمك بص يا سيدي عمي قسم الورث بينه وبين بابا وبابا لما أخده قسمه بيني وبين ميار والبيت ده كان من نصيبي وكمان بيت تاني بس أنا بعته وفلوسه في البنك وجيت ابيع ده كمان بابا رفض وقال اخليه ليا لأي ظروف وميار كمان عملت زيي غير طبعا الأراضي بردو مبعناش حاجه منها لأن عمي مشغلها وبناخد ناصيبنا منها فلوس وغيره من خيرات ربنا
ضيق عينيه ثم سألها محاولا أن يأخذ كل المعلومات التي يريدها حتى يكن طريق الوصول أسهل
والأراضي بتاعتك دي قد ايه
بتاع عشرين فدان
ابتسم بهدوء ثم أراح ظهره إلى ظهر الأريكة وتحدث بجدية متسائلا باستغراب
طب ووالدك مالوش حاجه خالص
نفت حديثه مجيبة

إياه وهي تشير بيدها ناحيته تقص عليه بهدوء ما ود معرفته
لأ طبعا البيت اللي في القاهرة بتاعه هو وكمان شايل فلوس في البنك.. بص إحنا كل واحد فينا عنده ماله الخاص يعني أختي ميار عندها الصيدلية بتاعتها وأنا كان عندي المعرض بتاعي حتى المكان اللي فيه ده ملكي بس بنعرف إزاي نحافظ على الفلوس وكمان بابا كان بيصرف على البيت مش إحنا كان دايما بيقولنا كل واحدة تشيل فلوسها لنفسها محدش عارف هيحصل ايه.. يعني كان دايما بيحاول يأمن علينا
اومأ برأسه بهدوء وهو يعاود فتح الحاسوب مجددا فقد أخذ ما كان يود معرفته ويعلم الآن ما تمتلكه هي ليس سوى المعرض البيت الأراضي وبعض المال في البنك بسهولة استرسلت في الحديث وقصت عليه كل شيء كان يحدث معها ولم تخاف منه أو تهاب غدره ذلك يجعله يرى نفسه حقېر إلى أبعد حد..
وجدها تسأله بعد أن وقفت على قدميها بهدوء متجهة للخارج
تحب أجبلك عصير تشربه
نظر إليها باندهاش وهو يراها تهم الخروج من الغرفة بهذا الفستان الذي يظهر جسدها بسخاء سألها قائلا ببرود
أنت رايحه فين
أجابته سريعا حتى تخرج قائلة بلا مبالاة
هنزل
أجيب عصير واجي
وقف على قدميه مضيقا ما بين حاجه ينظر عليها من الأسفل إلى الأعلى والعكس وهو يستشيط ڠضبا من استهتارها
نعم ياختي! رايحه فين باللبس ده بتستعبطي
نظرت إلى نفسها وقد قاطعا المسافة بينهم متحدثا بحدة وجدية شديدة
كويس منين بالظبط.