رواية مكتوبة على اسمي عامر وأيات الحلقة الخامسة والستون 56 ملك ابراهيم
انت في الصفحة 1 من 4 صفحات
آيات مش عايزة تعرفك انها حامل عشان فاكره انك لو رجعت تاخدها هتبقى راجع عشان ابنك اللي في بطنها وهددتنا اننا لو قولنالك انها حامل هتهرب مننا ومش هنعرف ليها طريق وانا قولتلها اني مش هعرفك بس ده حقك وانت لازم تعرف وانا مش هغضب ربنا عشان بنت أخويا عنيده ودماغها ناشفه اللي عايزه منك دلوقتي انك متتكلمش في موضوع حملها ده غير لما هي تقولك بنفسها ولا كأنك تعرف حاجة.
عامر حاضر يا حاج اللي حضرتك تؤمر بيه لان آيات اللي تهمني وربنا عالم اني بعدتها عن هنا لاني فعلا بحبها وخاېف عليها.
عامر شكرا يا حاج ربنا يخليك لينا.
عم آيات ربنا يوفقك يابني ويعينك على اللي انت فيه مع السلامة.
المكالمة انتهت وقفل عامر التليفون وهو بيبص قدامه علي الطريق وابتسم وهمس معقول هكون اب.
عند آيات في بيت عمها.
استقبلت مرات عم آيات هدير ووالدتها.
دخلت والدة هدير وقعدت وقالت بقلق خير يا ام فارس آيات مالها جرالها ايه
ردت والدة فارس تعبانه شويه.
اتكلمت والدة هدير لما فارس جه وقالنا ان آيات عايزة تشوف هدير عشان تعبانه انا قلقت عليها وهدير قالتلي اللي حصل وان في حد قالها موضوع صباح وسيد واللي عملوه في الحاج عرفان الله يرحمه.
هدير اتكلمت مع مرات عم آيات بلطف ممكن ادخل أشوف آيات.
ردت مرات عم آيات طبعا يا بنتي ادخلي شوفيها كتر خيرك هتلاقيها في الاوضة اللي في جنب هناك دي.
هدير هزت راسها بالايجاب وقامت وقفت عشان تروح تشوف آيات ومرات عم آيات بصت عليها وقالت ل والدتها ماشاءالله هدير بقت عروسة زي القمر.
والدة هدير ربنا يخليكي يا ام فارس.
مرات عم آيات هقوم اعملنا الشاي واجي نكمل كلامنا.
عند هدير وهي رايحه غرفة آيات سمعت صوت فارس بينادي عليها بصوت منخفض جدا بصت حواليها وشافت فارس كان واقف في جنب بعيد عن غرفة آيات.
هدير اتوترت وبصت وراها علي الغرفة اللي والدتها قاعدة فيها مع والدة فارس وبصت ل فارس واتكلمت بهمس عايز ايه
فارس شاور لها وهدير قربت وفارس قرب هو كمان ووقف قدامها وقال بصوت منخفض انا عايز اعتذرلك علي الكلام إللي قولته إمبارح انا عرفت انك فعلا مظلومة ومقولتيش
