رواية عيب الشوم الفصل السادس والعشرون 26 "بقلم مريم أحمد"

26
كانت رانيا بتتعشا هي و ابوها او بمعنى اصح كانت موجوده بس عشان ابوها ميزعلش
جالها صوت ابوها الحزين و هو بيقولها
عادل...هتفضلي متاكليش كدا لحد امتى يا رانيا
ابتسمت بحزن و قالت
رانيا...ازاي هيجيلي نفس اكل يا بابا
سكت عادل و بعدين قالها
عادل...كلي يا رانيا عشان متتعبيش يا حبيبتي
ردت عليه بكلام ملوش اي علاقه بكلامه و كأنها مش سامعه الي حواليعا او بمعنى اصح فكرت بصوت عالي و هي بتقول

رانيا...واحده راحت ف غيبوبه محناش عارفين هتفوق امتى
ابتسمت و قالت
رانيا...و التانيه مش عايزه تيجي حتى تقعد معايا تحسسني بوجود اختها 
قالت بسخريه 
رانيا...م هي برضو ولا مره شافت مني اي حب ليها اكيد مش هتحبني و حتى لو كانت بتحبني اكيد هتبطل تحبني بسبب معاملتي السيئه ليها 
دمعت عيون عادل بحزن على بنته و قالها
عادل...اهدي يا حبيبتي متزعليش كله خير
بصتله و قالتله بحزن
رانيا...هي بس تيجي و انا هعملها كل الي هي عايزاه حتى لو عايزه املاكي و ثروتي كلها هكتبهالها بس هي تيجي
في نفس اللحظه جرس الفيلا ضړب و راحت نورا الخدامه تشوف مين 
و اول م فتحت الباب و شافت همس ابتسمت نورا بفرحه كبيره و هي بتقول ل همس 
نورا....همس هانم نورتي
ابتسمتلها همس بامتنان و هي كان كل الي شاغل بالها ردة فعل امها 
نورا...اتفضلي 
دخلت همس الفيلا و اټصدمت لما لاقت امها بتحضنها و هي بتقول بصوت كله حزن و ندم
رانيا...يا حبيبتي يا همس وحشتيني اوي حقك عليا اوعي تزعلي مني
بصت همس باستغراب ل جدها الي كان مبتسم لها بحب كبير
و رانيا لما لاحظ نظراتها لجدها قالت كلام كل حروفه متلغبطه بسبب عياطها و صډمتها من وجود همس 
رانيا...لا متستغربيش انا فعلا بتأسفلك عش عشان ااا.. انا.....
قالتلها همس بهدوء لما لاحظت توترها
همس...خلاص...مفيش حاجه
قالتلها بتمني
رانيا....مش هتمشي صح
دمعت عيون همس و هي بتفتكر كلام ورد ليها و ف نفس الوقت ضړب قلبها پخوف كبير جدا لما افتكرت ڠضب مالك و ابوها لما يعرفوا 
بصت رانيا لأبوها و كأنها بتقوله قولها يا بابا انها تفضل هنا 
بس عادل سكت و مرضاش يتكلم عشان وعده ل همس انه ميجبرهاش على اي طلب من طلبات امها
بصت رانيا ل همس تاني و قالتلها
رانيا...ساكته ليه
فاقت همس من تفكيرها و هزت راسها يمين و شمال بنفي و قالتلها
همس...عايزه اتكلم مع حضرتك 
سكتت رانيا و هي مش مصدقه ان همس خلاص سامحتها على معاملتها السيئه ليها 
بس طبعا همس فهمت سكوت امها غير كدا تماما و افتكرت انها مش عايزه تتكلم معاها ف قالتلها بتوضيح
همس...مش هاخد من وقت حضرتك كتير ..هما عشر دقايق بس 
ظهرت ابتسامه على وش رانيا و قالتلها بفرحه
رانيا...يا حبيبتي حتى لو عشر ساعات مش عشر دقايق انا هفضل اسمعك برضو اوعي تقولي كدا تاني انتي مش متخيله فرحتي بوجودك معانا قد ايه
ابتسمتلها همس بهدوء و عادل قال بابتسامه
عادل...تعالي الاول اتعشي و بعدين ابقوا اتكلموا 
هزت راسها بنفي و هي بتقول
همس... لا شكرا مش قادره اكل 
اتكلمت رانيا بزعل و هي بتقولها
رانيا...مفيش حاجه اسمها كدا 
كملت كلامها بزعل بان على صوتها و هي بتقول
رانيا...و بعدين ايه شكرا دي انتي قاعده ف بيت جدك يا همس يعني بيتك ولا انتي عندكوا ف الصعيد كنتي بتقوليلهم شكرا 
هزت راسها يمين و شمال بنفي و قالتلها بابتسامه هاديه
همس...لا خالص انا بس فعلا مش قادره اكل اتمنى انكوا متزعلوش مني 
هزت رانيا راسها برفض تام و مسكت ايدها و هي بتقول
رانيا...بس انا بقى بقولك لازم تاكلي يلا يا بابا
محبتش