رواية قصه لغز جوازة جميع الاجزاء كاملة

لما الباب خبط ورحت فتحت واتفاجاءت بواحد بيقولى انتى مدام سميه
قلتله معلش مدام مين انا انسه سميه انا لسه مااجوزتش فلقيت الراجل بصلى من فوق لتحت باستغراب كده وقلى حضرتك بتمضى ولا بتبصمى
قلتله بمضى بس ده عشان اى
قلي طاب اتفضلى امضيلى هنا جوزك طالبك فى بيت الطاعه ضحكت انا بصوت عالى قوى
وقلتله وانا مش قادره اسيطر على روحى من الضحك جوز مين الى طالب مين فى بيت مين

فقلى جوز حضرتك السيد خالد
قلتله اسفه كتير حضرتك اكيد غلطت فى العنوان
اولا انا انسه سميه مش مدام سميه
ثانيا انا مش متزوجه لا من الى اسمه خالد ولا غيره عشان يطلبنى فى بيت الطاعه
فلقيت الراجل بص على الافته إلى على باب الشقه وقلى مش دى شقه 6 عماره 13
قلتله ايوه بس حضرتك اكيد تقصد وحده غيرى مش انا إلى تقصدها اسفه كتير منك ولسه هقفل الباب فى وشه
فقلى استنى مش انتى سميه عبد السلام محمد
قلته اه ده اسمى لكن مش انا سميه الى تقصدها
قلى لا الاسم مظبوط والعنوان كمان يبقى انا ماغلطش حضرتك اتفضلى أمضى ماتعطلنيش
قلتله مش همضى على حاجه وندهت على امى باعلا صوتى فجت امى تجرى وهى بتقلى بتزعقى ليه فقلتلها تعالى شوفى الراجل ده بيقلى اى مدام وأمضى وبيت طاعه ومش فاهمه منه حاجه ولما طلبت امى من الراجل أنه يفهمها وحده وحده قلها السيد خالد طالب بنتك فى بيت الطاعه ومديها مهله لحد بكره الصبح تروحله فى العنوان الى مكتوب فى الورقه دى إلى بنت حضرتك رافضه تمضى عليها وتستلمها
أمى ماقدرتش تنطق بكلمه وبصتلى وقبل ماتتكلم قلتها وربنا مااعرف حاجه عن الكلام الى بيقوله الراجل ده اكيد فى حاجه غلط
ولقيت امى هى التانيه ندهت على ابويا يمكن يقدر يفهم الموضوع اى بالضبط
ابويا اجه مسك حكم المحكمه فى أيده ووشه جاب ألوان وقال الحكم ده سليم والاسم كمان سليم ومفهش حاجه غلط ولقيته بصلى پغضب وقلى بالراحه كده ومن غير شوشره أمضى
ولسه هقله همضى على اى يابابا لقيته زعق فيه وقلى مااسمعش صوتك أمضى وليه كلام تانى معاكى بس بعد الراجل مايمشى
ومضيت وانا مش فاهمه اى حاجه وبعد الراجل مامشى ابويا ضربنى على وشى بالقلم ومسكنى من شعرى وقعد يقلى اتجوزتى من ورايا وكمان جوزك طالبك فى بيت الطاعه ياجبروتك ياشيخه عشان كده فسختى الخطوبه وكنتى
هتموتى وتعملى كده والواد الغلبان يقول والله ياعمى ماعملتلها حاجه عايزه تسبنى ليه وتقليلى اصل انا زهقت منه يابابا مبحبوش ولما رفضت انك تفسخى الخطوبه جبتيلى مصېبه لحد باب البيت واجبرتينى انى ارجع للواد شبكته غصبن عنى
وطلعتينى عيل قدام الكل عملت فيكى اى عشان تعملى فيه ده كله مدلعك وكل طلباتك اوامر واقول دى البنت الوحيده عندى ماازعلهاش لكن انتى طلعتى جزمه ولا تسوى تجوزى من ورايا وتكسرينى انا وأخواتك كده ابويا كان بيضربنى ويشتمنى وانا اعيط واقول والله مااجوزت ولا عملت اى حاجه ايوه انا كنت عايزه افسخ الخطوبه عشان مبحبوش مش عشان أن متجوزه من وراكم والله مااجوزت
ايوه انا متهوره ومتسرعه لكن مش ممكن يوصل تهورى وجنانى انى اعمل كده
وابويا برضو يضرب فيه ويقلى مش مصدقك من ساعة العمله السوده الى انتى عملتيها وانتى نزلتى من نظرى واتوقع انك تعملى اى حاجه
ابويا كان نازل فيه ضړب وامى ماسكه فيه وبتحاول تخلصنى من ايده وتقله حرام عليكى ياعبدو سيب البنت ھتموت فى ايدك وابويا يقلها ياريتها ټموت وتريحنى ده اخرت دلعك ودلعى فيها وانا بعيط واصړخ وانا مش فاهمه اى حاجه
اخويا كان فى الشارع وسمع صوت الهرج بتاعنا اجه يجرى وخلصنى من ايده بالعافيه كان قرب خلاص يموتنى وشويه وابويا حط أيده على قلبه ووقع فى الارض وامى زعقت ولطمت ولمت العماره علينا واخويا قاعد جنبه بيحاول يفوقه وانا واقفه مكانى مش عارفه اعمل اى ولا اقول اى وشويه والناس فوقت ابويا واول مابصى لقانى قدامه ود وشه الناحيه التانيه وقال بعدوها عنى مش عايز اشوفها تانى
جريت انا على اوطى وانا مش فاهمه اى الى بيحصل وقعدت اعيط لحد مانمت فى مكانى وشويه واجه اخويا صحانى
وقالى بهدوء كده عايز افهم منك الحكايه اى بالضبط وماتخفيش انا مش هعملك حاجه بس قولى الحقيقه لطمت انا على وشى وقلتله والله انا مااعرف الحكايه اى جواز مين وبيت طاعة مين انا اصلا مااعرفش حد اسمه خالد فى حياتى كلها ماعرفت حد بالاسم ده اكيد فى حاجه غلط اكيد فى حاجه غلط كنت خلاص قربت اټجنن كل اخويا مايسالنى على حاجه اقله مااعرفش مااعرفش مااعرفش لحد هو كمان ماكان قرب يتجنن وهو بيقول اومال مين الى يعرف واسال مين ولقيت نفسى فى اللحظه دى پصرخ وانا بقله روح للى اسمه
خالد ده واعرف منه كل حاجه اكيد هو عند الاجابه لكل اسءلتك اكيد فى لبس فى الموضوع اكيد فى تشابه فى الأسماء اكيد فى تشابه فى العنوان اكيد فى تشابه فى اى حاجه لكن مستحيل اكون انا سميحه الى جوزها طالبها فى بيت الطاعه مستحيل اكون انا مجوزه الى اسمه خالد ده انا لو كنت اجوزت كنت قلت واعترفت بكل حاجه لكن ماحصلش
اخويا لما شاف حالتى كده صعبة عليه وخدنى فى حضنه وقلى خلاص ماتعيطيش هروح لخالد ده وافهم منه الحكايه اى اكيد زى ماانتى قلتى فى لبس فى الموضوع وخالد ده هيفهمنا كل حاجه وشويه وقلى خلاص اقلك البسى بسرعه وتعالى معايا نشوف الى اسمه خالد ده يفهمنا هو اى الى بيحصل بالضبط ولبست ومااعرفش لبست ازاى فى دقيقه كنت مخلصه اخويا اول ماشافنى قعد يبصلى من فوق لتحت ويقلى معقوله البرنسيسه سميه لبست بالسرعه دى اومال فين الطرحه إلى بتحطيها فى ساعه والميكب إلى فى ساعتين والاكسسوارات الى بتلبسينا فى نص ساعه والبرفان إلى بترشيه وريحته بتجيب اخر الشارع كل ده راح فين
قلتله انا مش فايقه دلوقتى للكلام ده لما اشوف المصېبه إلى انا فيها الاول وبعدين ابقى اعمل كل ده ورحنا لخالد وياريتنى مارحت ولا شفت وشه عشان صدمنى
الثاني والثالث
خالد اول ماشافنى بصلى وضحك وقال مش معقوله مدام سميه قدامى فى بيتى المتواضع حطيت انا ايدى على بقى وقلبى دق بسرعه رهيبه وقلتله وانا الخۏف سيطر عليه معلش هو انت تعرفنى
فقلى هو فى حد مايعرفش مراته إلى مجوزها على سنة الله ورسوله ياشيخه عيب عليكى
قلتله وانا خلاص كنت قربت اعيط مرات مين حضرتك قلى مراتى انا سمسمه حبيبة قلبى
اخويا بصلى وقلى كنتى بتكدبى عليه صړخت وقلتله لا والله ماكنت بكدب والله مااعرفه انا مش فاهمه حاجه ماتصدقوش ده كداب او مچنون اكيد فى حاجه غلط
وشويه واخويا قرب من خالد وقاله لو سمحت فهمنى كده بالراحه انت تعرف اختى ومجوزها فعلا
فخالد قاله اه اومال بناءا عليه انا رفعت قضيه وطالبها فى بيت الطاعه بهزر معاكو يعنى
اخويا مسك ايدى
وقربنى