رواية امرة العقاپ بقلم ندى محمود توفيق

القليل من الاستنكار 
_ معقول أسمهان هانم بنفسها في بيتي !
بقت بمقعدها دون أن تقف أو تتحرك حركة واحدة فقط تطلعت إليه بثبات انفعالي مميز وانتظرته حتى اقترب منها وجلس على المقعد المقابل لها هاتفا بابتسامة سمجة 
_ قبل أي حاجة تحبي تشربي إيه دي أول مرة تدخلي فيها بيتي ولازم اضيفك
ملامح جامدة لم تتغير منذ دخوله تحدجه بها حتى الآن دون حتى ابتسامة بسيطة متكلفة وكيف تتكلف وهي لا تجيد الابتسام أساسا ! 
أسمهان بلهجة حازمة 
_ أنا مش جاية اشرب يا نشأت هما كلمتين جاية اقولهم ليك وهمشي 

رجع بظهره للخلف على مقعده يجلس باسترخاء متمتما بهدوء أعصاب مستفز 
_ وأنا سامعك اتفضلي 
تجاهلت نظراته
ولهجته وتصرفت بطبيعتها الجافة حيث قالت في أعين تنبع بشرارة الشړ والوعيد 
_ هتخلي بنتك تبعد عن ابني واعتقد دي مش مهمة صعبة عليك زي ما اقنعتها تتجوزه هتقنعها إنها تطلق وإلا صدقني مش هتشوفها تاني
نشأت بنظرة كلها تحدي 
_ متقدريش يا أسمهان تلمسي شعرة واحدة منها عشان سعتها أنا اللي هاخد روحك ومش هعمل حساب لأي حاجة واظن كمان إن حتى إنتي عارفة أنا قد إيه راجل وممكن اعمل إيه ثانيا لما تحبي ټهدديني ببنتي كان المفروض تكون معلوماتك كاملة
أسمهان بزمجرة 
_ قصدك إيه !
انتصب في جلسته وقال بحدة تليق بصوته الرجولي 
_ قصدي إن ابنك اللي متمسك ببنتي ورافض يطلقها مش هي وطلب مني إني اديله المساحة عشان يحاول يصلح علاقته بيها تاني وتفضل بنتهم عايشة وسط باباها ومامتها
استشاطت غيظا فور سماعها لتلك الكلمات وووقفت ثائرة وهي تهتف 
_ عدنان لا يمكن يقول حاجة زي بنتك متفرقش معاه بحاجة وهي اللي واضح أوي نيتها أيه من الجواز دي الصراحة مكنتش متوقعة إنها هتطلع نسخة حقېرة ومصغرة من أمها كدا
وثبت هو الآخر ثائرا وصاح بها منفعلا 
_ أسمهان الزمي حدودك واعرفي إنتي بتتكلمي عن مين الغل والحقد اللي في قلبك ده يكون بيني وبينك وتصفية حسابات لو حابة يبقى نصفيها مع بعض لكن بنتي خط أحمر
رمقته بنظرة ساخرة أخيرة قبل أن تردف بثقة 
_ انا قولت اللي عندي وإنت فهمتني
ثم استدارت واتجهت إلى خارج الغرفة بأكملها وتركته يشتعل بأرضه من الڠضب 
داخل مقر شركة أل الشافعي 
يجلس على مقعده أمام المكتب ويشاهد آخر تسجيلات كاميرات المراقبة على الحاسوب النقال وتقف بجواره ليلى التي تتابع كل التسجيلات الأخيرة وما لاحظه عدنان أن هناك تسجيلات محذوفة ترجع ليوم الثلاثاء منذ يومين بالضبط 
رفع نظره لليلى التي كانت تحدق بالحاسوب قاطبة حاجبيها باستغراب وقال بحزم 
_ في تسجيلات محذوفة ! 
سكتت لوهلة من الوقت تعيد تفاصيل يوم الثلاثاء في ذهنها بالكامل وفجأة لمعت عيناها وقالت مسرعة بحيرة 
_ أيوة صح في اليوم ده دخل مستر نادر المكتب ولما حاولت امنعه قالي إن داخل هيحط ملف مهم لحضرتك على المكتب عشان أول ما
نرجع تشوفه وبعدها في آخر اليوم طلب مني يشوف التسجيلات بتاعت مكتب حضرتك
أظلمت عيناه بشكل مخيف وظل يتطلع إليها لبرهة من الوقت يحاول أن لا يدع الشك يتسرب إليه لكن كل ما يظهر أمامه من أدلة يشير إلى حقيقة واحدة ! 
عدنان بصوت غليظ ومريب
_ متأكدة من الكلام ده يا ليلى ! 
ليلى بثقة تامة 
_ أيوة يافندم متأكدة حتى آدم بيه كان منبه عليا إن محدش يدخل مكتب حضرتك وأنت مش موجود وخصوصا
مستر نادر ولما حب يدخل وقولتله اللي قاله آدم بيه اتعصب ودخل ڠصب عني 
مسح عدنان على وجهه بعدم استيعاب وهناك صوتا في عقله يستمر بتأكيد ظنونه له لكنه لا يرغب بالإستماع أليه قبل أن يتأكد بنفسه وخصوصا أن نادر من أقرب الأشخاص لديه فعقله يجد صعوبة في تصديق أنه قد يكون المتسبب في هذا ! 
تمتم بنبرة محتقنة 
_ إنتي عارفة اللي بتقوليه ده معناه إيه لو طلع صح 
هزت راسها بإيجاب وتمتمت في خفوت 
_ أنا من رأى نتأكد الأول لأن ممكن يكون ملوش ذنب
استقام من مقعده واقفا وتحدث إليها بلهجة صارمة ونظرة ثاقبة كلها قوة وجفاء 
_ لو اللي بنفكر فيه صح يبقى كل حاجة هتظهر أكيد 
المهم انتي هتدخلي مكتبه وهتدوري على الملف ده وهتراقبي كل تحركاته الفترة الجاية في الشركة وهتبلغيني بكل تفصيلة تشوفيها بس من غير ما نخليه يحس نهائي إننا شاكين فيه
اماءت لها ليلى بالموافقة وقالت برسمية 
_ تحت أمرك 
ابتعد من أمامها وتحرك باتجاه النافذة التي بطول الحائط ووقف أمامها واضعا كلتا قبضتيه في جيبي بنطاله مردفا بتفكير 
_ خلاص تقدري تتفضلي يا ليلى
تحركت نحو الباب بصمت تام وغادرت وتركته بين تساؤلاته التي تنهش عقله نهش ! 
في مساء اليوم 
يقود سيارته في طريقه إلى قصر الشافعي ويضع
هاتفه أمامه يجرى عدة اتصالات بجلنار حتى يطمئن عليها لكن دون إجابة يستمر الهاتف في الرنين وبلا جدوى مرة واثنين وثلاثة والنتيجة نفسها ضيق عيناه باستغراب ممتزج ببعض القلق وعقله لا يتوقف عن