رواية جوازة مش طبيعية بقلم كوكي سامح (كاملة)
ولادى استحملت حماتى من يوم دخلتى وسيطرتها على جوزى وبقول دى أمه وانتى عارفه انى كنت عايشه عيشه كويسه ومدلعه ازاى ورغم كده عيشت واستحملت لحد ما خلفت و ولاد ليه زى الفل ماتوا من غير سبب لحد ما ربنا وهبك ليه ونور بصيرتى ولازم اخد حق ولادى
دينا انا معاكى لحد ما تعرفى مين اللى قتل ولادك انتى عندى اكتر من اختى يا سالى
دينا بتقولى حاجه يا حبيبتى
سالى لأ بصى حسك عينك حد يعرف موضوع مروة
دينا طيب ممكن سؤال
سالى اسألى وبسرعه قبل ما حد ياخد باله انى مش موجوده تحت
دينا هى فعلا سلفتك مروة دى قټلت البنت
سالى سكتت وقالت بكل خباثه وقالت لأ مش بالظبط هى سابتها جمب البسين ويا عينى البنت طفله اتزحلقت ووقعت يا حرام
سالى مسكت دينا وقالت لها انا هحتاجك كتير يا دينا وسالى راحت فتحت دولابها وخدت فلوس وادتها لدينا وقالت لها انا عاوزه تليفون وخط ضرورى
دينا اوك بكره هيكون عندك
سالىلأ دلوقتى يلا روحى اشتريه ولما تشتريه كلمينى وانا هطلع اخده منك تمام
دينا حاضر
وفعلا دينا مشيت علشان تشترى فون وخط لسالى
وسالى لسه فى اوضتها وقالت يا انا يا هما فالبيت وهنا الشيطان سيطر على سالى ووسوس لها وقالت علشان اعيش فالبيت ده وأخلف ويعيشلى اولاد لازم يمشوا من البيت كلهم سلايفى واجوزاهم وبناتهم وضحكت ضحكه بصوت فعلا ضحكه شيطانه وقالت بدل ما اخد روحهم واولهم بنت ولاء غارت وماټت محدش من هنا ورايح هيصعب عليه هو انا وولادى صعبنا على مين علشان يصعبوا عليه وخدت بعضها ونزلت تحت وعملت نفسها واقفه ټعيط ع بنت سلفتها ووقفت جمب مروة وقالت بصوت واطى ههه بيقتلوا القتيل ويمشوا فى جنازته وهنا بقى مروة زغرت لسالى زغره رهيبه بس سالى عملت عبيطه ووقفت جمب ولاء وحماتها وطبعا عثمان مشغول مع الدكتور علشان يدفنوا البنت وسالى قالت فى سرها ان شاء الله كلكم هتبقوا بره الڤيلا اما سحر وصباح ولاد خاله ثروت ملهمش لازمه دول غلابه المهم العقارب اللى قتلوا ولادى
سالى تليفونك بيرن يا ولاء
ولاء سبينى فى حالى انا فى ايه ولا ايه
وسالى خدت التليفون من ايدها وردت وسمعت راجل بيكلمها ومن غير ما تتكلم قال انتى يا ست ولاء لو مجتيش الخميس ع اتفقنا هقول لجوزك ان چنه بنتى بس سالى قفلت وقالت چنه اللى ماټ ت بنته يا حلاوه ههههههه ده شكل الموضوع هيحلو اوى يبقى اول اتنين هيطلعوا من هنا ولاء وعثمان عليه وعلى اعدائى وخدت رقم الراجل وسجلته على تليفونها وعملت بلوك للراجل من عند ولاء وحذفت الرقم وسابت تليفون ولاء على الكرسى واتصلت بدينا صاحبتها وقالت اشتريتى التليفون والخط
سالى انا طالعه بره استناكى اصلا كلهم مشغولين بوفاه البنت ومحدش واخد باله من حد وقفلت مع دينا وسالى خرجت بره الڤيلا ولقت فى وشها ثروت وأخوه محمود وعبده راجعين يعيطوا بس سالى اتعمدت تستخبى وخرجت لدينا ولقت دينا واقفه وخدت الفون وظبطته وقالت لدينا تمشى ودخلت فى مكان فالڤيلا محدش بياخد باله منه واتصلت بالراجل اللى يعرف ولاء وكلمته ورد عليها وقالت إنها تبع ولاء وكانت عاوزاه ميكلمهاش تانى وابتدت تسجل المكالمه لما قال ان چنه بنته وقفلت فى وشه وفتحت فونها وجابت تليفون عثمان وقالت لازم احذر من كل حاجه وكتبت على التروكولر اسم وهمى وسجلت رقم عثمان على التليفون الجديد وبعتت التسجيل بتاع الراجل على الواتس اللى بيقول فى ان چنه الطفله اللى ماټت انها بنته وسالى قالت لازم اخرب بيوتهم واحد وحقى وحق ولادى هجيبه وبعتت التسجيل واداها شرطتين وقالت يارب يشوف وقالت لازم اتصل بيه وفضلت ترن عليه كتير لحد ما رد وقفلت فى وشه وشاف رساله الواتس واداها علامه زرقا وسالى حطت بطيخها فى بطنها وقالت هههههههه اكيد قراها اشربوا بقى وقفلت الفون ودخلت الڤيلا
واول ما دخلت بصت فى
