رواية عشقتها رغم تمردها بقلم ياسمين رجب (كاملة)

معايا محسن بس ده لسه هايجي مع الناس الي هتستلم البنات بس مقولكش راجل تبت ودمه تقيل ولا يطاق ده حتي مش سايبني في حالي بيجري ورايه من مكان لمكان بس وحياتك أن ولا يفرق معايا 
عادل في نفسه وحياة امك علي اساس انك الخضرة الشريفة اش حال أما تاريخك الاسود كله عندي بوشك الي واخذ سكنتين معجون ده
عادل الرجال دول اصلهم ملهمش امان يا ست الناس
لوزة معاك حق يلا بقا اجهزوا وهات البنات دول علشان الرجال وصلوا
عادل انتي تامري يا ست الناس
لوزة ميامرش عليك عدوا عبال ما انت والرجال تجيب البنات اكون أنا رحت عند محسن اطمن علي الفلوس

عادل حاضر
لوزة تحضر يا اخويا ما تغبش
تركتهم لوزة متجه الي شريكها محسن الذي اتي مع بعض الرجال حتي يستلمون فتيات لا ذنب لهم سوي انهم امنوا لبعض الشباب كانوا يأملون في عيش قصة حب ولا اروع ولاكن وقعوا في شړ أعمالهم وقعوا ضحاېا لمن لا يرحمون 
محسن أهلا بالقمر
لوزة منور الدنيا يا سيد الكل
محسن تسلمي اي الاخبار البنات جاهزة
لوزة عيب عليك ده أنا لوزة يعني محدش يقدر يقف قصادي اهم حاجة الفلوس جاهزة
محسن اطمني 
الرجال فلوسهم جاهزة وكاش كمان يلا نادي علي الرجال بتوعك يجيبوا البنات
لوزة حاضر البنات هناك في السكن الي هناك ده هات الفلوس والرجال تروح تجيبهم
ثواني وارتفاع صوت الشرطة في المكان اجمع لما يعرفوا طريق للفرار فكان المكان متجمع به كل رجال الشرطة 
مصطفى الكل ثابت مكانه اي حركة مسډسي هو الي هيتكلم
مينا اي حد معاه سلاح ينزله بهدوء علشان الي هيفكر يتاذكي هو حر
مصطفى روح أنت يا سيادة المقدم عند البنات وأنا هلم الاوباش دول
مينا تمام خلي بالك لحسن حد فيهم يلعب بديله
مصطفى متخافش اي ديل هيتحرك هكون قاطعه
اخذ مينا بعض من العساكر متجه حيث السكن الذي به البنات
عادل اشطا مصطفى وصل ومعاه الدعم
ندي تمام يلا اجهز أنت كمان علشان نخرج من هنا
عادل استني في رجل من رجالة لوزة واقف علي الباب لزام نخلص عليه الاول
ليلي وانت هتضربوا بايه يا فلح لما أنت مش معاك سلاح
عادل هضربه بالبتاعه الي هناك دي
نظرت ليلي الي ما يشير اليه عادل وجدتها طاسه تيفال من النوع الثقيل يبدو انهم كان يصنعون الطعام بها 
ليلي وهي دي هتاثر في الحيوان الي برة ده
عادل اسكتي اهي الطاسة دي لها مواهب في الضړب بين اي راجل ومراته 
تقدم عادل من الرجل وجاء من خلف مباشرة
عادل بسسسسس
الټفت الرجل اليه حتى وجد عادل ينهال علي راسه بالضربات من الطاسة التيفال وقع علي الارض غارق في دماء راسه
عادل هههههههه مش قولت لك الطاسة دي لها مواهب
ثواني وفتح باب السكن كاد عادل ان يضرب مينا علي راسه ظن به احد رجال لوزة
مينا حاسب يا حضرت الملازم في اي
عادل أنا اسف مكنتش عارف أن حضرتك الي جاي
نظرا مينا الي يد عادل وجد تلك الطاسة ما زالت في يده
مينا هههههههه اي الي في ايدك ده
رفع عادل الطاسة قائلا دي سلاح اي زوجة مصرية حاليا يعني لو جوزها زعلها علي طول بتكون الطاسة في دماغه
مينا هههههه تب خلي بالك لحسن مرتك تديك بيها أنت كمان
عادل ليه هو أنا مچنون علشان اتجوز 
ليلي المهم اي الاخبار بره
مينا اطمني كله تمام مصطفى عمل الواجب معهم بره وأنا جايت علشان اشوف البنات علشان نكلم اهاليهم
عادل تب اطير أنا الحق اشوف محبوبتي قبل ما تركب البوكس 
مينا محبوبة اي
ليلي ههههه قصده لوزة بس أنت مش ناوي تسيب الطاسة من ايدك
عادل لا اصلي ناوي اديها تذكار في وشها بيها
ليلي لا هاتها واضړبها بايدك احسن
عادل خلاص خدي بس حافظي عليها علشان انا عايزها
ليلي دي في عنيني
مينا هو في ايه أنا مش فاهم حاجة
ليلي اصل لوزة كآنت حطه عينها علي عادل وطلبت منه الجواز وطبعا عادل كان حالف انه بعد العملية متخلص ناوي ينتقم منها
مينا هههههه بصراحة أنا لو مكانه اقټلها واخلص
ليلي كمل أنت شغلك وأنا هروح اشوف عادل هيعمل فيها اي
مينا تمام اه نسيت اقول لك ماكس معانا بره في العربية ابقي نزليه 
ليلي كويس انك جابته معاك
خرجت ليلي من السكن تاركا مينا ياخذ جميع المعلومات من الفتيات عن اهاليهم حتى يعادون اليهم
توجهت ليلي الي سيارة الشرطة وقامت باخراج ماكس منها وذهبت حيث يقف عادل ومصطفى
عادل لوزة حبيبتي ست الناس
لوزة الحقني يا عادل شفت حصل ايه
عادل تصدقي صعبتي عليا
مصطفى احب اعرفك ده الملازم عادل يعني ضحك عليكي 
لوزة ينيلك يا بعيد أنت ظابط
عادل الهي ينيلك انتي ستين نيله يا بعيدة لا هو انتي فاكرة اني ممكن ابصلك انتي ده انتي مش معروف لك ملامح ده أنا لو غسلت لك المعجون الي علي وشك ده هلقي سليمان عيد بدل لوزة
تسلل محسن بالخلف من عادل وقام بسحب سلاح من قدمه ووضعه علي رقبة عادل
محسن اي حركة كده ولا