رواية السم اللذيذ بقلم ياسمين علاء الدين (كاملة)

قوم نام علي السرير . 
مراد بصلها شكرا 
وقف وهي وقفت معاه وطلع علي السرير ولسه هتخرج مسك ايديها 
مراد خليكي جنبي . نفسي انام براحه 
سيرين قلبها رق وطلعت علي السرير جنبه وهو نام علي صدرها وهو مبتسم غمض عينه و هو حاسس براحه ودفا 
سيرين حضنته ومشاعرها ملخبطه. قلبها بيحبه وعقلها بيقولها خاېن متامنيش ليه 
نامت بعد تعب من التفكير ... صحيت بدري . خدت هدوم ومراد كان لسه نايم . 
خرجت لاوضه تانيه خدت دش ولبست ونزلت عشان تروح الشركه 
سيرين سعديه . 
سعديه ايوه يا مدام 

سيرين مراد نايم فوق . 
سعديه بفرح سي مراد رجع من السفر. 
سيرين اه .متتكلميش عن سليم . لو عرف حاجه هقطع رقابتك فاهمه 
سعديه والله ما هتكلم 
سيرين انا رايحه الشركه .. خرجت وهي لابسه النضاره 
سعديه وهي واقفه ربنا يهدي سركم وترجعو لبعض يارب . 
سيرين خرجت وكاظم والحرس واقفين ومستغربين اول مره واحد يزورها البيت غير اكرم. لا وكمان يبات. بس طبعا محدش يقدر يتكلم .. 
كاظم فاتحلها باب العربيه وهو في عينه كلام . هي لاحظت انه عايز يسالها وساكت 
ركبت والسواق انطلق في طريقه للشركه 
سيرين عايز تسال علي ايه يا كاظم 
كاظم انا مش من حقي ادخل. 
سيرين اكيد مش من حقك . بس عايزه اسمعك 
كاظم اول مره حضرتك تسمحي ان راجل يدخل البيت ويبات كمان معاكي 
سيرين ده مش اي حد . ده جوزي ابو سليم. 
كاظم اټصدم انا والله معرفش واسف علي اللي عملته 
سيرين لا متتاسفش . هو يستاهل كده واكتر 
كاظم بصلها باستغراب 
سيرين متستغربش كده . احنا كنا منفصلين وانا رافعه عليه خلع عشان يطلقني 
كاظم هو شكله بيحبك اوي . يعني هو الاول ضړبني واما انا كنت بضربه .. محاولش يدافع عن نفسه اكنه كان منتظر انك تنزلي وقلبك يرق . وشوفته وهو بيبتسم اول اما شافك 
سيرين سكتت وهي بتفكر في كلام كاظم .هو فعلا عمل كل ده وكان قاصد .. 
وصلت للشركه وطلعت مكتبها وابتدت تشتغل . 
وبعد شويه سمعت صوت السكرتيره عالي وصوت واحد بيزعق معاها ..
خرجت سيرين واتفاجات ب.......
السم_اللذيذ
بارت١٨
استغفر الله العظيم واتوب اليه
مراد صحي من النوم ودخل خد دش وبيدور علي سيرين .. نزل تحت كانت سعديه بتروق 
سعديه مراد بيه حمد لله علي السلامه . عامل ايه والست جوان عامله ايه 
مراد الحمد لله بخير . انتي عامله ايه 
سعديه الحمد لله. 
مراد سيرين فين
سعديه راحت الشركه 
مراد اعمليلي قهوتي . 
مراد لبس هدوم من دولابه. ..
سيرين عايشه في فيلا مراد القديمه وحاجته زي ما هي في دولابه. 
لبس ونزل كانت سعديه عملت القهوه شربها وراح لجوان 
اماسيرين فكانت واقفه بتحدي عايز ايه يا حازم بيه 
حازم پغضب انتي السبب في كل البلاوي اللي انا فيها 
سيرين وضح اكتر
حازم كيد النسوان ده مبيشتغلش معايا 
سيرين ببرود هشششش . اهدا وانت بتتكلم معايا. لسه من اسبوعين كنت بتبوس ايدي . ايه اللي حصل 
حازم رفع ايده عشان يضرب سيرين بس كان كاظم اسرع ومسك ايده ووقف قدمها 
حازم ابعد ايدك يا 
كاظم اتكلم بادب 
يامن كان وصل في ايه 
حازم انت مالك ...انت كمان 
سيرين وقفت جنب يامن وبتبص لحازم باستفزاز 
حازم انا هدفعك تمن اللي عملتيه غالي. 
سيرين ابتسمت ببرود .. 
يامن في ايه يا حازم بيه 
حازم هي السبب .وقعت كل اسهم الشركه 
سيرين ده شغل. ولو عايز تبيع الشركه انا هشتريها 
حازم يا بنت 
يامن پغضب احترم نفسك. انا بقول راجل كبير قد ابويا . بس انت زودتها اوي . اطلع بره 
حازم شركه ابوك هي عشان تطردني 
سيرين بره 
حازم هتندمي 
كاظم اتفضل قدامي 
خرج حازم وهو بيستحلف لسيرين .. ومعاه كاظم 
سيرين لنفسها اول مسمار يدق في نعشك يا حازم  
يامن سيرين انتي كويسه 
سيرين اه . تعال ندخل. بصت للموظفين كل واحد ع شغله 
الموظفين اتحركو بسرعه. وهي دخلت قعدت ويامن قعد 
يامن انتي ليه وقعتي شركته 
سيرين ده شغل 
يامن خليكي صريحه معايا في لغز في الموضوع. وصدقيني انا معاكي مش معاه 
سيرين تقدر تقول بنتقم منه. 
يامن خلي بالك ان حازم ده مش سهل 
سيرين عارفه . بس هو اللي بدا 
يامن عملك ايه 
سيرين مش مهم. قولي كنت عايز حاجه مني 
يامن ليه مش عايزه تكوني صريحه معايا . في حاجه غلط 
سيرين خليني براحتي متضغطش عليا وانا لو عايزه
احكيلك 
يامن ماشي . انا كنت جي اطمن عليكي. عرفت انك جيتي من السفر . حمد لله علي السلامه . 
سيرين الله يسلمك 
يامن هنتغدا مع بعض 
سيرين مش عارفه وقتي بس لسه بدري علي الغدا . 
يامن فكرتي في موضوع دمج الشركه 
سيرين انا عايزه اصفي الشركات اللي هنا واسافر 
يامن انتي ليكي اسم هنا . ليه ترمي كل ده 
سيرين مش هكون فاضيه .
يامن طيب ايه رايك شركيني في شركه الاغذيه وهديرها هنا وانتي معايا . حتي لو بره . هسافرلك او انتي هتيجي كده. 
سيرين مش بالسهوله دي .. هو انت ليه مصمم اني اكون شريكتك.
يامن شرف ليا طبعا. قولتلك حابب نكون اصدقاء 
سيرين زي ما قولتلك انا هسافر وهبعد عن مصر . فشكرا لعرضك .. احنا فعلا اصدقاء . انت اول واحد اتكلم معاه واحكيله عن حياتي الشخصيه 
مراد فتح الباب ودخل وهو مبتسم وبعدين كشړ اما شاف يامن 
يامن بصله باستغراب علي طريقه دخوله. 
مراد في ايه بتتكلمو في ايه وسكتو 
سيرين ملكش دعوه . وبعدين ازاي تدخل من غير اما تخبط . وليه اصلا جي 
مراد صوتك يوطي وانتي بتتكلمي معايا. 
يامن انت جي تكمل اللي ابوك عمله 
مراد مدتخلش انت واحد ومراته . انتبه لكلام يامن
بابا .سيرين .حصل ايه عملك حاجه وله ضيقك 
يامن مراته. . ده جوزك اللي حكتيليه عنه 
سيرين هزت راسها بنعم 
يامن ضحك عندي حق صح 
سيرين زي ما انت شايف كده . 
يامن انا هساعدك لو عايزه يامن كان قصده في طلاقها
سيرين شكرا بجد
مراد واقف هيفرقع منهم هتساعدها في ايه . وانتي ايه زي ما انت شايف 
سيرين عايز ايه يا مراد . مسفرتش ليه 
مراد مش هسافر غير وانتي معايا. ..مش هسيبك .
سيرين انا هخلعك
مراد ضحك مش بسهوله دي 
يامن بهمس لسيرين تحبي اتصرف 
سيرين انا بعرف اتعامل معاه . متقلقش
يامن قام وقف هضطر استأذن انا واسيبكم تتكلمو . سيرين لو احتاجتي لحاجه اتصلي بيا 
مراد هتحتاج منك ايه ..و انا موجود . . ياريت مشفوش وشك هنا تاني 
يامن لسه هيرد عليها ادخلت سيرين ووقفت قدام يامن 
سيرين شكرا ليك يا يامن ع كل حاجه
يامن ع ايه انا معملتش حاجه . سلام 
خرج يامن وقفل الباب ومراد قعد ع الكرسي 
سيرين قامت وقفت عايز ايه يا مراد 
قام وقف وقرب منها عايزك. 
هي اتوترت من جواها انا مش عايزاك .احنا هنتطلق 
مراد بعد كل اللي حكته وبرضو مصممه ع الطلاق 
سيرين اه 
مراد موافق اطلقك 
سيرين حاست بۏجع في قلبها .
مراد بس بشرط 
سيرين هرجعك الشركه والفيلا 
مراد تؤ مش عايزهم 
سيرين عايز ايه 
مراد عايز شهر واحد. اكون جنبك فيه وبعد الشهر لو عايزه تطلقي هطلقك وهبعد عن حياتك. 
سيرين اشمعانه شهر
مراد حقي اعيش معاكي زي اي زوجين. وبعدين انا مش هتجوز تاني.