رواية السم اللذيذ بقلم ياسمين علاء الدين (كاملة)

نتغدا بره. 
مراد ماشي 
خرج اكرم. ومراد رن الجرس دخلت سيرين. 
مراد قام وقعد علي الكنبه وقدمه اللاب توب. وشاور لسيرين تقرب منه. 
سيرين قربت وهي متوترة . 
جوان بابي انا عايزه اشتغل كمان 
سيرين ضحكت ثواني هجبلك حاجه تشتغلي بيها 
دخلت جبتلها اسكتش رسم والون وقعدتها علي كرسي وترابيزه صغيره قدمها. 
سيرين يلا. اشتغلي ولوني الاسكتش كله 
جوان ماشي. بسم الله 
مراد ضحك وبص لسيرين يلا تعالي اقعدي جنبي. افهمك هتعملي ايه 
سيرين بصت علي ايده وبصت عليه بتوتر 
مراد مالك 

سيرين شدت الكرسي هقعد هنا احسن 
مراد كشړ براحتك هو انتي كده هتشوفي
سيرين اه. 
مراد حاول يقرب . وهي كانت متوتره وبتبعد 
مراد بنرفزه سيرين في ايه. 
سيرين مفيش. 
مراد احنا بنلعب. 
سيرين وشها احمر. وجوان بصتله مش تزعق يا بابي 
مراد خد نفس وحط ايده علي رقابته حاضر 
بص لسيرين متزعليش . بس بحاول اشرحلك. 
سيرين ماشي. اصل لو قعدت جنبك مش هفهم حاجه
خليني هنا احسن 
مراد فهم انها مكسوفه اخيرا اه . تمام. لف اللاب وابتدي يشرحلها هتعمل ايه وتنقل الملفات فين 
سيرين .اوكي .. سهله . 
مراد قام ع مكتبه وهي قامت تاخد اللاب وتدخل 
مراد خليكي هنا واشتغلي قدامي علي الكنبه ولو في حاجه واقفه قدامك. قوليلي 
سيرين حاضر 
قعدت اشتغلت وهو ساعه وقام وقف جنبها .. هي بصتله واتوترت حاولت تشغل نفسها بالشغل. بس دماغها معاه 
اتلخبطت وهو ابتسم وقعد جنبها التاريخ غلط. 
سيرين بصتله ووشها احمر وهو الابتسامه علي وشه . 
هزت راسها وبعدت شويه. وهو مرديش يقوم. حب يضيقها اكتر 
تليفونه رنه وهو قام يرد . نفخت براحه. سمعها وابتسم 
مراد وعينه عليها الو 
حازم ايوه يا مراد . 
مراد ايوه يا بابا في حاجه
حازم لا عرفت ان السكرتيره بتاعتك عملت حاډثه. فقولت فرصه ان شاهي تيجي تساعدك 
مراد كشړ واتمني اللي بيفكر فيه ميكنش حصل 
مراد ببرود عكس اللي الڼار اللي ولعه في صدره اممم . عرفت منين 
حازم وانت مالك . 
مراد السكرتيره هتيجي بكره 
حازم بكره. ازاي انت بتكدب. دي العربيه خبطتها . ممكن تقعد شهر او اكتر
مراد نفخ بغيظ ..ولسه هيزعق افتكر جوان .. خرج بسرعه من المكتب وقفل الباب وراه. وراح علي مكتب اكرم 
اكرم اتفاجاه من مراد وشه احمر ډم وشكله في حاجه غلط 
حازم شاهي جايلك في الطريق 
مراد پغضب اقسم بالله يا بابا لو شفتها لهمرمط بكرمتها الارض . قولي بقي يا حازم باشا. انت اللي سلطت حد يخبط السكرتيره بالعربيه 
حازم بتوتر ايه الهبل ده هو انا قاټل 
مراد انا متاكد انك عملت كده عشان تخلي الزفته دي تيجي تشتغل هنا . بس احب اقولك. لو هقفل الشركه مش هخليها تقرب وله تشتغل معايا. 
حازم قفل التليفون وهو مضايق من ابنه. بس مراد اكتر واحد فاهم ابوه وعارف انه ممكن يعمل اي شئ عشان يوصل لهدفه 
اكرم انت متاكد يا مراد .. ممكن يكون عرف من حد هنا في الشركه 
مراد وهو رايح جي لو زي ما انت بتقول. كان عرف ان انا جبت سيرين
اكرم ابوك ده سكت 
مراد انا تعبت بجد من تفكيره. عايز يحرك الناس بمزاجه. انا خلاص هنفجر 
اكرم اهدا بس. البنت السكرتيره كويسه اللي عندها مجرد كسر في رجلها. 
مراد الحمد لله . اصرفلها راتب شهرين. كتعويض 
اكرم ماشي 
مراد خرج ودخل المكتب وسيرين بصله بقلق ونفسها تساله. 
سيرين جوان . ادخلي العبي في مكتبي علي الكمبيوتر وانا هدخل معاكي 
جوان اوكي . 
سيرين مالك يا مراد بيه. 
مراد بصلها وسكت هيقولها ابوه عمل ايه . مفيش شويه مشاكل
سيرين عن اذنك هخرج ثواني وارجعلك 
مراد هز راسه ... وهي خرجت علي البوفيه وطلبت كوبايه ليمون وعصير لجوان ممن غير سكر 
سيرين اتفضل اشرب عشان اعصابك تهدا 
مراد بابتسامه شكرا. 
سيرين دخلت لجوان وشربتها ير وقعدت معاها شويه وبعدين رجعت كملت شغل ع اللاب و
سيرين خلصت. 
مراد هاتي اللاب اراجع 
سيرين اتفضل يا فندم 
عدي اول يوم الشغل بسلام ... واكرم خدهم عزمهم علي الغدا 
وكان طول الوقت بيهزر وسيرين وجوان بيضحكو علي خفه دمه. اما مراد فكان مضايق
رجعو البيت وسيرين نيمت جوان ونزلت تتمشي في الجناينه . اتصلت باختها 
مراد كان ماشيه وانتبه انها واقفه بتتكلم في التليفون . 
فضل واقف في اوضه ومراقبها و نفسه يعرف بتكلم مين وتضحك معاه 
مراد ممكن يكون اكرم . كانت بتتضحك معاه كده انهارده 
..هروح اسالها .. لا عيب هقولها ايه. . مينفعش. انا مالي بتكلم اكرم وله تكلم اللي هيا عايزه . مليش فيه 
خلصت المكالمه وقفلت. وقفت شويه تبص علي السما وبعدين دخلت الفيلا. مراد دخل ونازل علي السلم وهي طالعه 
مراد لسه منمتيش 
سيرين لا مش جايلي نوم 
مراد وله انا. 
سيرين سكتت. بتفكر بطريقه تهرب منه. لانها بقت تتوتر من قربه 
مراد في فيلم حلو عندي تحبي تتفرجي معايا 
سيرين بتفكر تعتذر ازاي 
مراد اصل اما كمان مش هنام وزهقان. 
اتكسفت. ماشي. 
ابتسم ونزل شبك علي الشاشه الفيلم كان اجنبي واكشن رومانسي 
سيرين دخلت المطبخ وهو وقف الفيلم لحد اما تيجي. 
عملت فشار وعصير . وقعدت علي الكرسي وهو علي الكنبه. 
مراد انتي ليه بتحبي تقعدي بعيد 
سيرين. انا مرتاحه كده 
مراد بس انا مش مرتاح. 
سيرين بصتله ليه. 
مراد اشمعانه انا اللي بتتعاملي معايا كده . ما انتي بتضحكي مع اكرم . وفي التليفون. 
سيرين كشرت حضرتك. اكرم بيه هو كان بيضحكنا كلنا مش انا بس وانا بعامله باحترام وادب اما التليفون فمتهيالي مش من حقك تعرف انا كنت بكلم مين. لان دي حريه شخصيه . بس انا محترمه. ولو حضرتك مش عجباك اخلاقي فممكن تطردني 
خلصت كلامها وهي بتنهج من العصابيه ووشها احمر. وايديها بتترعش . لسه هتخرج 
مراد مسك ايديها سيرين. مش قصدي. اللي فهمتيه. انا عارف كويس انك محترمه. مستغرب بس من ردت فعلك معايا. يعني بحس انك بتتهربي مني. مش عايزك تتضايقي مني. انا فعلا مليش حق اسالك ع حاجه. ومش هضايقك تاني 
سيرين حاجه من جواها خلتها تهدا او مش عارفه ليه وقفت ومحبتش تزعله 
سيرين ممكن نتفرج ع الفيلم 
مراد ابتسم وقعد وشغل الفيلم وهي قربت منه الفشار
وقعدت علي الكرسي. 
بيتابعو الفيلم مع بعض بس كل شويه كل واحد فيهم يسرق نظرات علي التاني. 
جه مشهد رومانسي والبطل بيبوس البطله فسيرين غمضت عينيها وبصت علي مكان تاني . اما مراد فبصلها او ما جه المشهد وهي وشها احمر اكتر من كلامهم في الفيلم. 
مراد اصلا نسي نفسه وقعد بيتابع تعبير وشها. وهو هيمان. 
انتبه لنفسه وبرق ايه الهبل االي بعمله ده . لا لا يمكن. 
كمل الفيلم ونام بجسمه علي الكنبه وهو قاعد شويه والفيشار وقع من ايده. سيرين قامت وابتسمت. 
طلعت جابت حاجه عشان تغطيه. ونزلت لمت الفيشار من الارض وشالت الكوبايات بس قبل ما تتحرك وقفت تتامل في ملامحه . اول مره تاخد بالها من ملامحه. الجميله والرجوليه. . وطلعت علي اوضتها وهي مبتسمه 
تاني يوم 
سيرين صحت جوان وفطرتها ونزلتها علي المدرسه. 
جوان نزلت وشافت مراد وهو نايم في الريسبشن 
جوان بابي ..بابي. 
مراد ههمممم 
جوان نايم هنا ليه . 
مراد فتح عينه نص فاتحه وبص حوليه 
جوان انا