رواية حب مدفوع الأجر بقلم إيمان ضانا(كاملة)
مش عايزة اسيبك كدة
كريم ياختى بطة بس متقوليش الكلام دة قدام جوزك ليغير
هنا ههههههه متقلقش
.......
بعد وصولهم صعد اياد ووالدة والدتة وشقيقتة الى منزلهم وطرقوا الباب ودخلوا
فاطمة لولولولوولوووى
امل بفرحة ادخلى يا داليا هاتى اختك
كانت داليا واقفة ثاابتة وهى تبحلق لنرمين پصدمة
وتلك النظرة كانت تنظرها نرمين لداليا
داليا هاا
امل ادخلى نادى رؤى
داليا اه حاضر حاضر
ركضت داليا باتجاه الغرفة
داليا بتوتر رؤى الناس جم
رؤى حاضر انا خارجة اهو
ادهم مش يلا ننزل
رؤى ااهاا
امسك يديها وكانت متوترة جدا نزلوا جميعا وركبوا السيارة ومازالت تنظر داليا لنرمين پخوف
......
الحلقة 8
وصلوا الى الفيلا ودخلوا جميعا
والموسيقى عاليةة كان اياد يعتقد انة ف حلم وسيفيق منة قريبا ولا يصدق انة حقيقة عندما جلسوا كان مازال ممسكا بيديها
رؤى باستغراب نعم
اياد اعذرينى اصل انا مش مصدق الصراحة
رؤى ايااد احنا بنفذ الاتفاق مش اكتر
اياد بحزن عارف
رؤى بلاش بقا الحركات دى .. محدش جمبنا دلوقتى .. ياريت تسيب ايدى وكفاية تمثيل
نظر لها بحزن وكانة كان يريد ان يقول لها انة لم يمثل وكل هذا حقيقة ف فضل الصمت وترك يديها
ف الخارج
كانت داليا ونرمين واقفين ولم احد يتحدث
كانت داليا واقفة بحزن وهى تنظر ارضا
نرمين بعصبية ادينى مبرر واحد يخليكى تعملى كدة
داليا بحزن والله يا نرمين انا عارفة انى غلطانة بس والله انا كنت هقولك
نرمين تقوليلى اية يا داليا .. امتى يا ماما .. كنتى هتيجى تقوليلى اية انك مش بنت رجل اعمال كبير ف البلد زى ما احنا فاهمين
داليا پبكاء حصل والله العظيم اانا غلطانة من ساسى لراسى بس اقسم بالله انت مش هتحسى بيا ولا ف اللى انا فية
نرمين اخص عليكى يا داليا .. دة انا صحبتك من واحنا ف 1 جامعة .. تخبى علية كل دة
داليا پبكاء اكتر عشان كل اللى ف الجامعة عندهم اب وام عايشين ف قصر كبير واللى ابوة وزير واللى رجل اعمال
ولا ان احنا كل يوم بنشحت عشان نلاقى لقمة حلوة تسد جوعنا .. طبعا انت مش هتحسى باللى انا فية
نرمين ولو يا داليا .. دة مش مبرر يخليكى تعملى كدة .. وبعدين الشغل مش عيب ولا حرام .. طول ماهى شغلانة شريفة
داليا اناا اسفة يا نرمين
احتضنها نرمين واخذت داليا تبكى بحړقة
داليا بابا واحشنى اوى اوى
نرمين
بشفقة اهدى يا داليا .. الله يرحمة
داليا يااارب
نرمين خلاص بقا تعالى اغسلى وشك وغيرى مكياجك
داليا يعنى انت مش زعلانة منى
نرمين بابتسامة لا مش زعلانة .. يا عبيطة دة انا افرح ان اخت تبقى مرات اخويا
ضحكت داليا ونرمين ايضا ودخلوا سويا لتبدل مكياجها
.......
جاء كريم ومعة شقيقتة وكاد ان يدخل ولكن منعة الامن من الدخول وهو يضع يدة امامة
رجل الامن ممنوع يا فندم
كريم ممنوع اية بقولك انا مدعو ف الحفلة
رجل الامن مقدرش ادخلك غير باذذن الاستاذ ادهم والاستاذ اياد
كريم طب ممكن تنادى انسة نرمين
رجل الامن لا مش ممكن يا فندم
هنا هنعمل اية
كريم هتصل بنرمين
اخرج هاتفة وهاتف نرمين
......
نرمين ايوة يا كيمو
كريم بقولك اية الامن مش رادين يدخلونى
نرمين يا خبر معلش يا كيمو خليك عندك انا جاية حالا
كريم اوك
داليا هو كريم جةة
نرمين اه جة هروحلة يا ديلو هو ميعرفش حد غيرى وغيرك
داليا طب استنى اجى معاكى
نرمين بضحك واقعة واقعة
داليا بس يابت
.....
ذهبت له كلا من نرمين وداليا وسمحت له بالدخول
نرمين معلش يا كريم وقفناك
نظر لها كريم وهو لم يصدق
ونظرت له ايضا وعيناها ثابتة علية
هنا اية يا كيمو مالك
فاق من شرودة ع صوتها
كريم هاا لا مفيش
داليا ازيك يا كريم
كريم وهو يتحاشى النظر لها
كريم الحمدلله
نرمين مش تعرفنا يا كيمو
كريم اه طبعا .. نرمين وداليا اصدقائى .. دى هنا
داليا ونرمين اهلا وسهلا
هنا اهلا بيكو
جاء ادم وقال
ادم نرمين بدور عليكى
نرمين ف حاجة يا ادم
ادم اه كنت عايزك دقتين
نرمين اوكية تعالى اعرفكم الاول .. ادم ابن عمى يا جماعة .. ودة كريم دى هنا ودى داليا صحبتى
ادم اهلا بيكو نورتوا
كريم بنورك
نرمين عيشوا بقا اعتبروها حفلتكم
داليا وهى تهمس باذنها خدى هنا هتسبينى لوحدى
نرمين خليكى مع كريم او روحى اقفى جمب رؤى
داليا بنفاذ صبر ماشى يا نرمين
......
هاتفوا رجال الامن ادم فذهبت لهم ادم
ادم ف حاجة جدت
رجل الامن يا استاذ ادم .. الشخص دة بيقول انة صديق استاذ اياد
نظر له ادم وقال اااااه بيبو ازيك يابنى
ايهاب تمام التمام
ادم تعالى ادخل
ودخلوا الفيلا
ايهاب اية اللى انتو حطينو برة دول
ادم اسكت يا بيبو .. هشام نزل مصر عشان يحضر خطوبة اياد
ايهاب واياد عرف
ادم لا اوعى تقولة حاجة .. احنا وقنا حراسة برة عشان ميدخلش وعطلناة برضو
ايهاب ربنا يستر يا دومى
ادم ادخل لصحبك وانا هروح اعمل حاجة واجى
ايهاب عيش يا مان
ياسمين مين دة
ايهاب دة ادم ابن عم اياد
ياسمين ممم وانت عارف عيلة اياد كلها
ايهاب يابنتى اياد دة صاحبى من واحنا ف ابتدائى
ياسمين طبعا باباك عارف باباه
ايهاب الصراحة لا .. ربنا يستر
......
جاء المصور والتقط عدة صور لاياد ورؤى سويا وعدة صور مع العائلة جميعا
ادم بقولك اية يا بشير
اياد اية
ادم جمال اتصل ع موبايلك وانا رديت علية
اياد تمام قال حاجة مهمة
ادم قال مش هيجى وبيعتذرلك
اياد اه يابن ال
ادم تحب اكلمة
اياد لا خلاص .. خد هنا
انتو حاطين حراسة ع الباب لية
ادم بتوتر ها اصل اصل
اياد ماتخلص يابنى
ادم عادى زيادة احتياط برضة
اياد مش مقتنع
ادم ها مش مقتنع
ادم ف نفسة طب اقولة اية دة
ادم ااه عشان الصحافة والتصوير انت عارف بقا الصحافة بتحشر مناخيرها ف كل كبيرة وصغيرة
اياد ممممممممم طيب
ادم عن اذنك اروح اشوف نرمين
اياد خلى بالك منها
ادم متخفش ف عيونى
......
نرمين ها قولى عملت اية
ادم فاتك نص عمرك .. حبستهم ف الشركة ههههه
نرمين هههههههه عملتها ازاى
ادم كان ف مكتبة مشغول روحت انا استغليت الفرصة وطفيت انوار الشركة كلها ماعدا مكتبة ونزلت وقولت للامن يقفلوا
وفعلا الامن قفلوا الشركة ومشيوا
نرمين بس هو كدة ممكن يتصل بحد منهم يجوا يتفحولوا
ادم تؤتؤ عيب عليكى
واخرج من سترتة هاتف
ادم موبايلة ف جيبى وبالنسبة لتليفونات الشركة شلت اسلاكها
نرمين ههههههه اية الدماغ دى
ادم عيب عليكى هو انا اي حد .. بس يارب اخوكى يهدى علية شوية ويعرف انا بحبة اد اية
نرمين والله يا ادم اياد بيحبك بس هو عصبى شوية من ساعة موضوع شروق وهو اتغير خالص
ادم ما لية حق
نرمين الحمدلله .. يلا بقا هروح لصحابى
ادم تمام
.....
كانت واقفة بجوارة وتغتلس له بعض النظرات
هنا وتهمس ف اذنة هى دى
كريم هى مين
هنا البنت اللى انت بتحبها
كريم بصوت منخفض اه هى
هنا هى مابتتكلمش لية هى خرسة
اطلق ضحكة عالية مما جعل هنا تضحك هى الاخرى
نظرت له داليا بغيظ
داليا كريم !
كريم وهو يكتم ضحكتة ايوة يا داليا
داليا بتضحك ع اية
نظر لها وضحك مرة اخرى
هنا اصل انا كنت بقولة نكتة
داليا بعصبية خفيفة والله .. طب ماتسمعنا النكتة الى بتضحك اوى دى
كريم اعذرينى يا داليا سورى .. تعالى يا هنا هقولك حاجة ع جنب
هنا يلا يا قلبى
داليا بتقليد يلا يا قلبى .. دمك تقيل عاجبة
فيكى اية دة
......
حان وقت رقصة السلوة
رؤى اية يا اياد
اياد يلا هنرقص
رؤى لاء مش هرقص
اياد يلا يابنتى الناس بتبص علينا
رؤى بنفاذ صبر يا ربى طيب
قامت لترقص معة وهى مترددة
ظلت واقفا تنظر له ثابتة
اياد هتفضلى واقفة كدة
رؤى اعمل اية
ياسمين شايف رؤى عسل ازاى
ايهاب دة انت اللى قمر يا جميل
ياسمين ههه لا بجد بص هادية ازاى بنوتة لطيفة خالص
ايهاب مممممم زى القمر
ضړبتة ضړبة خفيفة ع يدة
ياسمين بغيرة احترم نفسك
ايهاب لا اله الا الله .. مش انت اللى عمالة تتغزلى فيها عايزانى اقولك اية
ياسمين خلاص يا رخم
واطلقت لسانها
ايهاب ههههه طفلة تعالى نرقص
ياسمين هيييييييييييه
.......
كان ساندا ع الشجرة ومربع يدة الاثنين وصامتا
هنا اية يابنى انا افتكرت عايز تقولى كلمتين ع جمب بجد
كريم لاء انا قولت امشى بعيد عنها .. كفاية انها مش طايقانى
هنا ومين قالك انها مش طايقاك .. دى غيرانة عليك
كريم بسخرية هه قال غيرانة علية قال
هنا انا بتكلم جد ع فكرة
كريم بعصبية خفيفة يابنتى بقولك مش بطيقنى ولا بتحبنى .. يبقى ازاى غيرانة علية مفيش مخ خالص
هنا طب والله انت عبيط بقولك غيرانة عليك انا فاهمة شغل البنات دة وخصوصا انها متعرفش انى اختك
كريم بقولك اية انا هروح استأذن من نرمين واباركلها وهاخدك ونتمشى شوية
هنا اوكية ع راحتك
كريم خليكى هنا .. متمشيش
ذهب كريم يبحث عن نرمين بعينة
......
كان واقفا يتحدث مع شخصا ما فوجدها تنظر لة وعندما يينظر لها تتظاهر بانها شاردة وتنر بالناحية الاخرى
داليا قوليلى بقا مين ادم دة
نرمين بابتسامة ابن عمى
داليا ابن عمك بس
نرمين بتردد اه اه ابن عمى بس
داليا كدابة يا نرمين
وضعت يديها ع خدها وقالت
نرمين بحبة !
داليا بضحكة هههههه انا قولت كدة برضو .. خالى بالك دة عمال يبصلك
نرمين بجد بيبصلى !
داليا اه والله حتى بصى
نظرت نرمين وجدتة ينظر لها فنظرت بالاتجاة الاخر فابتسم ادم
داليا مش قولتلك .. صدقتينى بقاا
وجدتة فجأة يمسك معصم يديها
ادم بابتسامة عن اذنك يا انسة داليا هاخدها منك شوية
دالياا اتفضل خدها مش عايزاها اصلا
واخذها الى المنصة الاستيدج وظل يرقص معها
......
مازال يبحث بعينة عنها ولم يجدها فوقف مكانة
كريم راحت فين البت دى
جاءت داليا وقالت
داليا بتسال على مين
الټفت لها وقال
كريم كنت بسال ع نرمين مشوفتهاش
داليا هناك اهى .. بترقص مع ادم
كريم طب تمام .. انا كنت جاى استأذنها وامشى قوللها انت بقا انى مشيت
وكاد ان يذهب فركضت سريعا وامسكت يدة
داليا اية دة انت هتمشى خليك شوية
نظر كريم ليديها التى تمسك يدة ثم نظر بعينها ولم يتحدث
داليا لم تاخذ بالها وهى مازالت تتحدث معة
داليا عشان خاطرى يا كريم خليك شوية .. انت ملحقتش تقعد
كريم بتوتر مم .. ممعل .. معلش يا داليا انا لازم امشى
وتركها وذهب
داليا بعصبية رخم رخم خليها تنفعك
......
وعندما رجع اليها مرة اخرى
هنا ها قولتلها
كريم بتردد اه اه يلا بينا
هنا مالك يا كريم
كريم ها لا مفيش حاجة مفيش
هنا كريم .. قابلتها .. قالتلك حاجة دايقتك
كريم لا يا هنا والله مفيش حاجة .. يلا نمشى انا عايز انام
هنا بعدم تصديق اوكية يلا
.......
واثناء الرقصة
رؤى بتبصلى كدة لية
اياد عادى انا ببص عادى
رؤى طب لو سمحت كفاية رقص
اياد استنى
الاغنية هتخلص الاول
رؤى لاء كفاية كدة
وتركتة وذهبت بجانب والدتها
اياد ف نفسة كدة ماشى يا رؤى
وذهب خلفها
امل ماشاء الله
