رواية كتارا عندما يخطط الشيطان بقلم مريم نصار(كاملة)
القضيه دي لانها اتقفلت ونبص للشغل المتلتل على اكتافنا في قواضي كتير ورانا أهم من قضية اتقفلت ياشهاب.
شهاب بتصميم عندي طلب صغير يا فندم لو اسمحلي.
المدير اتفضل.
شهاب ممكن نفتح ملف كتارا من جديد!! واوعدك خلال 48 ساعه هنوصل للحل والقا تل الحقيقي.
المدير برفض مش هيحصل أبدا القضيه اتقفلت يا سيادة المقدم والكلام فيه منتهي وتودي الولاد لابوهم الدكتور سراج وترجع تشوف شغلك اتفضل دلوقتي على شغلك.
في شقة شهاب.
هاله بنرفزه يعني ايه يا شهاب حق كتارا كده راح!! طب ودليل الرمز اللي في قلب الامضاء ده إيه! طيب ودليل كلام والدها وكمان شهادة إلياس ابنها وإن المهم قبل تنفيذ الجر يمه بساعات هدد بقت لها واختار الوقت اللي الكاميرات مقفوله في المنطقه كلهاونفذ الجر يمه.
وكملت بتساؤل بس اللي هيجنني ما دام في مج رم ازاي كمان رمت نفسها من البلكون من غير ماحد يدفعها او يزقها! انا هتجنن حتى تليفونها ما فيش عليه اي مكالمات تمت في اليوم ده غير من سراج جوزها !!!!
شهاب بوجوم أنتي عايزاني اعمل إيه يا هاله انا حاولت مع المدير ورفضاعمل إيه تاني انا مش قادر افكر في اي حاجه.
هاله بتفكيراحنا لازم نراقب سراج يا شهاب هو ده الخيط اللي هيوصلنا للحقيقه.
شهاب رجع بضهرو لورا على السرير وقال طيب سيبيني كده افكر مع نفسي واشوف هنعمل ايه
شهاب أيوه ياهاله.
فات كام يوم وشهاب وهاله بيفكروا هيعملوا ايه لانهم متأكدين ان كتارا مجني عليها وض حيه وحاليا قاعدين بيتعشوا وهاله قالت بتساؤل يعني هما سافروا المنصوره
شهاب ايوه الدكتور سراج قالي هاخدهم يومين علشان يغيروا جو وهيرجعوا تاني.
هاله تعرف ياحبيبي إلياس وايلين وحشوني قوي.
ضحكت هاله لكن جاتلها فكره بخصوص القضيه وقالت شهاب انا جاتلي فكره!
شهاب بعدم فهم فكرة إيه
هاله إيه رأيك لو نكلف حد بمراقبة سراج
شهاب هز راسه برفض وقال لأ انا خلاص عرفت هاعمل إيه.
هاله بفضول طيب وساكت ليه قول ناوي على إيه
هاله بإعجاب والله فكره طيب هتدخل البيت إزاي ماتنساش الكاميرات!!!
شهاب وعلشان الكاميرات ومحدش يشوفني ولا يفكر اني بنخور وراهم انا هاتصرف.
قدام عماره كتارا
الساعه 1200 بالليل شهاب نزل من العربيه ولف من السلم الخلفي وكان حريص إن محدش يشوفوا وطلع على المواسير مسافه وعلشان يوصل بلكونه كتارا!!! لازم ينط من بلكونة الجار اللي جمبهم وطلع فعلا وكان حريص لكن إزاز البلكون كان مفتوح والاوضه منوره ومش عايز حد يشوفه استنى لحظات ونط ف البلكونه وبعد منها نط لبلكونة كتارا ودخل بحرص وزرع الميكروفونات وخرج من البلكون لكن شاف صاحب البيت المجاور خارج من حمام الغرفه شهاب رجع بضهره بسرعه واستخبى واطمن لما النور اتقفل ونزل من البلكونه على المواسير وركب العربيه واتحرك.
الياس وايلين سمعوا كلام باباهم وراحوا لعنده واتكلم إلياس بحزن بابا احنا هنسافر بجد!
ايلين ببراءه بابا حضرتك هتبيع الشقه دي بتاعه ماما
سراج مسك دراع إلياس واتكلم پحده وقال يعني انت عايزني أعمل إيه! مش كفايه اللي جرالي من تحت راس والدتك !
إلياس زعق ماما ماعملتش أي حاجه انا عارف كل حاجه انت بتكذب علينا علشان ماتقولش لينا الحقيقه بس انا عارف كل حاجه ماما ما تت ماما ما تت يا بابا.
في فندق خمس نجوم على ترابيزة خاصه عليها تورته كبيره وجاتوهات موجود شهاب وهاله بيحتفلوا بعيد ميلاد يوسف اللي طفى الشمع وسقفوا ليه بفرحه وهاله باسته من خده وقالت بسعاده كل سنه وأنت طيب يا يوسف يا حبيب ماما.
يوسف بسعاده وأنتي طيبه يا ماما..
شهاب بإبتسامة حب كل سنه وانت طيب يا چو وعقبال 100 سنه.
يوسف وانت طيب يا بابا بس فين الهديه بتاعتي انت وماما
هاله بضحكه بس كده من عيوني انا جبتلك البلاي ستيشن اللي انت كنت هتتجنن عليه.
يوسف بدهشه وفرحه بجد يا ماما جبتيلي البلاي ستيشن انا مبسوط قوي طيب وانت يا بابا جبت ليوسف حبيبك إيه
شهاب ضحك ولعب في شعر يوسف وقال واد اونطجي بتستغل حبنا ليك بص يا سيدي انا جبتلك العجله اللي أنت كنت عايزها مني ومن جدك ها مبسوط
يوسف شهق بسعاده ابوه وقال الله بجد انا فرحان قوي النهارده شكرا يا احلى بابا انا كان نفسي في العجله من زمان قوي ربنا يخليك ليا يا احلا أب.
شهاب انا وعدتك لما تكبر اجيبهالك ومدام شهاب الطوخي وعد يبقى لازم ينفذ.
في شقه كتارا.
كان في شخص متواجد مع سراج بيتفرج على الشقه واسمه صلاح وقال بإعجاب اممم الشقه جميله والتصميم عجبني جدا لأنه امريكان ستايل والموقع مناسب ليا ولزوجتي وأولادي.
سراج ابتسم بتفاؤل طيب جميل جدا أنها عجبتك يا أستاذ صلاح شوف حضرتك ناوي على ايه وانا معاك!
صلاح ناوي على كل خير إن شاء الله لكن السعر اللي حضرتك حاطه في الشقه دي كبير جدا وخصوصا بعد اللي حصل فيها من فتره!!!
سراج بلع ريقه وقال حصل!! حصل ايه مش فاهم!
صلاح دكتور سراج احنا في عصر السوشيال ميديا والكل بيتكلم عن الحاډثه اللي تمت في الموقع ده والعماره دي تحديدا والحاډثه كانت اڼتحار الدكتوره كتارا موسى وكلنا كنا متابعين التطورات فيها وان القضيه اتقفلت بأنها انت حار يعني لو حبيت تداري عليا مش هتعرف تخبي ع كل مشتري يجي يتفرج لأن ببساطة بواب العمارة لما يقبض هيقر بكل حاجه ولا ايه
سراج اتنهد بحيره ومش عارف يعمل ايه لكن قال بص يا أستاذ صلاح أنت معاك حق طبعا في كل كلمة قولتهاوبعدين في الأول والآخر ده نصيب لكن إيه علاقة السعر في اللي أنت بتقوله ده وحتى حالة الاڼتحار زي ما حضرتك بتقول تمت قدام العماره لكن مش في الشقه نفسها.
صلاح علاقة السعر إنك رافعه قوي واي حد هيعرف إن في حد انت حر في الشقه او خارج الشقه دي هيعتبرها حالة قت ل ف من المستحيل تلاقي مشتري بسهوله لكن علشان أنا راجل مؤمن وعارف إن كل شيء في الدنيا دي مقدر ومحدش بياخد الروح اللي خالقها فأنا مش خاېف لكن برده لازم تنزل في السعر شويه ولا أنت شايف إيه يا دكتور سراج
سراج رافع حاجبه وقال اه بقى الحكايه كده!!! حضرتك زي ما بيقولوا بتصطاد في المايه العكره اممم طيب اتفقنا علشان انا مستعجل وعايز اسافر فمش هنختلف في السعر المهم شوف حضرتك جاهز تدفع امتى
صلاح من بكره لو تحب!!
سراج تمام بكره الصبح نخلص اجراءات البيع.
تاني يوم في شقه شهاب على الفطار كلهم بيفطروا يوسف خلص أكل و قام بسرعه وقال بحماس بابا بابا انا هانزل أجرب العجله بتاعتي تحت في الشارع.
شهاب أبتسم طيب بس خلي بالك من نفسك وما تروحش بعيد فاهم
هاله كملت وخلي مازن إبن طنط مايسه يلعب معاك وياريت تسمع كلام بابا زي ما قالك ما تروحش بعيد علشان قبل ما اخرج ع الشغل!! هاخدك اوديك عند ماما في طريقي.
يوسف هز راسه حاضر يا ماما حاضر يا بابا.
واخد العجله ونزل شهاب بص على هاله وشاف ملامحها مبسوطه من الصبح واتكلم يتساءل إيه ياهلا ملاحظ انك على طول مبتسمه على غير العاده!
سندت بأيديها على السفره وقالت بابتسامة وهل ده بقى حاجه وحشه ولا حلوه يا سيادة المقدم!!!
شهاب بإبتسامة لأ طبعا دي حاجه حلوه وحاجه قمر هو حد طايل يصحى كل يوم على الضحكه الحلوه دي!!! بس انا يعني بحكم خبرتي حاسس إن في سبب وقوي كمان ورا الفرحه اللي في عينيكي دي!! ومش معقول يكون عيد ميلاد يوسف ولا انا غلطان!
اتنهدت بفرحه وقالت لا مش غلطان يا حبيبي انا فعلا النهارده مبسوطه قوي قوي وفرحانه جدا.
شهاب بفضول طيب ما تفرحيني معاكي ولا هو سر
هاله بحماس اوكي بس حضرتك جاهز للمفاجأة!!
شهاب بضحكه جاهز يا فندم وكل أذان صاغية.
هاله ابتسمت بسعاده كبيره وقالت بعد تسع شهور هتكون اب لتاني مرة يا شهاب.
شهاب قلبه ده وضحك وفرح جدآ وقال بفرحه أنتي بتتكلمي بجد يا هاله أنتي حامل!!!
هاله هزت راسها وقالت بسعاده أيوه يا حبيبي انا حامل وفي الشهر الاول انا فرحانه ومبسوطه قوي يا شهاب.
شهاب قام وقال الف مبروك يا روحي الف مليون مبروك.
هاله بتنهدة راحه الله يبارك فيك يا حبيبي.
شقه كتارا
كان في دربكه قدام الشقه و إلياس وايلين واقفين في الطرقه ولابسين وجاهزين للخروج سراج بيشاور للعمال يطلعوا الشنط والكراتين قدام الشقه فيصل سمع الدوشه و فتح باب الشقه يشوف في إيه وسأل إلياس بفضول هو انتوا هتعزلوا يا إلياس ياحبيبي وهتأجروا الشقه بتاعتكم
إلياس بحزن لأ بابا باع الشقه خالص وهنمشي من هنا خالص يا عمو.
فيصل مط شفايفه و طبطب على كتفه وقال معلش معلش يا إلياس يابني بكره تكبر وتعيش في بيت اكبر من ده بكتير.
إلياس بصله ومردش عليه فيصل دخل وقفل الباب باب الاسانسير فتح ونوال خارجه منه وشافت والشنط اللي قدام الشقه وسمعت سراج وهو بيقول صبحي خد الشنط دي وحطها في العربيه وكمان الكراتين دي خلي بالك منها حطها بشويش لان فيها انتيكات غاليه عليا ونادره.
صبحي بإيماء تحت امرك يا دكتور سراج.
نوال جت و وقفت قدام سراج وقالت مساء الخير يا دكتور سراج.
سراج مساء الخير يا مدام نوال.
كشرت عينيها وقالت بإستفسار خير هو حضرتك مسافر ولا هتعزل!! إيه كل الشنط والكراتين دي
سراج بصراحه يا مدام نوال انا بعت الشقه.
نوال بتعجب ايييه بعت شقة الدكتورة كتارا!!!
سراج أيوه لأني بصراحة من بعد الدكتوره كتارا أنا مش عارف أعيش فيها.
نوال بتفهم أيوه أيوه فعلا الله يكون في عون حضرتك وربنا يرحمها طيب وحضرتك هتشتري شقه جديده ولا اشتريت
سراج لأ انا مسافر المنصوره عند والدتي.
نوال ابتسمت اه كده أحسن علشان إلياس وايلين يلا خير إن شاء الله تروحوا بالسلامه.
الياس جه وقال بابا هنمشي امتى!! ايلين عايزه تنام.
سراج حالا اهو يا إلياس يا ابني هننزل مع بعض يلا
