رواية كتارا عندما يخطط الشيطان بقلم مريم نصار(كاملة)

شهاب!!!!!!!! واضح قوي أنها نوال و أقوى من المجني عليها بنفسها ولأن كتارا دكتوره كيميائيه!!! خدت بالها من نقطه مهمه زي دي قبل ما تكتب الإعتراف.
شهاب أقتنع بكلام هاله لكن قال بتفكير بس مش لوحدها أكيد يا هاله!! في مشترك في الچريمة دي.
هاله تقصد سراج!!!!
شهاب مط شفايفه وقال في عيد ميلاد يوسف هنعرف.
هاله بعدم فهم عيد ميلاد يوسف لسه عليه اسبوع يا شهاب!! انت بتفكر في ايه!
شهاب بدهاءوده وقت حلو قوي وكافي إني أعرف تحركات نوال جايز يكون سراج شريكها أو ممكن جوزها إحنا مانستبعدش أي حاجه!
في وقت تاني شهاب خارج من اوضته وهاله كانت في المطبخ وقال أنا نازل يا هاله عايزه حاجه!
هاله بتعجب رايح فين دلوقتي! لسه ما جهزتش الغدا
شهاب رايح مشوار مهم وبالمرة هاعدي على إلياس وايلين.
هاله ابتسمت من تفكير جوزها وقالت اوكي ومتنساش سلامي ليهم يا سيادة المقدم الهمام.
شهاب إبتسملها وودعها وخرج ركب العربيه واتصل على سراج ورد عليه الو مين معايا
شهاب اهلا يا دكتور سراج انا المقدم شهاب الطوخي!
سراج اتوتر آه اهلا يا فندم عرفتك دلوقتي من صوتك خير في حاجه!!
شهاب لأ مافيش حاجه مهمه بس انا كنت عند واحد زميلي هنا في المنطقه قريب منك وكنت عايز اشوف إلياس وايلينقولت بالمرة بما أني جمب منهم اجي اشوفهم لأن كده بصراحه وحشوني ولا عندك مانع ألف وأرجع
سراج بنفي لأ أبدا يا خبر تشرف في أي وقت ده كفايه اللي حضرتك عملته معاهم وكمان هما متعلقين بيك جدا.
شهاب بإبتسامة نفس الشعور ناحيتهم وربنا يبارك فيهم خلاص تمام أنا خمس دقايق واكون عندك.
جرس الباب رن و إلياس جري فتح وسلم عليه وقال بفرحه عمو شهاب عمو شهابحضرتك وحشتني قوي ايلين يا ايلين تعالي عمو جه.
بنفس الفرحه جريت ايلين عمو شهاااب هييييييه
وسلمت عليه وكانت رجليه.
شهاب نزل لمستواهم وقال بضحكه ازيكم يا حلوين عاملين إيه
ايلين ببراءه إحنا حلوين اوي وطنط هاله عايزه تشوفني صح!
شهاب باس خدها وقال أيوه طبعا وهى بعتالك دي لحد ما تشوفك.
سراج قابل شهاب ورحب بيه وقال اتفضل حضرتك في الصالون.
إلياس بيبص ورا شهاب بيدور على يوسف وقال بتساؤلفين يوسف حضرتك مجبتوش معاك! شهاب يوسف يا سيدي عند جدته لكن اوعدك المرة الجايه هاجيبه معايا.
إلياس بحزنهتجيبه فين بقى يا عمو خلاص بابا هيبيع الشقه وهنمشي من هنا خالص!!
شهاب طبعا كان عارف كل حاجه من اجهزة التنصت وبسبب كده هو جاي علشان يشيل كل الاجهزه لكن مثل التعجب وقال ايييه معقول هتبيع الشقه يا دكتور سراج!!!
سراج بتوتر والله يا سيادة المقدم انا ماليش غير والدتي في المنصوره ودلوقتي ما فيش سبب يخليني اعيش بعيد عنها بعد ۏفاة كتارا الله يرحمها.
ايلين بعفويه بس أنت قلت اننا هنسافر بره مصر يا بابا.
سراج بصلها بنظرة تحذير كأنه بيقولها ماتتكلمش وشهاب معلقش ع كلام ايلين وفضل يتكلم معاهم في مواضيع تانيه وبعد لحظات سراج جاتله مكالمه واستأذن وقام يردفي نفس الوقت ده شهاب شال كل اجهزه التنصت من عند سراج وبعد شويه قام وقال اتكلمنا كتير ياولاد والوقت خدنا يادوبك ارجع ع الشغل.
إلياس ما تقعد شويه يا عمو
ايلين بترجي ايوه يا عمو شهاب ارجوك بليز خليك معانا شوية كتير.
شهاب أبتسم وقال معلش يا حبايبي عندي شغل مهم جدا ولازم امشي دلوقتي.
ايلين فكرت وقالت ممكن ننزل معاك تحت نوصلك ونرجع تاني أرجوك.
شهاب بضحكه لأ دي بقى تستأذني فيها باباكي.
ايلين راحت وقفت قدام ابوها وقالت بليز ممكن توافق يا بابا!
سراج هز راسه ليها بموافقه وقال ماعنديش أي مانع يا حبيبتي انزلي وخدي الياس معاكي ولو تحب ياسيادة المقدم أنزل اوصلك بنفسي.
شهاب بسخرية بعض الشيء قال لأ متتعبش نفسك أنا عارف طريقي كويس.
خلص كلامه وسلم على سراجوخرجوا نزلوا في الاسانسير وماشيين في مدخل العماره كان في بنت صغيره قاعده على سلم مدخل العمارة وفي ايديها فرده حلق بتلعب بيها ايلين شافتها و وقفت مرة واحده وقالت بضجر الحلق ده بتاع ماما ايه اللي جابه معاكي!
شهاب سمع ايلين وكشر عينيه لكن راح عند البنت ونزل لمستواها ومسك فرده الحلق وسألها انتي بنت مين ياحلوه
البنت خاڤت ومردتش وجاوبته ايلين وقالت دي بنت عمو صبحي البواب ياعمو والحلق ده بتاع ماما.
شهاب طبطب على ايلين تهدا وسأل البنت بهدوء وقال الحلق ده بتاعك يا حلوه وقولي الحقيقه وانا هديكي حاجه حلوه.
البنت هزت راسها بالرفض من غير ما تتكلم وواضح انها لسه خاېفه.
كان مركز قوي في الحلق ومتأكد انه شافه قبل كده وبعدها فتح عينيه بدهشه وافتكر انه نفس الحلق اللي كان في روب نوال وقال للبنت طيب شاطرة خدي بقى بقى الفلوس دي وجيبي حاجه حلوه ليكي بس عايزك تركزي معايا ومټخافيش من حاجه الحلق ده جبتيه منين بالضبط!!!
البنت پخوف شاورت على الشارع شهاب مسك ايدها وقال تعالي وريني انتي لقيتيه فين بالظبط!! البنت خرجت وشهاب ماشي وراها و وقفت مكان حاډث كتارا شهاب لف ل ايلين وسألها أنتي متأكده إن ده حلق مامتك يا ايلين
ايلين بقسم والله ايوه صدقني وأسأل إلياس. الياس بتأكيد ايوه ياعمو صدق ايلين ده حلق ماما وكانت لابساه آخر مرة شفناها فيها قبل ما طنط نوال جارتنا تخبط علينا.
شهاب انتبه لكلام إلياس وشړ عينيه بتركيز وقال لااا كده بقى انا عايزك تحكيلي ايه اللي حصل يومها بالظبط ومن غير ما تنسى كلمه.
إلياس كل اللي فاكره إن ماما كانت متضايقه جدا لأنها اتخانقت هى وبابا في اليوم ده وبليل كانت وقفه قدام التسريحه بتلبس الحلق ده حتى عجبني انا وايلين لأنه كان جديد وبعد كده سمعنا صوت المطر والنور قطع وبعدها الباب خبط وانا جريت افتح علشان كنت فاكره بابا لكن كانت طنط نوال كانت جايبه عصير ليا انا وايلين وصممت اننا لازم نشربوا كله وكانت بتلعب معانا وبعدها نمنا وصحينا لقينا نفسنا في المكان اللي حضرتك جيت خدتنا منه ويقصد قسم الشرطه.
شهاب حط ايده تحت دقنه وبيفكر وبيرتب الأحداث وكل الادله كده ضد نوال لكن برده ازاي وليه وايه الغرض وأهم سؤال إزاي اڼتحرت بإرادتها وفي نفس الوقت مقتوله في علامات استفهام كتير عايزه تتوضح وهو واقف محتار لمح عربيه واقفه ع بعد مسافه فيها واحد وكانت راكبه جمبه نوال وبيتكلموا مع بعض وشكلهم كانوا بيتخانقوا ولأنه شاف زوج نوال قبل كده لما كان واقف البلكونه والصور!! وشاف الشخص اللي معاها ده غير جوزها خالص وأبتسم بخبث لأنه كده قرب يفك شفره القضيه وقرر أنه يراقب الشاب ده وراقب نوال وبعد كده عرف هو مين وساكن فين! وايه علاقته ب نوال وكان الشخص ده ع ميعاد مع نوال في فندق خمس نجوم وشهاب عمل فيه عيد ميلاد يوسف إبنه كنوع من المراقبة والترفيه في نفس الوقتو كل اللي حصل كان متراقب تحت عيون شهاب الطوخي وراقب تحركات سراج اللي كان متأجر شقه مفروش لفترة صغيرة علشان يظبط أموره قبل ما يسافر راقب تحركات نوال ومشي وراها لحد ما وصلت عند سراج اللي هى كمان كانت مرقباه علشان.......!!!!
ونقول باك
شهاب بيحكي كل اللي حصل وسراج ونوال واقفين بيسمعوا وملامحهم بتجيب مېت لون لكن سراج بعد ما سمع الادله اللي ضد نوال أتكلم بعصبيه وقال يعني نوال هي السبب في قتل مراتي!!!!
نوال صكت على أسنانها بغيظ واضح من الاټهامات الموجهة ليها وقالت بزعيق انا ما قتلتش حد اكيد في حاجه غلط انا بريئه من كل الاټهامات ديانا ما عملتش حاجه غلط و كل اللي اتقال ده ما حصلش انتوا عايزين تلبسوني تهمه انا بعيده عنها
شهاب بينفث الدخان وقال ماشي يا نوال هاعمل اني مصدقك بس تقدري تفسريلي سبب وجودك هنا!!! ايه اللي جابك دلوقتي شقة واحد غريب عنك!
نوال بلعت ريقها وقالت بإرتباك أنا أحم أنا جيت علشان!!! علشان اطمن على إلياس وايلين.
شهاب ضحك بسخريه وقال تصدقي طلع قلبك كبير يا نوال مع إن إلياس وايلين من وقت ۏفاة مامتهم وهما قاعدين عندي فترة كبيرةوكانوا في أشد وقت كاانوا محتاجين فيه لأي حد يسأل عليهم لكن محدش سأل.
ومط شفايفه وكمل بإستهزاء امممم اكيد إنتي ما تعرفيش عنوان البيت! وعلشان كدا مكنش في مجال تسألي عليهم تؤ شوفتي أنا ظلمتك يا نوال.
نوال هزت راسها بعدم تصديق وقلبها بيدق من طريقة شهاب وقالت پخوف أنت بتلمح لايه ياحضرة الظابط! اوعى تكون مفكر اني قټلت كتارا أو كان عندي حلقها في الروب زي ما قولت أنا لحد دلوقتي معرفش إزاي جه عندي أو ممكن مايكونش كان عندي من الأساس وكمان مش معنى أني عامله وشم تجيبوها فيا وأهم سؤال إيه مصلحتي من أني اقټلها وأنا مفيش بيني وبينها أي حاجه غير الاحترام!!! أنا واحده پتخاف من خيالها مش معقول اللي بيحصل ده.
وبصت على سراج وكشرت عينيها وكملت بتوضيح مش يمكن جوزها سراج اللي عمل كل ده! ايوه أكيد هو لأنه أكتر واحد مستفيد من قټلها!!!
سراج بصلها وقال بدفاع اخرسي قطع لسانك يا عديمة المروءه !! أنا ازاي اتجرأ واعمل حاجه زي دي! أنتي واحده معډومة الضمير.
ضحك شهاب بصوت مسموع وقال سبحان الله مين اللي بينصح!!! دكتور سراج!!! أنا مش مستوعب بصراحه عارف!!! كان نفسي الناس تتعلم منك المروءه والضمير بس معلش ملحوقه وهناخد كمان عندك كورسات نتعلم فيها المروءة والضمير وكمان الاحتراف.
سراج بلع ريقه پخوف وحرك الكرفته وقال بتلعثم أنا انا ماعملتش حاجه اوعا تكون مفكر اني ممكن اقټلها سيادة المقدم ارجوك ولادي جوه ولو سمعوا بحاجه زي دي هيحصل لهم صډمه.
شهاب ببرود لا ما تخافش على الاولاد هما دلوقتي في أمان بيلعبوا مع يوسف ابني ركز بس في اللي أنت فيه!
وبص لسراج في عينيه قوي وقال بغموض مش يمكن يكون كلام نوال صح!!! وإنك أنت اللي حطيت الحلق في الروب بتاع نوال!!!ومش يمكن كمان أنت شوفت الوشم اللي على كتفها وأجبرت الدكتورة كتارا أنها تكتبه في قلب الامضاء!! علشان تكسب أنت فلوس الوديعه وتضحي ب نوال جارتك و....!
وكمل بخبث وعشيقتك تخلص منها وتتحبس!!!!
سراج ...........!!!!!
هل فعلا نوال هى اللي قت لت كتارا!
هل سراج هو المتهم الأساسي وحب يثبت التهمة ع جارته نوال علشان يبعد عنه الشكوك!!!
كل ده هنعرفه في الفصل الأخير انتظروني. يتبع
كتارا بقلم مريم نصار
الفصل السادس والأخير.
نوفيلا كتارا
عندما يخطط الشي طان.
للتذكير شهر رجب من الأشهر الحرم
فلا تظلموا فيهن أنفسكم
الحسنات