رواية خادمة بعقد شرعي بقلم القلم الذهبي(كاملة)

وكشر حسن
وتسكتي ليه عايز اشوف ماسكه عليا اي يا ست سناء..
_ وبعدين !!
بلاش يا حسن لو مش خاېف مني خاف من لساني. لو اتكلم هتندم اووي...
تتبع......
رواية خادمة بعقد شرعي الحلقة الثالثة
الفصل الثالث 
خادمه بعقد شرعي 
تاليف القلم الذهبي 

حسن واقف قدام سناء وبيبصلها بغيظ وقال . 
_ ممكن افهم يا ست سناء يعني ايه لسانك لو تكلم هندم اووي اتكلمي وهاتي اللي عندك. 
سناء بصتله وكشرت. 
_ اللي عندي انت عارفه كويس . وفاهم كويس اووي اقصد اي !!
حسن بصوت هادئ 
_ لا مش عارف تقصدي اي . وضحي كلامك وتعالي معاكي دوغري وبلاش لف ودوران. 
سناء بخبث 
_ طلما انت مصر بقي !! يبقي امري لله . مع اني والله مكنتش عايزه اتكلم ولا اعرفك اني عارفه ان مروان السواق الغلبان كان ضحيه وميستهلش ېموت لان اللي حط السم بالقهوه لمنصور بيه مكنش هو وان اللي عمل كدا لسه حي يرزق. ومش كدا وبس دي كمان واحد عزيز اووي علي قلب منصور بيه وبيثق فيه وبيحبه . ولو البيه عرف هتبقي مصېبه ومش اي مصېبه دي كارثه!! 
سناء بتبص بخبث لحسن اللي وشه اتقلب اللوان والعرق نازل من جبينه شلال مياه.. 
_ اي رايك يا عم حسن انا دلوقت اعرف والا لا.. 
حسن واقف ومرتبك جدا ومش عارف يتكلم. بيحاول يجمع كلماته ويهدي وبصوت متعلثم قال..
_ ااانتي بتقولي اي انتي اجننتي بدماغك والا ايه يا سناء 
سناء بشماته وخبث 
_ اهدي بس مالك وشك جاب اللوان كدا وجسمك عرق. اعتبرني مقولتش حاجه واعتبر نفسك مسمعتش حاجه ولا تزعل نفسك. وسيبني بقي اشوف شغلي. 
بالاذن انا .اشوف صفيه خلصت اكل والا لا.. 
مشيت سناء من قدام حسن . وبعدها اخد نفس طويل وبيحاول يلملم باعصابه . طلع منديل وبيمسح العرق اللي علي وشه قبل ما حد ياخد باله..
طلع من المطبخ ودخل غرفته الا جمب المطبخ وقفل علي نفسه الباب وسند ضهره علي باب اوضته . وبيكلم نفسه .. 
_ انا وقعت في مصېبه كبيره ما يعلم بيها الا ربنا . علي أواخر ايامي بالقصر تطلع واحده زي سناء تمسك عليا حاجه زي ومش اي حاجه دي مصېبه وطربقت علي دماغي.. واللي هجنني ازاي سناء عرفت وانا يومها شايفه مع دلال هانم في اوضتها وكنت وحدي بالمطبخ. ازاي ! ازاي !! 
خلصت اكل صفيه وشبعت ورايحه تقوم تغسل ايديها 
بصتلها سناء وقريت منها .. 
_ دي اكلك انتي مأكلتيش حاجه يا حبيبتي اقعدي كملي اكل ورمي عضمك. 
بصتلها بضحكه صفيه وقالت. 
لا الحمد لله اكلت كتير . امال عوازني اكل الاكل دي كله .اروح فيها. دنا حاسه بطني بقيت عشره متر قدامي 
ضحكة سناء بخباثه. 
_لا يا حبيبتي لازم تتعودي علي الاكل الكتير .احنا هنا بناخد حقنا اكل..
_ خلاص بقي يا سناء المره الجايه . 
خدت صفيه الاطباق الفاضيه ورايحه تغسلهم. بسرعه رجعت سناء باقي الاكل مكانه وقريت من صفيه. 
_ انا اللي هغسل انتي اقعدي واستريحي النهارده ولسه الايام جايه وهتغسلي كتير 
_ لا ميصحش يا سناء انا معملتش حاجه خليني اغسلهم انا معلش 
_ طيب خلاص نغسلهم مع بعض وادينا بنسلي. 
_ همست سناء بصوت واطي وقالت 
بقولك اي يا بت صفيه 
_ نعم قولي 
_ عايزاكي تفتحي عنيكي كويس القصر الناس اللي فيه كلها مش سالكه لحد يوقعك كدا والا كدا اياكي تعرفي حاجه وتتكلمي مع حد وبالاخص حسن . عشان انا عرفاه راجل عجوز ودحلاب ممكن يوقعك بالكلام من غير متعرفي. 
بصتلها باستغراب صفيه 
_ وحسن كمان عايز اي بقي يعرفه عشان يجرجرني بالكلام .انا ماليش دعوه بحد ولا اعرف حاجه. انا جايه اشتغل وبس 
بصه بخبث من سناء .
_ ايوه شاطره يا بت خليكي بنت سوق وواعيه. ولو فيه حاجه مستعصيه عليكي تعالي واختك حبيبتك سناء هتوقف معاكي .احنا ستات زي بعض وملناش دعوه بينهم . خليهم يولعوا بعض هما احرار. 
_ طبعا يا سناء انا ماليش حد غيرك هنا ولا توقفي معايا 
سناء بضحكه صفره..
_ طبعا يا حبيتي. يلا روحي انتي علي أوضتك واستريحي والصبح هعرفك تعملي كل حاجه بنفسك..
صفيه طالعه من المطبخ قابلت حسن في وشها 
_ بنت حلال لسه كنت رايحلك 
_ خير يا عم حسن في حاجه!! 
_ لا ابدا خير كنت عايزك في كلمتين لوحدينا كدا 
_ طيب قدامك انا اهو قول ياعم حسن 
_ لا مش هينفع هنا . شايفه الاوضه الا هناك دي دوسي علي الباب وادخلي مفتوحه وانا هاجي وراكي 
_ حاضر ياعم حسن هستناك هناك..
حسن بيراقب المكان دخلت صفيه الاوضه مخزن التبريد بتاع المطبخ. حسن بسرعه بص حواليه اتأكد مفيش حد جاي وجري دخل الاوضه.. 
_ صفيه مكتفه ايديها وجسمها بيتنفض من البرد. 
_ ايه الغرفه التلج دي يا عم حسن انا ھموت من السقعه 
_ دي ثلاجه بتاعت الحفظ هنا . معلش اتحملي مش هطول عليكي. المكان دي محدش يشك ان فيه حد. 
_ اسمعيني كويس يا صفيه. انا عشان عارفك بنت كويسه وطيبه خۏفت عليكي من سناء وعايزك تفهمي حاجه تخلي بالك منها اووي دي خطړ 
_ ازاي خطړ يا عم حسن . 
_ يعني ممكن تعمل اي مصېبه وتلبسك فيها ومنصور بيه وقتها مش هيحرمك. 
وغير كدا سناء پتكره اي حد يشاركها هنا بشغل السرايا. عايزه تتملك اي حاجه هنا..
_ طب والعمل يا عم حسن 
_ متخفيش طلما انا جمبك هنا . ووعد مني هخليكي انتي الكل في الكل بالسرايا دي . 
بس ليا شرط عندك.. 
_ قول وانا تحت امرك يا عم حسن 
_ اسمعيني كويس وانتبهي للكلام. 
_ ماشي وانا معاك يا عم حسن 
الحل الوحيد عشان تبقي انتي الأساس هنا لازم نخلص من سناء. 
نخلص منها ازاي طيب ياعم حسن نقتلها يعني... 
تتبع... 
خادمه بعقد شرعي
رواية خادمة بعقد شرعي الحلقة الرابعة
الفصل الرابع
حسن واقف مع صفيه بالغرفه اللي فيها التبريد !
سكت لحظه يفكر
_ احنا مش هنقتلها زي ما انتي فاهمه.
صفيه باستغراب
_ يعني ايه يا عم حسن دي فزوره
_ مش فزوره ولا حاجه اسمعيني. احنا هنخطط وندبرها مصېبه ونقول لمنصور بيه وبعدها انتي عارفه الباشا هيعمل
_ اهااا فهمتك يا عم حسن وبكدا منصور بيه يخلص عليها ويبقي خلصت منها وارتحت انت .
_ اسمها خلصنا منها وارتحنا ركزي
_ اه خلصنا منها تمام معلش يا عم حسن البرد هيموتني عايزه اخرج منها.
_ طيب هنخرج. قولتي اي في كلامي دي
_ موافقه طبعا . ومعاك باي حاجه يا عم حسن
_ تمام كدا . استني اراقب المكان وبعدين اطلعي.
_ طلع حسن بره اوضة التبريد وبيبص شمال ويمين. وبعد ما اتاكد مفيش حد جري بسرعه وطلع صفيه..
_ اسمعي يلا علي اوضتك دلوقت ونامي والصبح نفكر هنعمل اي .
صفيه بتترعش من برد الاوضه قالت هيا ومستعجله
_ ماشي يا عم حسن . امشي بقي تصبح على خير..
طلعت صفيه تجري علي اوضتها ودخلت اوضتها وطلعت بسرعه علي السرير ولفت نفسها ببطانيه عشان جسمها يدفي وسندت ظهرها علي السرير وبتكلم نفسها.
_ هو اي الا بيحصلي دي انا كنت عايشه بفقر اه بس بالي مرتاح ومبسوطه اما هنا بالقصر فلوس وخير كتير بس كلوا بيطعن بكلوا وكل واحد عايز ياخد مكان التاني وكلهم متربصين ببعض وقلوبهم سوده . الواحد اهم حاجه نفسه ومستقبله معندوش مانع ېقتل او يسرق في مقابل ان يبقي هو الكبير . وانا بينهم محتار وبيلعبوا بيا براحتهم وخاېفه منهم ومش هينفع اكون سلبيه كدا انا لازم اتغيير وانسي صفيه الفقيره الطيبه واللعب معاهم لعبهم مش هسيب نفسي ابقي لقمه طريه لأي حد فيهم ومن اللحظه لازم ابقي صفيه تاني تحمي نفسها من شرورهم..
_ لحظات وسلمت صفيه نفسها للنوم العميق.
في الصبح حسن واقف قدام مكتب منصور بيه بالقصر مستني اذن الدخول.
دخل حسن للباشا بعد ما إذن ليه بالدخول.
منصور بصوت هادي
_ خير يا حسن في حاجه
_ الاستاذ نادر جاي من المصنع وبيقول عايز البيه في حاجه ضروري .
منصور هز راسه
_ خليه يدخل يا حسن.
طلع حسن من المكتب ودخل نادر وقف قدام منصور .
منصور بص ناحية نادر وهز راسه باشاره منه لنادر يقعد.
قعد نادر وبص لمنصور وقال بصوت هادي.
_ انا اسف يا منصور بيه جيت بدون إذن بس الموضوع اللي جاي فيه مهم جدا
منصور ۏلع سجارته ونفخ دخانها لفوق وبص ناحية نادر وبنبره مليانه كبرياء.
_ خير يا نادر واي الموضوع المهم اللي مش قادر يستني اروح المصنع دي !!
_ حضرتك طبعا عارف بالمناقصه اللي مقدمها مصنعنا بتاعت المكن الالماني.
_ خير مالها يا استاذ نادر المناقصه دي
_ للاسف يا فندم احنا عملنا كل حاجه عشان المناقصه تبقي بتاعتنا والبركه فيك معرف جنابك عملوا الواجب وذياده بس امبارح في شركه قدمت عطاء اكتر من مصنعنا ومش لاقيين حل معاهم و المناقصه فاضل عليها بكره وتظهر .
_ منصور عدل من قعدته وكشر وبص لنادر
ومين صاحب الشركه دي اللي عارف منصور الدالي داخل المناقصه ومصر ينافسني فيها !! اتكلم
_ شركة المعز يا فندم
منصور عينيه وسعت وتقلب پغضب شديد
_ انت بتقول اي يا نادر
_ زي ما بقول لحضرتك
_ ازاي ومين الحيوان دي اللي مقدم العطاء
_ قاسم الدمنهوري يا فندم معاه توكيل قديم بالتصرف من دلال هانم.
سكت لحظه منصور بيفكر
_ مش دي قاسم ال ..
_ ايوه هو يا فندم غاب ست شهور محدش يعرف عنه حاجه بعد الحاډثه وفجاه ظهر
_ قاطعه منصور باستغراب
ازاي وكل الأخبار قالت عنه ماټ بالحاډثه.
_ انا استغربت زي حضرتك ولما بعت رجالتي يعرفوا حكايته. طلع كان مصاپ بكسور واتعالج منها والاخبار كانت مجرد اشاعه.
لازم تتصرف النهارده يا منصور بيه العطاء اخره بكره ويظهر رسي علي مين وبكدا ممكن يرسي عليهم. واحنا محتاجين المكن دي بالذات عشان نزود انتاج المصنع..
منصور وقف من علي مكتبه فجاه ووشه مليان ڠضب وقهر.
_ روح انت المصنع دلوقت وانا هتصرف واعتبر العطاء بالمصنع ..
خرج نادر من مكتب منصور . منصور واقف وشايط من الڠضب وبداخله بركان يوشك علي الانفجار ..
اتنهد بقوه وقال ..
انا هخليكي تشوفي الذل اللوان يا دلال انتي والكلب دي.
خرج من مكتب وبيدفع اي حاجه قدامه بالقصر برجله طلع بسرعه علي