روتية عريس جميلة البنت اليتيمة (كاملة)

عارف رايك
_ ياسلام طب ايه هو
_ قريتي الرساله
_متغيرش الموضوع يا ياسر
_ بقولك قريتي الرساله
_ اه
بحبك.
وفضلت الكلمه دي اخر كلمه يقولها لي في نهايه كل مكالمه وكل رساله يبعتهالي
كنت بروح المدرسه وبرجع وانا مش بفكر غير فيه كل لما ابص على أيدي واشوف دبلته احمد ربنا انه حققلي حلمي وعشت قصه حب بالرغم من انه في الأصل جواز صالونات ايوه انا بحب ياسر بحبه اكتر من اي حاجه تانيه في الوجود
عدت السنه ونجحت وجبت مجموع يدخلني كليه كويسه لكن ياسر اقنعني اني ادخل كليه الاداب وانتساب علشان لما نتجوز واسافر معاه اعرف اكمل دراستي... وقد كان
نزل ياسر من السفر وكان أجمل يوم في حياتي لما فاجأني ولقيت الباب بيخبط وهو واقف قدام الباب معاه وورد
وبلالين كتير
ولقيته متصل بأخواتي وجايبهم علشان يحددوا ميعاد الفرح
فرحنا كان يوم مش عادي ياسر عملي كل اللي نفسي فيه واكتر عملي الفرح على يخت في النيل كنت شبه الاميرات وهو حبيبي كان أجمل أمير
صحباتي كلهم كانوا بيحسدوني عليه وعلى وسامته وشياكته
بعد الفرح سافرنا على شرم الشيخ وقضينا أجمل اسبوع في حياتي كان احلى من العسل
من كتر السعاده كنت خاېفه على ياسر كان عندي احساس انه حيحصله حاجه
كنت بخاف عليه من كل حاجه مش عوزاه يسبني ثانيه واحده
وبعد لما رجعنا من شرم قعدنا مع مامته علشان مكنش عندنا شقه في مصر احنا كده كده مسافرين كمان اسبوع
مامت ياسر كانت ست طيبه وكانت بتعاملي كويس وماما حبيبتي كانت بتتصل بيا كل يوم
عدي الاسبوع وسافرنا الكويت ومكنش هاممني حاجه ولا اني اول مره اطلع بره مصر ولا اني حسيب ماما لوحدها كل اللي كنت بفكر فيه اني حبقي مع ياسر علطول......
سافرنا وكل يوم كنت بحبه اكتر وفكره انه بتسيطر عليا اكتر عدي شهرين وبعدها حصل اللي كنت خاېفه منه.......
ياسر م١ت......
ياسر اللي حبيته وتعلقت بيه م١ت واحده واحده م١ت......
بقى انسان تاني مش هو اللي عرفته وحبيته بقى يغيب بره البيت بعد الشغل بالساعات وناسي اني لوحدي في بلد غريبه معرفش فيها حد
بقى يرجع من الشغل ميتكلمش معايا ويفضل ماسك تليفونه بالساعات في الاول كنت بحسبه بيشتغل لكن عرفت بعد كده انه بيعرف بنات ويقولهم انه مش متجوز
ياسر طلع ندل لما واجهته زعق وقالي انا كده وانا حر هو انا مقصر معاكي في حاجه
مكنتش عارفه اعمل ايه اقول لماما طب حتعملي ايه دي ممكن من خۏفها عليا
قررت اتصل باخويا الكبير بس لقيته بيقولي شوفي انتي مقصره معاه في ايه خلاه يبص بره
صدمتي في اخويا كانت أكبر من صدمتي في ياسر
اعمل ايه وانا لوحدي في بلد غريبه اعمل ايه وانا مليش ظهر ولا حد ياخد حقي اسكت وارضي بالاهانه والزل ولا اعمل ايه
انا کرهت ياسر وکرهت نفسي لحد ما فكرت اني اڼتحر او 
حياتي معاه تحولت من ايام كلها حب لأيام كلها وزعيق
وجالي حاله عصبيه بقي كل لما يجي جمبي اعيط واصوت
اول مره افتكر اني بمثل بس لما الموضوع اتكرر وجابلي دكتور عرف ان عندي ازمه عصبيه
ومع انه السبب في اللي حصلي الا انه مستحملنيش وحالتي النفسيه سائت جدااا وهو قرر انه ينزلني مصر....
ماما اتفاجأت بيا بخبط عليها بعد ٦ شهور بس من جوازي جايه بشنطتي ولوحدي.......
ماما تعبت جدا من زعلها عليا وفضلت انا جمبها اهتم بيها وبعد فتره لقيت حماتي جايه بتقول اني انا السبب واني كنت بعمل حاجات غريبه وبصوت وان