رواية ارحم حبي بقلم عبير سالم(كاملة)

الله يخليك 
انا مش قادره اقوم جسمي كله واجعني 
لكنه مستمعش ليها و خرج و سابها 
ماقدرتش تستحمل اضطرت تقوم و هي بتتسند و تلبس هدومها و تاخد مسكنات و تدهن جسمها و في اجزاء مكنتش طايلاها بتحاول تحط عليها كريم لكنها مش قادره و هو قاعد و شايفها و عارف انها محتاجاه ودا وشه الناحيه التانيه
راحت ناحيته ممكن لو سمحت تدهنلي و الله ما طايله و الۏجع جامد اوي 

ياخد منها الكريم و يبدأ يدهن لها الكريم على جسمها و ايده بتتحرك على جسمها و يلاقي نفسه بيشيلها تلقائيا و بيحطها عالسرير و بياخدها فحضنه و لأول مرة من يوم جوازهم تكون في بينهم اوقات حلوة كلها حب و رومانسه من غير ضړب و لا اهانه لدرجة انها هي نفسها كانت مبسوطه و نست آلامها كانت حسه انها اول ليله ليها معاه كانت حسه انها طايرة من السعاده و بتتمنى انها تفصل معاه كده علطول لكن بعد مرور وقت مر عليهم زي الثواني قام فجأة قومي 
هدير باستسلام و هي بتتحمل ۏجعها حاضر 
تقوم هدير و تفرش لنفسها عالأرض زي ما هي متعوده لكنها تحس ان درجة حرارتها ارتفعت و الكحه مسكتها و فضلت تكح كل شويه التعب بيزيد عليها 
و هو عمال يتقلب مش عارف ينام من كحتها بقولك ايه انا مش عاوز قرف غوري اتخمدي فاى حته
قامت و خرجت عالكنبه بره و اخدت معاها الغطا و صوت كحتها كان بيقطع فقلبه قام قعد عالسرير مش هاين عليه حالتها و عرف انها تعبت من المياه الساقعه قام من عالسرير و دور لها في التلاجه لقى دوا للبرد جابهولها خدي 
هدير بتعب شكرا 
اخدت منه الدوا و شكرته اخدته لكن بردو فضلت تعبانه و بعد فتره طويله نامت صحى من النوم راح ناحيتها لقاها نايمه بتترعش حط ايده على جبينها لقى درجة حرارتها عاليه جدا 
اتصل بيهم في الشغل و بلغهم انه مش حييجي شالها و هي نايمه مش حاسه و جاب قماشه و بدا يعملها كمادات و نزل جاب علاج من الصيدليه و طلع فرخه من الفريزر و عمل شوربه و فضل قاعد جمبها لحد ما حس ان السخونيه بدأت تهدى شويه صحاها و هي اتفاجئت اول ما لقت نفسها عالسرير و خاڤت من رد فعله انا اسفه و الله انا اسفه و الله انا معرفش ايه اللي جابني هنا 
حسين انا اللي جبتك كنتي تعبانه اوي 
يخرج و يرجعلها بصينيه عليها الأكل خدي كلي
هدير إيه ده انت اللي عملته
حسين ايوة كلي عشان تبقي كويسه 
هدير حاضر 
كانت جعانه اوي اكلت و حاولت تقوم ما قدرتش لقت الدنيا بتلف بيها فضلت نايمه و عنيها راحت في النوم تاني من التعب و هو فضل قاعد جمبها و هي مش حاسه بيه بيتاملها و هي نايمه و على اد ما هي صعبانه عليه على اد ما وجعه منها اكبر بكتير
سابها كام يوم من غير ما يكلمها و لا ييجي ناحيتها لحد ما بقت كويسه و هي من نفسها رجعت تاني لمكانها عالأرض 
حس انه خلاص تعب من تمثيل دور مش دوره هو مش عارف يعمل ايه يديها فرصه تانيه و اللا يطلقها و يرتاح و يريحها
و فعز ما هو مش قادر ياخد قرار يلاقيها بتصرخ من الۏجع اللي هيا حاسه بيه و يتفاجئ بيها و هي بتبلغه انها حامل و تعبانه مش قادره 
اخدها بسرعه و جرى بيها عالمستشفى و الدكتور بلغه انها كانت حامل في شهرين و حصل إجهاض و يدخل عشان يطمن عليها حمد الله على سلامتك 
هدير اطمنت ان الجنين نزل خلاص اظني دلوقتي انت مبسوط مش كده 
حسين انتي ليه مقلتليش انك حامل 
هدير خفت عليه تضربني و تنزله قلت اسيبه لحد ما يكبر شويه جوايا 
حسين يعني مش انتي اللي عملتي فنفسك كده
هدير انا حموت ابني بايدي ليه انت فاكرني ايه طب ياريته كان فضل عالاقل كان حيبقى حاجه حتفك علية شويه و اعيش عشانها لكن هو حس بأمه و حس بۏجعها و مرضاش يزود المها اكتر من كده 
تيجي امها تقعد بيها كام يوم لحد ما تبقى كويسه و في الوقت ده تكون اختها سما حامل و تعبانه و امها تكون قاعده بيها هي كمان و هدير قاعده مع نفسها 
من وقت اللي حصل و هو سابها و بعد عنها مبقاش بيكلمها و لا بييجي ناحيتها لحد ما فيوم رجع البيت ملقهاش انتظر كتير لحد ما رجعت و اول ما دخلت محسش بنفسه غير و هو بيضربها بالقلم انتي ازاي تخرجي من غير اذني كنتي فين انطقي
هدير بهدوء كنت بجيبلك احلى خبر ممكن تسمعه فحياتك خبر حيفرحك اوي بس ممكن في نفس الوقت يزعلك على حسب بقى 
حسين و هو بيهزها في ايه كنتي فين و ايه اللي فايدك ده
ترمي الأشعه عالسفره لو بتفهم في الاشعه و التحاليل شوف بنفسك 
مبروك يا حبيبي انا حموت خلاص و حريحك مني و من قرفي ههههههههههه ههههههههههه شفت بقى ايه رايك في المفاجأة دي بزمتك مش حلوة انا خلاص حموت بس يا عيني انت صعبان علية طب حتضرب مين دلوقتي حتطلع همك و غلبك في مين تصدق صعبت علية و ربنا معلش بقى لو تقدر تقف فوش المۏت اقف في وشه بقى و امنعه
حسين انتي بتقولي ايه ايه الهبل اللي بتقوليه ده 
هدير مش هبل و حياتك ما هبل انا عندي سړطان و حموت اه و الله وحموت هههههه مبسوط مش كده مش قادر تصدق نفسك من الفرحه اهوه يا سيدي حترتاح مني هههههههه هههههههه 
انا عندي سړطان 
حسين ايه انتي بتقوليه ده 
هدير امال انت كنت عاوز كل اللي عملته فيى ده يعدي عالساهل كده
انا عندي ورم عالمخ و الدكتور قاللي انه احتمال كبير يكون خبيث عارف ده معناه ايه معناه اني خلاص انا حموت حموت و انا اصلا ملحقتش اعيش و لا افرح عشان اموت ياااه عالدنيا زمان كان نفسي اتجوز و افرح زي كل البنات كنت شايفه ان الجواز ده اسمى الاماني كانت هي امنيتي الوحيده في الدنيا و اللي متمنتش غيرها و لما اتجوزت کرهت حياتي و دنيتي و لعنت اليوم اللي اتجوزت فيه بس انا حزعل ليه ما نا كده كده خسرانه خليني اموت و اريحك و اريح الكل احسن 
انا اسفه يا حسين اسفه اني مش حقدر اديك الفرصه انك تعذ بني اكتر من كده 
و ټنهار من العياط عياط يقطع القلب
ياخدها فحضنها لاء لاء اياكي تقولي كده لاء انتي مش حتموتي مش حتموتي انا اسف اسف يا هدير اسف على كل اللي عملته معاكي حقك علية حبيبتي حقك علية انا حعوضك عن كل حاجه انا حعوصك عن كل اللي حصل حنبدا حياتنا من اول وجديد و حننسى كل اللي حصل
هدير ياريت يا حسين بس بعد ايه ما خلاص فات الاوان
حسين لاء مفيش حاجه اسمها فات الأوان احنا مع بعض و انتي حتخفي حتخفي انتي فاهمه انتي مش حتسيبيني يا هدير انا بحبك يا هدير بحبك و عمري ما حبيت و لا ححب غيرك انا كل اللي عملته ده مكنش مفرحني بالعكس ربنا يعلم انا كنت بټعذب ازاي و انا بعمل فيكي كده حقك علية يا حبيبتي سامحيني يا هدير 
هدير مسامحاك يا حبيبي مسمحاك 
يسأل عن اكبر دكتور للمخ و الأعصاب و يتصل و يحجز مستعجل و يطمن انه حجز و ياخدها فحضنه طول الليل و تاني يوم يروحوا للدكتور و يكشف عليها كويس و يشوف الاشعه و يطمنهم ان شاء الله حيكون ورم حميد لكن لازم تعمل العمليه بسرعه و يتصرف حسين و يستلف فلوس و أهله و أهلها يساعدوه في تمن العمليه و فعلا تعملها و الدكتور يطمنهم انه ان شاء الله حيكون حميد و حجمه صغير جدا يعني مفيش اي خطړ الف حمد لله على سلامتك يا حبيبتي 
هدير الله يسلمك يا حبيبي 
الكل معاها و الكل بيدعي ربنا انها تكون حاجه بسيطه و تعدي على خير
بعد عدة أيام تظهر النتيجه و يطلع فعلا حميد و بعد ما تسترد صحتها و تخرج من المستشفى تتفاجئ ان حسين عامل لها حفله كبيره بيحتفل برجوعها ليه بالسلامه و جايب لها سلسله جميله عليها صورة فرحهم 
يقضوا ليله جميله بين الأهل و الأصحاب و بعد ما الكل يمشي يحضنها ياااه حضنك حلو اوي ياحسين  
حسين حضڼي ده مش حتخرجي منه العمر كله 
هدير يعني سامحتني خلاص يا حسين 
حسين مكنش ينفع مسامحكيش يا حبيبتي ده انتي حب حياتي يا هدير 
هدير يعني كان لازم يحصل اللي حصل عشان تسامحني 
حسين لا يا حبيبتي انا كنت حسامحك و الله بس دي كانت اشاره من ربنا عشان منطولش الخصام اكتر من كده و بعدين انتي حتضيع الوقت فالكلام و اللا إيه لا ده في كلام كتير اوي عاوز اقولهولك
هدير كلام كلام ايه 
حسين تعالي بس و انا حقولك 
يدخلوا الاوضه و يقفلوا عليهم الباب
و بعد مرور الوقت 
يتفتح الباب و تخرج منه بنوته صغيره بتجري و هي بتجري وراها الحقني يا بابا 
ياخدها فحضنه عملتي ايه يا شقيه 
البنت مث عملت حاجه 
هدير يا سلام بتجري على حبيبك عشان متضربيش
حسين في إيه بس يا حبيبتي عملتلك ايه هدير 
هدير جننتني بنتك دي جننتني خلاص
حسين بقولك ايه الا هدير اياكي تزعليها انتي فاهمه اه دي حبيبة قلبي 
هدير طبعا ما هي الست هانم مراتك التانيه 
حسين شفتي يا هدير ماما غيرانه منك ازاي 
هدير عمري ما اغير منها ابدا ربنا يخليكم لية يارب 
حسين و يخليكي لينا يا احلى و احن زوجه و ام في الدنيا كلها
تمت بحمد الله