رواية "نجمة ليلي" بقلم سارة مجدي

بدفىء انفاسهم ان تشعر بالامان و لو لمره واحده فقط تأخذ من احضانهم طاقه قويه تجعلها قادره على مواجهه من ظلم والدها و والدتها و ظلمها 
هدأت نجمه قليلا و ابتعدت عن احضان نجوى و قالت 
هعملك كبايه لمون تشربيها و تنامى و اى ان كان اللى بتعمليه كمليه بكره 
اومئت نجمه بنعم لتغادر نجوى سريعا الغرفه لتنفذ ما قالته لتلملم نجمه كل الاغراض التى كانت تحيط بها و اعادتها الى اماكنها الا احدى قطع ملابس والدها و قطعه اخرى لوالدتها 
و حين انتهت توجهت الى النافذه فتحتها و ظلت تستنشق بعض الهواء بشكل متسارع ثم اغمض عيونها و بدأت تتنفس بهدوء و هى تتذكر كلمات فريد 
عارف بتفكرى فى ايه و عارف كمان كم الكره اللى جواكى لعيله الزيني بس لازم تعرفى حاجه كويس جدا صحيح انا ابن عمك لكن انا مليش اى دخل بكل اللى حصل و لو عايزه تعرفى الحكايه بشكل مختلف احكيهالك
جدك عاصم لقيناه مقتول فى مكان غريب و موصلناش ليه غير بعد ايام كان قتل عن عمد او صدفه محدش عارف و عمك قاعد دلوقتى على كرسى متحرك مش بيقدر يتحكم فى جسمه و كمان مبقاش يقدر يتكلم بشكل واضح 
اول ما بدأت افهم اللى بيحصل حوليها شوفت كره ابويا لعمى اللى مفهمتش سببه ايه و وسوسته لجدى علشان ميسامحش عمى سليم على جوازه من والدتك و على اصراره على انك تفضلى هنا فى الملجىء
لحد ما امى حكت ليا كل حاجه حصلت و فهمت كل اللى حصل ذنب عمى الوحيد انه اتجوز والدتك اللى ابويا كان عايز يتجوزها على امى و علشان كده قرر يحرمه من عيلته و من ماله و من كل شىء
نجمه املاك الزيني كلها تحت ايدى دلوقتى و انا عايز ارجعلك حقك و حقك مش فلوس بس حقك اسم و سمعه حقك عيله لازم تبقى فى وسطهم حقك انى احقق امنيه عمى انك ترجعى بيت الزيني الكبير و الكل يعترف بيكى و يعرفك
تقبلى تتجوزينى يا بنت عمى 
انتبهت من افكارها على صوت نجوى و هى تقول 
نجمه اللمون 
نظرت اليها و امسكت الكوب بهدوء تناولته و هى تنظر الى الظلام الحالك بالخارج و عقلها يردد كلمات فريد و يرسم امامها صوره عينيه التى تحمل الكثير من امان يذكرها بوالدها الذى لم تتمتع بحنانه الا قليلا 
انهت الكوب لتأخذه نجوى من يدها ثم جذبتها برفق و هى تقول 
تعالى نامى شويه بقا 
سارت معها بصمت و تمددت على السرير و احتضنت ملابس والديها و اغمضت عيونها و فى ثوان قليله كانت غارقه فى النوم لتغلق نجوى النافذه و اغلقت النور و غادرت الغرفه 
و فى المطبخ كانت تتصل بفريد الذى حين سمع ما قالته فى ثوان قليله كان ارتدى ملابسه التى تزيد من هيبته و وسامته و كان يقود سيارته فى اتجاه العاصمه يسابق الزمن و يسابق دقات قلبه المتسارعة خوفا عليها 
انه يعلم جيدا ما ستجده بالمذكرات 
و يعلم ايضا كم الالم الذى تشعر به الان 
و لكنه يريدها قويه ثابته قادره على المواجهه و اقتناص حقها حتى لو تطلب الامر ان تقتص ذلك الحق منه هو روحه و حياته امام كل ما عانته و مرت به لا قيمه لهم
وصل اخيرا امام البنايه و ترجل سريعا حتى لم يهتم بغلق السياره ان كل كيانه يتلهف ليضمها بين ذراعيه و يطمئنها 
و لكن حين وصل الى الشقه وجدها تجلس بهدوء فى الشرفه ثابته العينين تنظر الى الظلام و الهدوء و الفراغ بصمت تام 
نظر الى نجوى لتقول مباشره 
قامت من النوم مفزوعه و من وقتها و هى قاعده كده 
اقترب منها بخطوات ثابته مسموعه لكنها لم تحرك جفنها وقف امامها ايضا لم تتحرك عيناها فجثى على ركبتيه و هو ينادى عليها لتنظر اليه بهدوء ليقول هو بابتسامه حانيه 
مالك يا نجمه مش اتفقنى تكونى قويه و قادره على انك تقفى قدام اى حاجه 
ظلت صامته لكن عيونها تتأمله بثبات ليقول من جديد 
نجمه من فضلك متخوفينش عليكى 
انت جيت ليه دلوقتى 
قالتها باندهاش ليقول هو بابتسامه 
نجوى حكتلى اللى حصل خفت عليكى و كان لازم اكون جمبك 
اومئت بنعم ورفعت عيونها تنظر الى تلك النجمات الساطعه فى وسط ليل السماء المهيب و قالت 
ليه الناس وحشه و ليه اقرب ما لينا بيوجعنا ليه اللى المفروض يكون مصدر امان طعنه الغدر تصيبنا منه ليه الكره و الحقد يملى قلب اخ لدرجه انه 
صمتت لم تستطع ان تكمل كلماتها خاصه مع تلك الدمعات التى بدأت فى الهطول من عينيها 
مد يده يحتضن كفيها و هو يقول بصدق 
ربنا خلقنا بفطره سليمه و سويه بس فى نفوس ضعيفه الشيطان بيمتلك روحهم بيخليهم ينسوا ربنا و يوم الحساب و يخليهم ينسوا ان كله سلف و دين و ان ربنا شاهد و مطلع على كل شىء 
صمت لثوان يأخذ نفس عميق ثم اكمل قائلا 
عارفه يا نجمه كنت ديما اسمع جدى يقول الظلم ظلمات و مكنتش بفهم معناها لكن دلوقتى حاسس بمعنى كل حرف الانسان الظالم عايش جوه ظلمات نفسه و كمان عقابه يوم القيامه كبير و عظيم حرم الله تعالى خلقا كالظلم وما توعد أحدا بمثل ما توعد به الظالمين قال تعالى إنا أعتدنا للظالمين ڼارا أحاط بهم سرادقها وإن يستغيثوا يغاثوا بماء كالمهل يشوي الوجوه بئس الشراب وساءت مرتفقا الكهف 29 والظلم شړ مستطير وبلاء عظيم وخلق ذميم عاقبته وخيمة ففي الآخرة خزي وندامة وظلمات يوم القيامة و انا بشوف الشخص الظالم ده زى واحد بيحبس نفسه و بأيديه فى مكان و يقفل كل الابواب و الشبابيك و يتخيل انه هيبقا شايف كل شىء و هيكون فى امان من كل شىء و يكتشف فجأه انه مش شايف اى حاجه و يفضل يتخبط و يقع و يتخبط و ينجرح فهمت ان الظالم عايش فى ظلام روحه الى الشيطان محليه ليه فى الدنيا 
صمت لثوان قليله ثم قال 
قال رسول الله صلى الله عليه وسلم اتقوا الظلم إنه ظلمات يوم القيامة واتقوا الشح فإنه أهلك من كان قبلكم حملهم على أن سفكوا دماءهم واستحلوا محارمهم رواه مسلم لازم تعرفى و تتأكدى ان كل واحد له يوم يتحاسب فيه عن اخطائه و لازم يكون عندك يقين ان ربك عدل و اسمه العدل و مفيش حق بيضيع عند العادل الجبار 
كانت تشعر براحه و سکينه و هى تستمع الى ايات الذكر الحكيم بصوته الرخيم و كلماته
التى لامست قلبها و اراحتها و لو قليلا
وقف وادار وجهه الى سور الشرفه و استند بذراعيه عليه و هو يقول 
خلاص يا نجمه هانت كلها يومين و كل حاجه تخلص و اوعدك ان اللى جاى هيبقا زى ما انت عايزه و بس 
كانت تنظر الى ظهره و هى تستمع الى كلماته و بداخلها احساس قوى يزداد مع كل كلمه و كل حرف حتى انه يزداد من كل نظره منه او حركه و التفاته احساس الثقه و الأمان  
مر يومان و ها هى ترتدى ذلك الفستان الذى ارسله لها فريد ضمن مجموعه كبيره من الملابس الجديده التى تليق بأبنه عائله الزيني وقفت امام المرآه تنظر نظراتها بها الكثير من القوه و الصلابه اكتسبتها منه رغم انها توقن بميراثها فى طباع والدها كما اخبرها فريد من قبل 
انتبهت من افكارها على صوت هاتفها 
و دون ان تنظر الى الاسم تعلم جيدا من هو 
اجابت بهدوء ليصلها صوته القوى ذات الطابع الحنون 
العربيه وصلت تحت البيت 
هنزل حالا 
اجابته بصوت مرتعش ليقول هو بقوه حانيه 
مټخافيش انا فى ظهرك و البلد كلها هتكون فى استقبال بنت سليم الزيني يا بنت عمى 
نظرت الى صوره والدها التى تتوسط الحائط بجوار صوره والدتها و قالت بقوه
و انا مش هتأخر عليهم 
كان العمل بالبلده على قدم وساق الكل يستعد لاستقبال ابنه العائله التى لم يسمع احد عنها من قبل و لكن حين يأمر فريد الزيني بشىء لابد ان ينفذ و افضل مما يريد 
زين البيت الكبير بأكمله بثوب الفرحه استقبالا لابنه الغالى الغائبه التى عادت و أخيرا لحضن عائلتها 
صعد فريد إلى غرفه والده 
و وقف عند الباب ينظر اليه بنظرات لا يفهمها سوا خالد فقط 
الذى لا يستطيع التحرك او الكلام 
اقترب فريد من والده و جلس على الكرسى المجاور له و وضع قدم فوق الاخرى و قال بهدوء 
عارف مين اللى جاى البيت النهارده 
لم يتلقى اجابه و هو يعلم ذلك جيدا ليكمل هو بهدوء 
انا أقولك مين اللى جاى و مش بس كده لا ده انا كمان اشتريت ليك بدله جديده علشان تكون فى شرف استقباله 
ارتفعت همهمات خالد ليقرب فريد وجهه من وجه والده و قال 
طبعا لازم تكون فى استقبال نجمه بنت عمى 
لتجحظ عينيى خالد پصدمه و يعلو صوت همهماته الغير مفهومه و ايضا زادت ارتعاش جسده حتى ان الكرسى تحرك بقوه ليقع على احدى جوانبه ارضا و كذلك خالد 
كان فريد يشاهد كل ذلك بعيون بارده وظل هكذا لعده دقائق ثم وقف بهدوء شديد اوقف الكرسى و حمل والده بهدوء شديد و وضعه على السرير و بدء فى تبديل ملابسه و هو يقول 
النهارده يوم الحساب النهارده كل الحقوق هترجع لاصحابها النهارده عمى و مرات عمى هيرتاحوا فى قبرهم 
انتهى مما يفعله و عاد يحمل والده من جديد و وضعه فوق الكرسى و هو يقول بابتسامه صغيره 
بقيت جاهز لاستقبال بنت اخوك و مرات ابنك كمان 
ثم عدل بدلته و خرج من الغرفه بهدوء كما دخل تارك خلفه فيضان من الڠضب يأكل والده من الداخل كالمړض العضال يأكل جسد الانسان من الداخل اللى الخارج و يتركه چثه هامده 
وصلت سياره نجمه الى بدايه البلده اوقف السائق السياره على احدى جوانب الطريق و اتصل بفريد يخبره و يعلم منه الأوامر الذى يجب عليه اتباعها 
طلب فريد منه الانتظار لعده
دقائق و بعد مرورهم وجد السائق ثلاث سيارات تشبه خاصته و يعرفهم جيدا يقتربوا منه وقفت احدهم امامه و اثنان خلفه 
و بدء ذلك الموكب الصغير يتحرك فى اتجاه بيت عائله الزيني 
كانت نجمه تفرك يديها