رواية "قصة يارا" (كاملة جميع الفصول) بقلم إيسو إبراهيم
كلامها لما شافوا يارا موافقة
وبعدها راحوا اشتروا فستان للخطوبة وابن عمها اللي اختاروا ليها وجابت هيلز وطرحة لونه واكسسورات
رجعوا البيت ودخلت يارا تغسل المواعين وتنضف البيت ومرات أبوها ماسبتهاش ترتاح بعد اللف طول اليوم
قعدت مرات أبوها وقالت في سرها استني عليا يا يارا النهاردة سمعوا كلامي ومشوه وهفضل وراكي كدا ماتفكريش هتطلعي من تحت إيدي طالما طلعتي من البيت
قصة_يارا
بارت
إيسو_إبراهيم
قعدت يارا جنب عريسها وكانت مرات أبوها بتبصلها بضيق وقالت في سرها افرحي النهاردة والكام ساعة دول وبعد كدا هوريكي الفرح على حق
قامت تقعد جنب سلفتها اللي هي حماة يارا وقالت أنا مبسوطة أوي ليهم وأخيرا هشوف يارا في بيت جوزها كنت خاېفة لحد تاني يضحك عليها بكلمتين زي ما حصل قبل كدا
فقالت سهير بمكر أنت بردوا مش غريبة ودي بقت زي بنتك فهقولك اللي حصل واللي خبيته عن الناس بس أنت مش أي حد وهتفهميني كويس ومهما حصل مش هتزعلي من يارا دي بردوا صغيرة وأي حد يقولها كلمتين حلوين بتصدقه
قالت سلفتها ما بلاش الألغاز دي يا سهير وقولي إيه اللي حصل ومخبين عني إيه
قالت سهير بزعل مصطنع بصي يا منى ياختي الواد جارنا اللي أمه راحت تشتكي منه لجوزك وطلبت إيد يارا منه دا كان بيكلمها من ورانا ولما شوفتهم بالصدفة فضل يتحايل عليا إني ماقولش لحد وهو هيطلب إيدها ويتجوزها وهي فضلت ټعيط عشان ماقولش لحد من أعمامها وأنا عشان طيبة وعلى نياتي داريت عليها وقولت مش هيكلموا بعض تاني طالما شوفتهم
والكلام دا كان من كام شهر من أسبوع بقى لقيته بالليل بيبص ناحية بيتنا وأنا كنت جاية من عند أختي وكان بيشاور لها قبل ما يروح يصييع مكان مابيروح روحت بقى اشتكيت لأمه وقولتلها تلم ابنها بعيد يارا البت هطلة وغلبانة ومش عارفه حاجة وكفاية تسلية بيها حرام يلعب ببنات الناس ولو مابعدش بعيدها هقول لأعمامها
وعشان زعقتلها وقولت هفضح ابنك وهقول لأعمام يارا راحت هي سبقتني وقالت لهم أنا كنت بخۏفها ماكنتش هقول حاجة عشان سمعة يارا ودلوقتي أنا بعرفك عشان لو قال عليها حاجة منهم ليكي يخليكي تكرهيها وعشان كمان تخلي بالك منها اعتبريها بنتك واوعي تعرفي حد عشان خاطري دي بنت وليها سمعتها بردوا
وقامت سهير من جنبها وهي بتبتسم بخبث ومكر بعد اللي عملته وعملت نفسها بتسلم على الناس
كانت منى بتبص على يارا وابنها وبتكلم نفسها إزاي خدعتهم ببراءتها كدا ومثلت عليهم كويس إنها طيبة ومحترمة طب تعمل إيه تنهي الموضوع وتاخد ابنها وتمشي بس فكرت تاني هتعمل لها مشكلة وتسوء سمعتها يمكن ده طيش منها بس خاڤت ليارا تكلم ابن جارتهم دا تاني بعد لما تتجوز ابنها
يا ترى إيه اللي هيحصل
قصة_يارا
بارت
إيسو_إبراهيم
قعدت حماتها تبصلها
