رواية عود ثقاب ( الفصل 16:20) بقلم ندا سليمان
إن شاء الله خير Smile
خديجه...يا رب
علياء...هو صحيح عمو عمران عرف بموضوع القضيه ولا إيه إللي حصله يا خالتو
خديجه...لأ عمك عمران لسه عارف بموال القضيه ده وهو إللي شجع داليا تكمل حاكم يا عيني عليه كان قبل ما الأزمه تجيله بيقولي إنه كان نفسه يجيبلها حقها ..
بس الله يسامح إللي كان السبب . جه وعصبه وخلاه يدخل ف الحاله اللي هو فيها دي
حست علياء بإحراج من خالتها وماعرفتش ترد عليها غير إنها هزت راسها وقالت...حاضر
داليا فاقت ولقت نهال واقفه جنبها مبتسمه فبادلتها ب شبح إبتسامه ..
داليا بصوت مبحوح من كتر الصړاخ...الحمدلله ..
نهال...طارق عاوز يدخل يطمن عليكي
داليا...خليه يتفضل بس معلش ناوليني حجابي وإعدليني
نهال...حاضر
عدلت داليا وحطت ورا ضهرها مخده...لبستها حجابها وأذنت لطارق يدخل
طارق...حمدا لله على سلامتك يا داليا
داليا...الله يسلمك
داليا...أنا إللي أسفه...إللي حصل ده ڠصب عني
طارق...ولايهمك ما حصلش حاجه
قعد طارق معاهم شويه ورجع لشغله بعد ما نهال طمنته إنهم هيحطوا داليا ساعتين تحت الملاحظه وبعدين هيخرجوا
وداليا فردت ضهرها وبتحاول تتناسي إحساسها لحظة ما شافتهم أصبحت بتتمني لو تفقد الذاكره عشان تقدر تنسي الحاډثه إللي قضت علي حياتها .. ....
هاله من وقت ما جه علي وطلب ترجعله وهي حاسه إن قلبها ۏاجعها كل ماتفتكر إنه كان عاوز يرجعها بس عشان إللي ف بطنها تحس پألم ف قلبها...موجووعه أووي ورغم كل ده للأسف مش قادره تكرهه
أهل علي عرفوا من علا إن هاله حامل فضلوا يلحوا عليه يروحلها تاني لكنه رفض فراحوا لأهلها إتكلموا معاهم وهاله تمسكت بقرارها وقالت مستحيل هترجع ل علي وأبوها
علي لسه عايش مع خيالاته...إتبعتله إنذار من شغله وهو ولا هامه أي حاجه ف الدنيا كل يوم الصبح يخرج من البيت يروح يجيب بوكيه ورد من إللي داليا بتحبه ويتمشي ع الكورنيش شويه يرجع يتكلم مع داليا طول النهار...أكله بيقسمه علي إتنين وأي حاجه يشربها يعمل كوبايتين عايش ف عالم خاص بيه هو وداليا وبس فهم دلوقتي وجهة نظر داليا لما كانت بتقوله وإنت مسافر بقعد أتكلم معاك وأقسم أي أكل باكله وكإنك موجود معايا ولما سألها عن السبب قالت إنها مؤمنه إن السعاده نابعه من جوه الإنسان وأي حد يقدر ببساطه يسعد نفسه ويخرج من أي واقع مؤلم لخيال بينسجه لنفسه ويعيش فيه مش مهم إللي هيشوفه هيقول عنه مچنون أو لأ المهم إنه بيكون مبسوط بالعالم ده وهو دلوقتي مبسوط أوي ف العالم إللي بيجمعه مع أحب إنسانه ليه .. .......
هنيه...جومي يا بتي...لو بس تطمنيني وتجولي ع إللي صابك ريحي جلبي الله يريح جلبك
هنادي...مافياش حاجه يا أما أنا زينه بس أنا مابجتش عاوزه أعيش إهنه عاوزه أرجع البلد ..
هنيه...ما إنتي إللي كنت من الاول عاوزه تاجي هنيه إيه إللي إتغير يعني يا هنادي !
هنادي...ما أعرفش يا أما كان عندي أحلام كتيره بس خلاص ضاعت .. الناس إهنه غير ما كنت فاكراهم أنا تعبانه جوي يا أما ..
هنيه...مش لسه جايله دلوك أنا زينه !!! بزياداكي دلع عاد يا بتي أبوكي أصلا ماطايجيش من يوم ما جولتيله لا ومارضتيش تروحي معاه الفيلا بتاعة أخت الست هانم
هنادي...سبيني أنام الله يخليكي يا أما نفسي أنام ..
هنيه .. ما إنتي نايمه طول النهار ومابجيتيش تروحي المدرسه !
هنادي...هه نايمه !!! يمكن يا أما بس أنا حاسه إن النوم واحشني جوي ..
هنيه...أنا مافهماش حاجه !
هنادي...أحسن يا أما بس الله يخليكي سيبيني دلوك ماجدراش أتكلم
هنيه وهي قايمه...بس إسمعي أما أجولك أنا مابجتش عدافع عنك تاني جصاد أبوكي أنا فاض بيا يا بت عوض ومابجتش عارفه ألاجيها منك ولا من أبوكي .
طارق راح مكتبه وطلب يجيبوا المتهمين عشان يكمل التحقيقات
وقفوا خالد ومحمود بره ودخل جاسر وعلى طول محمود قرب من خالد وهمس ف ودنه...
جاسر بيقولك أي تهمه تتوجهلك تنفيها قول ما حصلش معرفش ومش هتكلم غير ف وجود المحامي وهو هيكلم أبوه يجيبلنا أكبر محامي عشان نخرج من المصېبه دي
خالد...طاب وعوض البواب !!!
وقبل ما مامحمود يرد كان العسكري شاده إقف إنتباه .
.
.
وبالفعل طارق كل ما يوجه سؤال لواحد فيهم يردوا ماعرفش ماحصلش ماشفتش مش هتكلم غير ف وجود المحامي !!!!!
فأمرهم يدخلوا عوض دخل وهو بيرتجف ويردد...مظلوم يا بيه ماعملتش حاجه !
طارق...أقعد يا عم عوض...أنا عارف إنك مظلوم وماعملتش أي حاجه وماتقلقش هتخرج علي طول بس لو حكيتلي إللي حصل
عوض...حاضر يا بيه بس جولي حضرتك عاوزني أحكيلك إيه !
طارق...شفت البنت إللي إتعرفت عليك ف الصف إنهارده
عوض...أ أيوه يا بيه بس انا ما اعرفهاش
طارق...كده بقي هنزعل من بعض...يعني ما شفتهاش قبل كده وجاسر إبن توفيق الزغبي واخدها هو وأصحابه ع الفيلا
عوض...فيلة إيه يا بيه !
طارق...إنت هتستعبط . الفيلا إللي بتشتغل فيها وإللي إتقبض عليك منها .
بلع عوض ريقه...أنا أنا مااعرفش حاجه يا بيه
طارق...إنت راجل كبير...50 سنه يا عوض وبنتك ومراتك ملهمش غيرك وانت مش حمل ضړب ولا أي أساليب ممكن استخدمها معاك عشان تنطق ! هتنطق ولا هتضطرني أستخدم معاك اسلوب مش هيعجبك !!!
عوض...طاب عاوزني أجول إيه يا بيه
طارق...تقول إللي شفته يوم 6 ديسمبر اليوم إللي شفت فيه داليا إللي إتعرفت عليك إنهارده وهي ف الفيلا
عوض...بص يا بيه هو البنت دي أنا شفتها فعلا جت مع جاسر بيه واصحابه ع الفيلا
طارق...برضاها ولا ڠصب عنها
سكت عوض
طارق...إنطق .
عوض...لا يا بيه كانت مضړوبه وعدم المؤاخذه هدومها متجطعه شويه
طارق...يعني ڠصب عنها
عوض وهو باصص ف الأرض...أ أيوه يا بيه
طارق...أمممم طيب مش عيب عليك تستنجد بيك وماتلحقهاش وتسكت عن چريمه زي دي! مش خاېف بنتك تبقي مكانها
عوض...ربنا يستر علي وليانا يا بيه
بص طارق للكاتب...سجلت أقواله
_ أيوه يا فندم
بص لعوض...تعرف تمضي
عوض...أعرف أبصم
طارق...تعالى إبصم هنا
بعد ما بصم عوض على أقواله
طارق...خدوه من وشي .
خدوا عوض وطارق بيفكر ف إللي ناوي يعمله !
دخل وحيد...طارق باشا العيال دي لازم تكلم أهاليها عشان مانحطش نفسها ف أي مأزق لو عاوز القضيه تمشي تمام من غير ما يمسكوا علينا أي حاجه
طارق...هيكلموا أهلهم يا وحيد وما تقلقش مش هنتحط ف مأزق ولا حاجه المهم تفصلهم بعيد عن بعض وماتخليهمش يشوفوا عوض
وحيد...تمام يا فندم
جهزت داليا وراحت مع نهال الجمعيه...إتعرفت ع الناس إللي هناك وحيوها على شجاعتها وشجعوها أكتر إنها تكمل وتصمد للآخر وأثناء كلامهم دخلوا بنتين
_ السلام عليكم _
نهال...الناس المتأخره دي وعليكم السلام ورحمة الله وبركاته
_ أسفه جدااا يا دكتور بس إنهارده جايبه معايا عضو جديد بنوته معانا ف الحركه إللي عملناها ف الجامعه ضد التحرش
نهال...أهلا وسهلا عرفينا بنفسك
_ أنا إسمي مريم وف آخر سنه ف كلية الهندسه ...
.
20
وقفنا الحلقه إللي فاتت عند أما
جهزت داليا وراحت مع نهال الجمعيه...إتعرفت ع الناس إللي هناك وحيوها على شجاعتها وشجعوها أكتر إنها تكمل وتصمد للآخر وأثناء كلامهم دخلوا بنتين
_ السلام عليكم
نهال...الناس المتأخره دي وعليكم السلام ورحمة الله وبركاته
_ أسفه جدااا يا دكتور بس إنهارده جايبه معايا عضو جديد بنوته معانا ف الحركه إللي عملناها ف الجامعه ضد التحرش
نهال...أهلا وسهلا عرفينا بنفسك
_ أنا إسمي مريم وف آخر سنه ف كلية الهندسه ..
نهال...أهلا بيكي يا مريم شرفتينا إتفضلي أقعدي
قعدت مريم ع الكرسي إللي جنب داليا...إبتسمت لداليا فبادلتها الإبتسامه
وركزوا مع محاضرة نهال...وكل واحده شاركت برأيها...أخدوا راحه
..... كل الموجودات خرجوا بره شويه وداليا فضلت موجوده هي ونهال وكام بنت من ضمنهم مريم
مريم...إزيك يا داليا
داليا...أهلا يا مريم مش كده
مريم...أيوه...بجد أنا فخوره بيكي أوووووي وصراحه حبيتك لله ف لله كده
داليا...الله يكرمك...أحبك الذي أحببتيني فيه
مريم...عاوزه أقولك إنك مش لوحدك...كلنا معاكي إن شاء الله ومش هنسكت غير لما الذئاب ياخدوا إعدام عشان يكونوا عبره لكل قذر حقېر ممكن يتجرأ وېلمس بنت تاني
داليا...يا رب ..
مريم...ممكن نبقى صحاب وأقدر أتواصل معاكي
داليا...ممكن جدا يا حبيبتي هكون سعيده
مريم...هاتي رقمك
داليا...معلش إكتبي رقمك إنتي ف ورقه من الدفتر اللي معاكي ده لإني مش معايا موبايل دلوقتي بس إنهارده أخويا قالي هيجيبلي موبايل وخط إن شاء الله
مريم وهي بتكتب الرقم وتناوله لداليا...تمام جدا ده رقمي أبقي كلميني عشان اسجل رقمك ولو إحتجتي أي حاجه ف أي وقت أنا موجوده
داليا...تسلمي يا مريوم
فضلوا يتكلموا شوية كلام عام إتعرفوا من خلاله على بعض أكتر لحد ما خلصت فترة الراحه ورجعت نهال تلقي عليهم المحاضره وبعدين مشيت هي وداليا ع المصحه
أما عن مريم فبعد ما خرجت من الإجتماع لقت موبايلها بيرن
مريم...أيوه يا عمرو أنا ف طريقي للبيت اهه الإجتماع خلص
عمرو...كان لازم يعني الإجتماع ده !!!!
مريم...أنا ما صدقت صحبتي تجيبني إنبسطت جدا جدا وحسيت إن بقي فيه تقدم
عمرو...الله الله بس إزاي يعني تقدم صراحه مش شايف حاجه بتتغير
مريم...فيه بنوته إتعرضت لحاډثة إغتصاب من 3 ذئاب وماخافتش راحت رفعت قضيه وتم القبض عليهم والقضيه إن شاء الله هتكمل للآخر...إتعرفت عليها ووعدتها إني بجد هفضل جنبها مهما حصل لحد ما الكلاب دول ياخدوا إعدام
عمرو...كويس جدا بس الله يكرمك بقى يا مريم روحي دلوقتي حالا وانا معاكي ع الخط وماتتأخريش كده تاني الدنيا ما بقتش أمان
مريم...حاضر ما تقلقش
عمرو...صحيح خالد لسه مارجعش
مريم...للأسف بكره إن شاء الله لو
مارجعش البيت بفكر أروح لبيت أهل صاحبه جاسر وأسأل عنه
عمرو...خير إن شاء الله ماتقلقيش
