رواية مكتوبة على اسمي الفصل الثالث 3 "بقلم ملك ابراهيم"
ميسرة بهدوء...ميقصدش يا حبيبتي عامر لو مش بيحبك مش هيغير عليكي كده.. عشان خاطري انا غيري الفستان ده والبسي واحد تاني.
ميرنا بصت ل كوكو وسألته...انت ايه رأيك يا كوكو.
أتكلم كوكو وهو بيبص ل عامر بغيظ...انا رأيي ان عريسك ده مش بيفهم في الموضه ابدا يا ميرو وشكله كده ذوقه بلدي!
عامر فقد صبره واعصابه ومسك كوكو من قفاه وقاله بعصبيه...انا عايز بس اتأكد انك ولد عشان لما اضربك محدش يلوم عليا ويقولوا بيضرب واحدة ست.
والدة عامر اتدخلت بسرعة وخلصت كوكو من ايد عامر وقالتله...انزل تحت انت يا كوكو عند المعازيم.
كوكو بص ل عامر بغيظ وقاله...متو حش.
عامر ضغط على اسنانه بعصبيه وقال...الخطوبة دي مش هتتم والواد ولا البنت ده مش عايز اشوفه هنا تاني آنتو فاهمين.
عند آيااات.
ووقفت تخبط على باب بيت عمها.. فتحت لها مرات عمها وقالت بستغراب...آياات.. في حاجة يابنتي
اتكلمت آيات بخجل...هتسمحيلي ادخل يا مرات عمي
مرات عمها...طبعا يا بنتي دا بيت عمك ومفتوحلك في اي وقت.
ابتسمت آيات ودخلت وقالتلها...انا جايه من ورا ابويا ومراته وعايزة اتكلم مع عمي في موضوع ضروري.
آيات هزت راسها بالايجاب ودخلت مع مرات عمها واول لما شافت عمها قاعد قالت باحترام...ازيك يا عمي.
عمها ابتسم...اهلا ببنتي الغاليه وانا بقول الدار منوره ليه.
رد عمها بحزن...ربنا يهديهم يا بنتي.. مين يصدق ان الاخ يقاطع اخوه ويمنع البنت انها تزور عمها عشان مصدق كلام مراته اني غيران منه عشان بقى عنده ارض اكبر من ارضي وياريت الارض دي كان اشتراها من تعبه وشقاه دا اشتراها من بيعك في جوازة اتحسبت عليكي وعمرك بيضيع فيها على الفاضي.
دخلت مرات عمها بالشاي وقالت...معاكي حق يا بنتي.. كل بنات البلد اللي في سنك اتجوزوا وفي منهم خلفوا كمان
