رواية خادمة قلبي "الثامن 8 والتاسع 9 " بقلم زهرة عصام
انت في الصفحة 1 من 4 صفحات
خادمة قلبي الثامن
ملك بقت واقفة تغسل المواعين و هي بتغني بصوتها...يا دنيا طفيتي شمعتي
يا ناس كترتوا دمعتي
اه والله كتروا دموعي الغالية و خصوصا سعادة البيه كنافة بالمنجة دا دا انت هتشوف ليله النهارده ولا ألف ليلة و ليلة عشان تبقي تتحداني تاني
و كملت و هي بتفتكر كل المواقف اللي حصلت و شغلها خدامة...دمعة نزلت منها و هي بتقول
انا كنت منى
انا مش انا
لا دى ملامحى
ولا شكلى شكلى
ولا ده انا
ملك...والله مش انا أهي اهي شيلت الهم بدري والله انتي قلبتيها غم كدا ليه يا ملك اغني حاجة بقي رومانتيكي
ملك ماسكة السفنجة و الطبق و غنت بصوت جميل و هي سرحانة بس اديها شغالة...
في جوه قلبي حاجة مستخبيه كل اما أجي أقولها مش بقدر قدام عنيك بقف و انسي ايه يتقال
مالك وصل البيت و دخل يتسحب سمع صوت جميل بيغني و بيقول...حبييييتك يوم ما اتلقينا لما حكينا أول كلام حبييييتك واحلف على ده تسمع زيادة
ده انا مش بنام
مالك أول ما سمعها بتقول كدا قلبه دق و كل ما بتغني قلبه بيدق زيادة رجله خديته و على المطبخ بقي يمشي بشويش و سرحان في صوتها
ملك واقفة ملخومة في الغني و مش حاسة بحاجة و لكنها بتغني بإحساس عالي جدا لدرجة إنها سابت الطبق اللي في اديها و بقت تغني و هي بتلف و مغمضة عنيها
حاول يجر رجليه لبرا بس مش قادر عاوز يخليه باصص ليها كدا و كأن الوقت وقف على اللحظة دي
حس إنها خلاص هتفتح فبسرعة خرج بره الشقة و حط ايده على قلبه و هو بيقول...بتدق ليه دلوقتي استحالة دا يحصل دي خدعتني و زورت هويتها غير كدا مينفعش أنا أخدت قرار إني مدخلش حد حياتي ابدا كفاية عليا أخواتي
اذكروا الله
ملك ضحكت بابتسامة هادية حالمة و هي بتقول...انتي بقي يجي فارسي على حصانه الابيض و يخطفني وراه
بصت على المواعين بحسره و قالت...ماشي يا سعادة البيه كنافة بالمنجة صبراك عليا أوي يعني الحساب بيتقل
بصت في الساعة و جريت على اوضيتها و هي بتقول...يلهوي زمانهم راجعين
و قامت خرجت نص ساعة و رجعت بكيسة سمرا في اديها
ملك...استعنا على الشقا بالله و يا رب قدرني على فعل الخير و ميقتولونيش بعد ما يعرفوا
ملك خلصت الأطباق و الغدا و بدأت تحط الأطباء على السفرة
ملك...بخير يا سعادة البيه كريم شانتيه و بصت ل وليد بخبث و قالت...يسلم لسانك اللي بينقط شهد
مالك جه بص عليهم بغيرة خفيفه قال...نسكت بقي و نتفضل ناكل و انتي يا جميلة يلا كلي تعبتي النهارده انتي و بص ل وليد نظره فهمها
حازم...إلا قوليلي يا جميلة ايه الأكل دا رحته حلوه أوي
ملك بخبث...دي أكلة تركية جبتها من على الانترنت يا سعادة البيه كريم شانتيه دوق هتعجبك أوي
حازم بدأ يأكل هو و مالك و وليد
حازم...طعمها غريب بس جميلة تدخل على القلب كدا
وليد...شوف يا
