رواية خادمة قلبي "كاملة حتى اخر فصل" بقلم زهرة عصام
تأكلي معانا ياي بجد انتي مش المفروض تأكلي في المطبخ مكان الخدامين
ملك خدت الكلمة في نفسها و بصت لمالك و استنته يتكلم بس مالك بصلها و متكلمش
ملك پألم بس داريته و قالت...تعرفي تخليكي في حاجة يا تنين مهاجر انتي انتي شاكلك عاوزاني أكمل عليكي سبيني أكل اللقمة عشان أخلص تنضيف عاوزه أنضف البيت من التراب الجديد اللي ډخله
وليد بص ل ملك بعد ما عرف إنها زعلت و أنها كانت مستنية مالك ياخد حقها بس خذلها فحب يشجها و قال...انتي يا بسبوسه بالقشطه تعملي اللي إنتي عاوزاه أصلا البيت ردت فيه الحياة من ساعة ما دخلتيه و كمل بغمزة و لو محتاجه مساعده قول يبشا و انا معاك هعمل معاكي هدنه
مالك بصلهم هو عارف انهم بيهونوا عليها كلام ريا بس متكلمش
ريا...أصل انا الصراحة استغربت إزاي ناس في مكانتكم يسمحوا الخدامين عندهم ياكلوا و يشربوا م يتعايشوا معاهم كدا
حازم...بس إنتي لسه ماكلتيش يا جميلة
ملك بابتسامة باهته...شبعت يا سعادة البيه هعملكم عصير
ملك زعلت من مالك أوي و قررت إنها مش هتديله إهتمام تاني ولا هتستني منه حاجة و حقها هتاخده من اي حد يزعلها و أولهم ريا
بصت على كوبيات العصير بخبث و حطت بدره الصاراصير في كوباية و قالت...استعنا على الشقا بالله و قلدت ريا أصل الجو حر خالص دا انا هخليكي تعملي ساونا يا بنت كوم الشكاير
بره وليد معاتب مالك...المفروض كنت اتكلمت يا مالك مكنتش مستنية حد يتكلم غيرك انت خزلتها و صدقني هتشلهالك
حازم...دا حتي مقالتش سعادة البيه كريم شانتيه قالت سعادة البيه بس زعلت أوي كدا بس جميلة مكنتش بتزعل
حازم هز رأسه بتفهم و ملك دخلت وزعت عليهم العصير بصمت و وقفت بعيد عنهم شوية أول ما اتاكدت إن ريا شريت العصير ضحكت بتشفي و قالت...بالشفا عشان تبقي تغلطي تاني
بعد أقل من عشر دقائق ريا بطنها بدأت تمغص و ملك ماسكة ضحكتها بالعافية
وليد شافها كدا أتأكد أنها ورا اللي بيحصلها فهمز لها و قال...اه يا حقي اللي مبسبوش جدعة يا بت
ريا بصتلها بغيظ و هي بتتالم من بطنها و قالت...انتي عملتي اية يا حقېرة انتي دا انتي حتت خدامة افعصك برجلي و هتندمي على اللي عملتيه دا
حازم و وليد كانوا لسه هيتكلموا ملك شاورت ليهم بايديهم و قالت...الطلعة دي بتاعتي انا خطت ايديها في جنبها و قالت...هي مين دي اللي حقيره يا اللي الفار يقرف منك دا انتي يا بت حتت سلكة مواعين اقرف امسها من كتر ما الايادي لمستها أصل البضاعة الرخيصة يتهاتف عليها الذوباب
ريا بطنها معدتش قادره تستحمل جت تقوم ملك شديتها من شعرها جبتها الأرض و قعدت فوقها في ثواني و قالت...انا تطولي لسانك عليا اقطعولك زي ما هقطعلك نفسك دلوقتي بقت تشد في شعرها و تضربها و هي بتقول اصحي أنا من بولاق يا بت قال فكراني هسكتلها اضحك يا سعادة البيه كريم شانتيه شيفاك متكتمهاش يخويا أحسن يجرالك حاجة
حازم نزل جمبها على الأرض و بقي يضحك جامد
وليد ابتسم و بقي يشجع
وليد...أيوة و جميلة نزلتها على الأرض اهو اهو اهو هتعضها من اديها اهو مسكت شعرها أيوة كمان يا بنتي أعانك الله يمين ادي شمال يا بطلة مصر يا جميلة حطيها قدام عينك
ريا...الحقوناي بطناااي الحقني يا مالك همو وت من قادره يا مالك شيل المتوحشة دي عني
ملك بصتلها في لحظة و قالت...متوحشة حلو غلطت و انا كنت مستنياها تغلط و نزلت فيها عض و بقت تشد شعرها
مالك لو كان سابها دقيقة كمان كانت كالتها شالها من عليها و هي بترفص و بتقول...سبني يا سعادة البيه الحليوة سبني أخد حق مصر كلها
مالك...اهدي بقي يخربيت اللي يدوس ليكي على طرف
ملك بصتله و هو لسه شايلها و قالت بغيظ...اتعلم عشان الدور عليك
مالك پصدمة...نعم
ملك...انت لسه هتتصدم نزلني
ريا ما صدقت مالك شالها من عليها قامت تجري على الحمام
مالك باستفهام...هي راحت فين جري كدا
ملك بابتسامة تشفي...راحة ترتاح قبل جولة الغدا
حازم قام من على الأرض و هو بيضحك و رفع ايد ملك بمعني الانتصار و وليد شغل أغنية والله و عملوها الرجالة و رفعوا رأس مصر بلدنا
ملك بقت تضحك على تشجيع حازم و وليد و بصت ل مالك بطرف عينتها و مديتوش اهتمام و دا شئ عصبة جدا
وليد...عملتيها إزاي دي يا شابة
ملك و هي بتهز كتافها بدلع...غلطت يا سعادة البيه كنافة بالمنجة و انا الغلطة عندي بفورة
ريا خرجت من الحمام متعصبة و راحة تمسك في ملك و استغلت إن مالك مدياها ظهرها و على غفلة جاية جري و خلاص هتمسك شعرها ملك راحت يمين شوية و مدت رجليها كعبلتها و ريا وقعت على الأرض
حازم بابتسامة...الحركة دي تدخل جينيس يا جميلة
وليد صفر بإعجاب و مالك حط ايده على وشة بقله حيله
ملك بشړ...لسه متخلقش يا قطة و انتي هبلة كدا و قلعت الشبشب و هي يتقول...يا مرحب مرة أخرى مش قادره تستني لبعد الغدا اعلم عليكي تاني مستعجلة على رزقك و نزلت ضر ب فيها بالشبشب
وليد...شبشب زنوبة بيطرقع على وشها
حازم بيردد وراه...طرقع طرقع طرقه
وليد...يا اغبي مخلوقات الله مبسطيش ليه قدامك كنتي شوفتي المرايا
حازم...مرايا مرايا مرايا
ريا...الحقوناااااي يا مااللك
ملك...اهو انا مش هبطل ضړب فيكي بسبب الكلمة دي
وليد ضحك جامد و جاب طبلة و بيشجع ملك و حازم جاب سکينة و بيرقص بيها و مالك ضحك بغلب على منظر اخواتة و راح على جميلة يشيلها علشان يخلص ريا من تحتها
ريا...يا حيوانية يا بنت الكلب دا انتي متربتيش دقيقتين يا بنت الشوارع
مالك رايح يشيلها خلاص زقت ايده پعنف و قوة و قالت
ملك...باااس غلطت و وأنا كنت مستنياها تغلط تعالي بقي يا بنت الصرمة
يتبع
١٨
مالك قاعد على كنبة و على يمينه ملك و على شمالة ريا و قدامة وليد و حازم اللي بيكتموا الضحكة بالعافية
مالك بصرامة مصطنعة و من جواه ھيموت و يضحك على منظر ملك...إحنا هنعمل معاهدة سلام بينا عشان نعرف نعيش الكام يوم الجايين دول في سلام
ملك قاعدة ضاربة بوز و بتربطم...يعني كان لازم يشيلني من عليها كان في كام شعراية صفر كنت خلاص على وشك اشليلهم ليها بس الله في سماه لشيلهم برضوا صبرك عليا يا بت الدزمة
مالك بص ل ريا و كمل...يعني لا جميلة خدامة هنا ولا انتي ضيفة هنا كلنا هنا أخوات في بعضينا و بص ل ملك و قال...يعني نحترم بعض و منقفش لبعض على الواحدة
ملك قامت مره واحده و قالت...اسكوز مي بقي يا سعادة البيه الحليوة أنا اللي يدوسلي على طرف اجيبه من قفاه اه معلش إحنا بنتكلم مهو مش ھتحرق دمي و اسبهالكم و أموت انا مفروسة
مالك شد اديها قعدها و قال...مهو معاهدة السلام دي مش هتخليكي ټموتي مفروسة اقعدي و اسمعي الكلام للآخر بقي
ملك وقفت تاني و قالت...اسكوز مي معلش كمان مره انت يا سعادة البيه الحليوة مقعدنا في حصة تاريخ جمبك و سايبة مطبخي و السجاجيد اللي هتتغسل اية معاهدة سلام معاهدة سلام إسمها قعدة صلح
مالك نفخ بغيظ و قال...طب نكمل القعدة بقي يا جميلة ممكن
ملك مدت اديها ليه و قالت...بوس
مالك فنجل عينة بحركة مضحكة و قال...افندم
ملك ببلاهه و تراجع...خلاص متبوسش هقعد بس لو الكلام معجبنيش و حيات أبوك يا شيخ في كام شعرة كدا صفر عاوزين نخلص منهم
حازم مقدرش يقاوم اكتر من كدا و وقع على الأرض من كتر الضحك
مالك شد ملك قعدها تاني و قال...اهدي بقي خلينا نخلص ورانا مصالح
ملك يتريقة...اهو حطيت حذمة قديمة في بوقي و سكت اهو ربنا على الظالم المفتري و بصت في السقف و قالت...أهم يا رب أهم و شاورت على اللي قاعد كله و كملت اهم اللي جايين عليا اكمني وحدانية اسخكهم قرود و أنا هرضي بالأمر الواقع و هقول قضاء و قدر
مالك بصلها بصه خلتها تقول تحط ايد على بوقها و الايد التانية تشاور ليه بيها بمعني خلاص
مالك...نرجع تاني معاهدة السلام دي مش بين جميلة و ريا بس لا دي مبين الكل
حازم...إني أعترض
مالك بسخرية و غيظ...بتعترض على اية إن شاء الله إحنا لسه قولنا حاجة يا زفت
حازم...معرفش بس طلما اجتماع بيقي لازم أعترض فيه اية يقولوا عليا مش فاهم
مالك حط ايدة على وشه لما شاف ملك بتشجعة و يتقول...برافوا عليك يا سعادة البيه كريم شانتيه أصلا محدش بيفهم هنا غيرك و رفعت اديها و قالت أنا بايد اعتراض سعادة البيه كريم شانتيه مهو مش هيبقي لوحدة اللي بيعترض لازم كلنا نعترض إية هنسيبه يعترض لوحدة
مالك اتعصب مره واحده و قال وقف مسك شبشبة و هو بيقول...طب يلا يا ولاد الكلب من هنا بقي أنا عمال ادادي و احايل عشان منكترش مشاكل و انتوا مش راضين تسكتوا
كلهم أول ما شافوه كدا طلعوا يجروا حازم شد ريا و قال...تعالي انتي مش حمل شبشب تاني كفاية عليكي جميلة
ملك...اخص بتتحالف مع الأعداء بس ابقي خليك فاكر
حازم ساب ايد ريا و طلع يجري على اوضته و هو بيقول...سوري بس العمر مش بعذقة و دي شرانية
وليد كان وصل لاوضتة و بيضحك على منظرهم
مالك ماسك الشبشب و بيجري وراهم بص لقي اللي بتستخبي تحت ورا الكنبة پخوف
مالك بيتسحب علشان متحسش بيه لحد ما قعد على الكنبة
ملك طلعت رأسها تبص تشوفة فين لقيته في وشها ضحكت ببلاهه و قالت...أحلي مسا عليك يا ريس
مالك خلع الحزام و لفة لفتين على ايدة ملك شافته كدا جريت و هو جري وراها ضړب ضړبة بالحزام يدوب جت حاجة بسيطة عليها
ملك...عااااا اهدي يا سعادة البيه الحليوة اهدي يخويا هتعمل عقلك بعقل عيلة طلاق تلاتة عيلة
مالك بغيظ...بقي انا مقعدكم في حصة تاريخ مش كدا تعاليلي بقي يا حلوة
