رواية مكتوبة على اسمي الفصل الثالث عشر 13 "بقلم ملك ابراهيم"
انت في الصفحة 1 من 4 صفحات
الحلقة 13
مكتوبة على إسمي
بقلمي ملك إبراهيم
كوكو ظبط لبسه اول لما شريف سابه وبص ل ميرنا وقالها...سيبك منه يا ميرو شوفتي البنت المتوحشة مشت قبل ما تعتذرلي ازاي !
ميرنا ردت عليه...متزعلش يا كوكو انا هخليها تعتذرلنا احنا الاتنين.
شريف زفر بغيظ وقال...اللهم طولك ياروح.. الله يسامحك يا عامر انت اللي دبستني التدبيسه دي!!
في عربية امجد.
البنات كانوا بيتكلموا ورا على ميرنا والشاب صاحبها اللي كان معاها وكانوا بيضحكوا ويتريقوا عليهم وآيات كانت قاعده قدام ساكته وشارده في خطيب البنت اللي نظراته ليها كانت غريبه وكان جواها إحساس غريب وكأنها تعرفه من سنين.
دي كانت اول مرة آيات تتكلم مع امجد من يوم ما اشتغلت في شركته وكانت محروجة ومتوتره جدا وردت بخجل... الحمدلله يا باشمهندس انا كويسه.
اتكلمت نغم...معلش يا باشمهندس اصل آيات كانت نايمه وقت اللي حصل وصحت مفزوعه.
نغم سكتت واتكلمت هدير وهي بتضحك...بجد اللي حصل الليلة دي عمري ما هنساه.
وبصت ل هاجر بحزن وقالتلها...اللي مزعلني ان عربية جوجو اتخبطت.. واللي مضايقني اكتر ان البنت المغروره دي مشيت من غير ما تدفع حتى تمن تصليح العربية.
رد عليها امجد...هي مش هتدفع تمن تصليح العربية لان هاجر هيجيلها عربية جديدة.
امجد بثقة...بكره ان شاء الله انزلي اختاري العربيه اللي تعجبك!
ردت سلمى بضيق...بس المفروض البنت التانيه دي هي اللي غلطانه وهي اللي تتدفع حق العربية الجديدة عشان تتأدب.
امجد...خطيب البنت دي يبقى صاحبي وهو شخص محترم جدا ومستعد يدفع اي تعويض نطلبه.. لو مكانتش البنت دي مخطوبه ل عامر الجارحى انا كنت اتصرفت معاها.
رد امجد بثقة...ايوا وهو شاب محترم جدا ومهندس وعنده شركه كبيرة ويعتبر من اكبر رجال الاعمال في البلد.. انا مش فاهم ازاي يخطب بنت مستهتره زي دي!
آيات بصت قدامها پصدمة لان كل المعلومات اللي قالها امجد عن خطيب البنت دي نفس المعلومات اللي عمها كان قايلها عن جوزها!!
وافتكرت نظراته ليها في القسم كانت غريبه وملفته وكانت مستغربه نظراته ومش فاهمه سببها!! همست لنفسها پصدمة وقالت...لا.. لا أكيد مش هو.. اكيد لا مش هو مش معقول!
رواية مكتوبة على إسمي بقلمي ملك إبراهيم.
أمجد وقف بعربيته قدام العمارة اللي البنات ساكنين فيها وعامر وقف بعربيته بعيد عنهم وهو مهتم يعرف
