رواية ثلاثي العشق "بقلم زيزي محمد"

من الصدمة وقلب يرتجف ړعبا وهي تقول پألم 
مراد جوزى
أومأت نهاد برأسها وهي تنظر إلى ملامحها الشاحبة فى شفقة قائلة بسرعة 
هما بيقولوا إنه الحمد لله نجا منها بس دخل فى غيبوبة.
تتلقى شروق صدمة تلو الأخرى پألم لتقول بهذيان 
غيبوبة..مراد..جوزى أنا..عرفتى منين يانهاد
اقتربت منها نهاد متجنبة ذلك الزجاج المكسور وهي تأخذ بيدها تبعدها عنه وتدخلها إلى الحجرة لتكون بأمان قائلة بحنان 
إنتى ناسية إنى ممرضة فى المستشفى بتاعة الدكتور رءوف صاحب يحيي و مراد..أنا لسة جاية من هناك حالا..أنا بس عايزاكى تمسكى نفسك وتتمالكى أعصابك عشان تشوفى هتعملى إيه ياشروق

نظرت إليها شروق وقد أغروقت عيناها بالدموع قائلة 
هروحله طبعا ..أنا لازم أشوفه يانهاد.
قالت نهاد 
طيب إهدى..هتشوفيه ياشروق..بس هنظبطها إزاي ومراته أنا شايفاها بنفسى هناك.
تساقطت دموع شروق وهي تقول 
معرفش ..بس عشان خاطرى يانهاد..إتصرفى أنا عايزة أشوفه.
فكرت نهاد قليلا ثم قالت 
أخوه يحيي..مفيش غيره ممكن يحل المشكلة دى.
إتسعت عينا بشرى قائلة بإستنكار 
لأ طبعا..يحيي لأ.
قالت نهاد 
إنتى مش قلتى إن يحيي عارف بجوازكم..يبقى ليه لأ
قالت شروق بحزن 
يحيي عرف بجوازنا بالصدفة لما دور ورا أخوه ولاقاه بييجى كتير الشقة عندى..ولما جالى وبهدلنى عشان كان مفكرنى واحدة من إياهم..اضطريت أوريله قسيمة جوازنا..بس حلفته ميقولش لمراد ..لإن مراد حابب جوازنا يفضل سر..وفعلا حافظ على وعده.
قالت نهاد 
يعنى راجل كويس..وهيقدر رغبتك فى إنك تشوفى جوزك وتتطمنى عليه..وهو الوحيد اللى هيقدر يهيألك الفرصة..إيه المشكلة بس
هزت شروق كتفيها فى قلة حيلة وهي تقول 
مش عارفة بس خاېفة أكلمه..وبعدين هجيب بس رقمه منين..رقمه مش معايا أصلا
قالت نهاد 
دى سهلة ..سيبيها علية..هجيبها منه هو شخصيا..بس يلا جهزى نفسك..وأنا دقايق وأكون عندك.
إبتلعت شروق ريقها بصعوبة وهي تخشى إجراء تلك المكالمة ولكن من أجل مراد هي مستعدة لأن تفعل.....أي شئ.
رأت رحمة يحيي عائدا بعد أن إبتعد عنهم قليلا وهو يجيب على مكالمة لإحداهن..تدعى شروق..لتقول بغيرة يشوبها الحيرة 
مين شروق دى يايحيي
أشار
لها يحيي بالصمت وهو يتنحى بها بعيدا عن بشرى قائلا 
تعالى بس هنا وأنا اقولك.
عقدت حاجبيها قائلة بحنق 
مين دى يايحيي..السكرتيرة بتاعتك ولا عميلة عندك
رفع يحيي حاجبيه قائلا بإستمتاع 
حبيبتى غيورة أوى على فكرة
نظرت إليه بغيظ ليبتسم قائلا 
طب خلاص خلاص..دى ياستى لا سكرتيرة ولا حتى عميلة..دى مرات أخويا.
نظرت إليه بدهشة قائلة 
أخوك مين
رفع حاجبه قائلا 
هيكون مين ..مراد طبعا.
شهقت لتكتم شهقتها بسرعة وهي تنظر إلى بشرى لتزفر فى راحة حين رأتها تتحدث بالهاتف ولا تعيرهما إهتماما..لتعود بعينيها إلى يحيي الذى كان يتابعها بتسلية وهي تقول بحيرة 
هو مراد متجوز واحدة تانية غير بشرى
رفع حاجبيه قائلا 
أيوة..شروق.
عقدت حاجبيها قائلة 
طب إزاي وليه
قال بهدوء 
لأ..دى قصة طويلة أوى هبقى أحكيهالك بعدين..المهم دلوقتى إنها جاية فى الطريق وعايزة تشوف مراد..وأنا عايز أشوف حل للمصېبة دى اللى إسمها بشرى عشان أبعدها عن المكان قبل ما تيجى وتبقى کاړثة..عندك حل يا حبيبتى
سردت على مسامعه خطتها الصغيرة الذكية ليدرك أن فاتنته هي فتاة مليئة بالمفاجآت وأن عشقه لها ليس من فراغ........ليس من فراغ أبدا.
الفصل العشرون
دلفت شروق إلى حجرة مراد بجسد يرتعش قلقا على هذا الممدد على
سرير المستشفى..تحيطه الأربطة البيضاء المرعبة..إنهمرت دموعها فى صمت وهي تقترب منه..ترى شحوب وجه الذى أوجس قلبها خيفة عليه..جلست بجواره ومدت يدها تحيط بيده اليسرى السليمة بلهفة حزينة..تقول بهمس مرير 
سلامتك ألف سلامة ..ياحبيبى يامراد..ياريتنى كنت أنا اللى بدالك..ليه بس مأخدتش بالك من نفسك..إنت مش عارف غلاوتك عندى..إنت مش عارف لو جرالك حاجة أنا ممكن يجرالى إيه
لتسرع وهي تهز رأسها بجزع قائلة 
لأ..بعيد الشړ..إنت مش
ممكن يجرالك حاجة أبدا..مفهوم..إنت روحى يامراد..ومن غيرك أموت.
...لتشير رحمة إلى يحيي كي يبتعدا عن النافذة الزجاجية ويتركا لها بعض الحرية لتعبر عن مشاعرها بخصوصية..ليجلس يحيي وتجلس بجواره رحمة على تلك الكراسي المقابلة للحجرة..
أصابعه بأصابعها وهي تقول بهمس 
أنا عرفت دلوقتى ليه مراد إتجوز على مراته..شروق هي بجد اللى تستاهله..هي مراته الحقيقية..واضح جدا إنها بتحبه..وأكيد هو كمان بيحبها.
تنهد يحيي قائلا 
هي فعلا بتحبه..بس مع الأسف هو مش شايف حبها ده..معمي بحب واحدة تانية.
عقدت رحمة حاجبيها وهي تعتدل قائلة 
واحدة تانية..بس مراد مبيحبش بشرى وإلا مكنش إتجوز عليها..وكمان مش باين أبدا إنه بيحبها.
قال يحيي بهدوء 
بشرى مش هي الإنسانة اللى بيحبها يارحمة..
عقدت حاجبيها قائلة فى حيرة 
أمال هي مينوياترى أعرفها
أومأ برأسه إيجابا قائلا 
أيوة.
إزداد إنعقاد حاجبيها وهي تقول 
مين دى..قول بسرعة يايحيي متحيرنيش.
تأملها لثوان حبست فيهم أنفاسها ليقول هو بهدوء 
إنتى.
نهضت وقد إتسعت عيناها فى صدمة قائلة 
أنا
أومأ برأسه قائلا 
أيوة إنتى..بس إهدى كدة وأقعدى عشان أفهمك.
جلست ومازالت الصدمة ظاهرة بعينيها ليستطرد يحيي قائلا بشرود 
أنا هحكيلك حكاية صغيرة....
من زمان ..عرفنا إن عمى إتجوز وجاب طفلة تانية غير راوية إسمها رحمة..وإنها جميلة ورقيقة زي البدر..بتشبه مامتها بالظبط ..كان نفسنا نشوفها بس جدنا كان مانعنا..ولما هربت مامتها وباباها اتوفى..دخلت هي حياتنا..دخلتها بطلتها..بجمالها..بسحرها ..بطيبتها وخفة ډمها..دخلتها بروحها اللى جذبت الكل وخلتهم إما عاشقين لها أو غيرانين منها زي بشرى..للأسف حبها الإخوات التلاتة ..وللأسف برده محدش فيهم صارح التانى بمشاعره..الكبير كان عاميه حبه عن إنه يشوف إن إخواته هما كمان حبوا حبيبته..أما الصغير ولإنه طايش ومچنون ومريض نفسى ..قدر يتجوزها رغم حب أخوه الكبير ليها وحبها ليه..وبعدها إكتشف الأخ الكبير أن أخوه الوسطانى كمان بيحبها لما إعترفله بالحب ده فى لحظة ضعف منه بعد جوازها من أخوهم الصغير ..كانت صډمته كبيرة وهو شايف إخواته حبوها زي ما حبها هو بس اللى كان متأكد منه إنهم محبوهاش أده..وإنهم لو حبهم فى يوم إنتهى من قلوبهم..حبه هو مش ممكن ينتهى وإنه محفور فى جلده.. فجأة الصغير عرف إنها مبتحبوش وده جننه ..والأخ الوسطانى بدأ يفوق من وهمه قبل ما يتجنن هو كمان ..لكن حب الأخ الكبير لرحمة هو الحاجة الحقيقية بس فى حياتهم..واللى فضلت زي ما هي متغيرتش..والأكيد إنه هيفضل يحبها مهما طال بيهم العمر..
نظرت إلى أصابعه
التى تمسكت بأصابعها ثم نظرت إلى عيونه بعيون غشيتها الدموع قائلة بحنان 
الحمد لله إن ربنا جمعنا وفوق مراد يايحيي قبل ما يخسر كل حاجة زي هشام..أما أنا فهفضل أحبك لآخر نفس فية يايحيي.
إبتسم لها برقة ..لتبتسم له بدورها ثم مالبثت أن إختفت إبتسامتها وهي تقول 
طب ومراد..إمتى هيحس بشروق يايحيي
قال يحيي بغموض 
مراد خلاص بدأ يفوق من وهمه..معتقدش فاضل كتير ويحس بيها وبحبه هو كمان ليها..ولو محسش بيها..فأعتقد الحاډثة دى هتفوقه بالكامل.
أومأت برأسها موافقة وعيونها على هذا الباب المغلق والذى تضم جنبات حجرته حبيبان مثلهما تماما..تنقصهما فقط....النهاية السعيدة.
نظرت شروق إلى ملامح مراد فى عشق قائلة 
وحشتنى أوى يامراد..وحشنى صوتك..و..قوم ياحبيبى بالسلامة ومش مهم ترجعلى..المهم تقوم وأشوفك أدامى زي زمان..ولو من بعيد حتى..قوم عشان خاطرى وخاطر إبنك وأخوك..قوم عشان خاطر كل اللى بيحبوك..متسيبناش كدة متعذبين فى بعدك عننا..عشان خاطرى قوم..قوم يامراد.
إنهمرت دموعها..لتظل هكذا برهة من الوقت..حتى هدأت قليلا.. لتنهض وتميل بحنان ثم تعتدل قائلة 
أنا همشى دلوقتى عشان معملش ليك مشاكل مع بشرى بس هجيلك تانى وهفضل أجيلك وأجيلك لحد ما أشوفك مفتح عيونك ..لحد ما أشوفك مراد ..حبيبى بتاع زمان.
لتنظر إليه تتأمله للمرة الأخيرة ثم تغادر الحجرة بخطوات بطيئة منكسرة..حزينة..لتجد يحيي و رحمة بالخارج ..اقتربت منهم تمسح دموعها برقة ثم تقف أمامهما قائلة بحزن 
أنا همشى دلوقتى عشان بشرى..بس من فضلك يايحيي لو حصل أي حاجة بلغنى بيها علطول.
أومأ يحيي برأسه فى هدوء قائلا 
متقلقيش ياشروق.. هبلغك.
قالت شروق بإرتباك خجول 
أنا ..يعنى..من بعد إذنك هجيله تانى..عارفة إنى بتعبك معايا بس ڠصب عنى يايحيي ..عايزة أشوفه وأطمن عليه بنفسى.
إبتسم يحيي قائلا 
انا مقدر مشاعرك ..ومتقلقيش إبقى كلمينى بس.. ورحمة هتظبط كل حاجة.
أومأت برأسها بهدوء..ثم إلتفتت شروق إلى رحمة تتأملها قائلة بصوت ظهر به حزنها رغما عنها 
إنتى رحمة
أومأت رحمة برأسها قائلة 
أيوة.
تمالكت شروق نفسها وهي تقول 
كتر خيرك على اللى عملتيه معايا..يحيي قاللى إنك صاحبة فكرة الفحوصات اللى شروق لازم تعملها عشان لو إحتاجوا يعملوا عملية لمراد..متشكرة..متشكرة
أوى.
أمسكت رحمة يد شروق قائلة بحنان 
دى حاجة بسيطة عشان أجمع إتنين بيحبوا بعض.
نظرت شروق إلى عيون رحمة التى ظهرت بهما روحها الطيبة لتدرك سر حب الجميع لها ..حتى هي أحبتها على الفور..لتبتسم إبتسامة باهتة قائلة 
ربنا يخليلك يحيي ويخليكى ليه.
نظرت رحمة إلى يحيي الذى بادلها نظرتها بعشق قائلة 
يارب.
إبتسمت شروق

بحزن وهي ترى هذان العاشقان أمامها..لتتمنى لثوان فقط لو كانت هي ومراد مثلهما..لتخفض بصرها قائلة 
انا لازم أمشى ومتشكرة أوى على تعبكم معايا.
قال يحيي 
إستنى هوصلك.
إبتسمت قائلة 
مفيش داعى..نهاد صاحبتى مستنيانى برة..بعد إذنكم.
لتغادر تتبعها عيونهم ..بينما كانت هناك عينان تابعت ما يحدث بشئ من الريبة..ربما لم تستطع سماع حديثهما من هذا المكان البعيد ولكن ما شاهدته لا يبشر بالخير أبدا..لترفع هاتفها قائلة 
مجدى..إنت لسة ممشتش صح
لتزفر براحة قائلة 
طيب فيه واحدة خارجة دلوقتى من المستشفى
لابسة فستان أزرق وعينيها خضرا وشعرها كستنائى..إمشى وراها وإعرفلى كل حاجة عنها ..مفهوم
لتغلق هاتفها وهي تنظر پحقد إلى هذان العاشقان اللذان جلسا مجددا إلى جوار بعضهما البعض يمسك يحيي بيدها وكأنه إن تركها ستهرب منه..
حمدت ربها ان مجدى قد جاء فى اللحظة المناسبة ليطمأن عليها وأنها طلبت منه المغادرة حتى لا يراه يحيي..ولكنه لم يغادر بعد ليتبع الفتاة وتصل هي إلى ما يخفونه عنها..نعم ستصل بكل تأكيد....إلى الحقيقة.
إنتبه يحيي على صوت إضطراب تلك الأجهزة المتصلة بأخيه ..لينظر من خلال النافذة الزجاجية بسرعة ..ليلاحظ تحرك يد أخيه ويسرع بالدلوف للداخل تتبعه رحمة..ليقترب من سرير مراد يلاحظ سكون أخيه مجددا وعودة الأجهزة لمسارها الطبيعي..ليغمض عينيه بخيبة أمل فقد ظن أن أخاه قد أفاق من غيبوبته..ليفتحهما على صوت شروق التى قالت 
حصل حاجة يايحيي..مراد فاق
لاحظت رحمة تجاهلها الدائم لها لتتجاهلها بدورها بينما قال يحيي 
للحظة حسيت إنه فاق ..بس الظاهر إنى كنت غلطان.
أومأت بشرى برأسها..ثم قالت 
طيب.. أنا هروح البيت آخد شاور وأغير هدومي..وأرتاح شوية..
لتنظر إلى رحمة وهي تستطرد قائلة 
المكان هنا بقى خنيق أوى..ومحتاجة بريك..مش هتأخر يايحيي.
كادت رحمة أن ټموت غيظا من تلك التى تسمى بشرى..والتى تترك زوجها فى غيبوبة وتعود للمنزل فقط كي تأخذ حماما وتبدل ملابسها ثم ترتاح قليلا..بينما هناك محلا للملابس أمام المستشفى قد تستطيع شراء شئ مناسب لها
منه وهناك حجرة محجوزة لها بالمستشفى أيضا يمكنها أن تاخذ به حماما ..ثم كيف تستطيع أن تنام وترتاح بينما زوجها يرقد على الفراش أسير غيبوبة لا تعرف هل سيفيق منها أم لا..لتهز رأسها بعدم رضا بينما قال لها يحيي ببرود 
ماشى يابشرى ..السواق تحت هيوديكى ويبقى يجيبك تانى.
مش عايز حاجة أجيبهالك وأنا جاية يايحيي
شعرت رحمة بالحنق من تلك المأفونة والتى بدأت رحمة تدرك نواياها الخبيثة..وما يضمره قلبها لزوجها..لتقول رحمة بغيظ 
لأ ياحبيبتى متشكرين..جوزى لو عايز حاجة هيطلبها منى أنا وهجيبهاله أنا..هاتى إنتى لجوزك وإنتى جاية هدوم ..ومتتأخريش..لإنه أكيد هيحب مراته تكون جنبه