اسرار الماضي لبنت ناس الفصل السادس 6 بقلم رينا الهادي

بسم الله الرحمن الرحيم
اسرار الماضي لبنت ناس
بقلم رينا الهادي
علشان احنا مع بعضينا
الجزء الاول الفصل الخامس
اوقفنا ان رقية بتدور علي متوسيكل في الجرنال بس ما لقيتش قالوا لها أن فية جرايد قديمة تباع بالكيلو للي عاوز و إشترت إثنين كيلو و قعدت في البيت تدور علي أي حاجة تدلها علي بيع الموتسيكل وتعرف منها الاسعار والأنواع دورت شوية و بعدين قررت تعمل شغل البيت الأول و بعدين تدور تاني علشان أحمد لما يجي يكون البيت تمام و فعلا روقت البيت و عملت الغدا و فتحت أوضة المضيفة و الباب إلي علي الحوش و بدأت تدور في الجرايد و بعد تعب قدرت توصل لكذا إعلان و قررت تحاول تتصل و تعرف أسعار القديم و الجديد منة بس قالت بكرة إن شاء الله أروح السنترال و إتصل و أعرف و فجاة لقت أحمد قدمها بيبص لها بإستغراب

إتخضيت من المفاجأة و نطت من الكرسي و هي بتقول بسم الله الرحمن الرحيم إية يا أحمد مش تقول إحم السلام عليكوا أي حاجة .
أحمد حبيبتي أنا واقف من خمس دقائق و إنت بدوري علي إية كدة بالتركيز دة و فاتحة الباب إلي علي الحوش لية بتراقبي الطريق أول مرة الإقيك هنا .
رقية مفيش حبيبي الباب بيجيب هوا و كنت عاوزة أركز بس كدة.
أحمد تركزي في إية أوعي تكوني بدوري علي شغل أزعل منك إحنا متفقين .
رقية بتصنع زهقت يا حمادة تعالي غير هدومك علي ما أسخن الأكل و بعدين نتكلم .
احمد اااااااة كدة إنت طالبة معاك جنان بقي .
رقية بحب حبيبي أنا ما أقدرش ازعلك بس مجرد إني جبت جرايد قديمة و قلت أتسلي بيها لكن لا مش بدور علي شغل .
أحمد ماشي يا قلب أحمد هدخل أغير واخد شور سريع و نأكل و بعدين نشوف موضوع الجرايد .
رقية هو إنت خليتة موضوع لأ يا سيدي مفيش موضوع بسلي نفسي و بس .
أحمد دخل يغير هدومة و ياخد شور و بيفكر أنا فعلا سايبها لوحدها طول الوقت بقعد معاها ساعة أو اثنين و هي أكيد زهقت بعد ما كانت مشغولة طول اليوم كمان المكان هنا هادي قوي و هي غريبة ما تعرفش حد أنا لازم أفكر في حاجة تسليها يا رب تحمل بسرعة علشان تنشغل و فجاة قال طب أكيد مش هعرف اخليها تشتغل معييش ورق لتخرجها من أي كلية أو حتي مدرسة و مش معقول تشتغل خياطة يا رب ساعدني .
رقية ندهت علية أحمد الأكل جهز يلا اطلع 
قعد جنبها و حاوطها بإيدية حبيبتي عارف إني مقصر وأنك زهقتي من القاعدة لوحدك بصي إنت ممكن تشغلي نفسك بأي شغل تقدري تعملية بس في البلد لأني
أخاف عليك من السفر كل يوم انت معاك لغة لو قدرتي تساعدي العيال في المدارس في اللغات ماشي طبعا براحتك بفلوس أو من غير فلوس المهم تكوني مبسوطة وما تزهقيش من القاعدة .
رقيةحبيبي عارفة إنك پتخاف عليا و غريبة إنك رجعت عن رأئيك و عاوزني أشتغل .
أحمد قاطعها لا مش شغل بس تسلي وقت في حاجة تنفعك و تنفع غيرك الخير كويس و بيفتح أبواب الرزق إللي أقصدة إني مقصر من نحيتك علي طول تعبان من الشغل و بدأت أحس إني ظالمك معايا .
رقية بضحكلا حبيبي كفاية عليا تفكيرك علي طول بيا و شغلك آة واخدك مني بس دة علشانا .
أحمد يسلم