رواية ضراوة ذئب الفصل الثامن عشر 18 "بقلم ساره الحلفاوى"
انت في الصفحة 1 من 6 صفحات
الفصل السابع عشر
صحيت من النوم و هي حاسة بكل جزء في جسمها ۏاجعها...بصت جنبها ملقتوش...دعكت عينيها و بصت للسقف...إلا إنها سمعت صوت غريب...دة صوت قطة! قامت إتنطرت من على السرير و هي شايفة قدامها القطة البيضا بس شكلها بقى أنضف...لمعت عينيها و كانت هتصرخ من الفرحة...للحظة نسيت التعب كله و جريت عليها و ميلت خدتها في حضنها و هي بتصرخ بفرحة!!...
ورفعت القطة بسعادة رهيبة و هي بتكلمها بصوت مليان فرحة...
زين جابك يا قطتي!! جابك عشان خاطري...أنا ھموت من الفرحة!!
جبتها إمتى!! و إزاي!
بعد الفجر كدا...كنت خاېف ملاقيهاش مكانها!!
بس دي نضفت أوي!
أيوا .. روحت طعمتها و خليتهم ينضفوها ..
و إسترسل بسخرية...
ضمتها لصدرها أكتر ف قال بضيق زائف...
م تحطيها جوا البلوزة أحسن! ولا أقولك .. بوسيها في بقها!!
والله ما عارفة أقولك إيه!! إنت مش متخيل فرحتي!! مش عشانها بس .. عشان أنا مهونتش عليك!!
مسح على ضهرها بإيد واحدة و قال بهدوء...فداك الدنيا!
إبتسمت ملء ثغرها و همست بحب...إنت دنيتي!
و بعدت عنه و رفعت القطة لوشه و هي بتقول ببراءة...بص .. بص جميلة إزاي و مقطقطة!
بص للقطة بإشمئزاز و قال..مبحبهمش...دة أنا مسكتها بالعافية!
إبتسمت يسر و قعدت على الكنبة بتلعب مع القطة...و هو دخل يغير هدومه...لبس قميص إسود و بنطلون من نفس اللون...و لما طلع لاقاها نايمة و حاطة القطة على معدتها و بتمسح على شعرها...إتافف بضيق و مشي ناحيتها بخطوات غاضبة...شال القطة من ضهرها بشكل مضحك و رماها على الأرض...ف قطبت يسر حاجبيها پغضب و قالت و هي بتكتف دراعها...
بترميها ليه!! و بعدين شايلها من قفاها كدا ليه!!
ميل عليها و قال بحدة و هو مقرب وشه من وشها...
بقولك إيه! متخلينيش أرميها مكان ما جبتها!!
كشرت بضيق و غمغمت بحزن...
ليه يعني!
بصلها للحظات...ثم رفع إيده و فرد حاجبيها و هو بيقول بإبتسامة...فكي المية وحداشر دي!!
تلقائيا إبتسمت...ف نزل بعينيه لمعدتها و رجع بصلها و قال بإهتمام...عاملة إيه دلوقتي
الحمدلله..غمغمت ب حرج و الحمرة تتشرب وجنتيها...ف إبتسم و كان هيقوم إلا إنها مسكت دراعه و قالت بلهفة...
زين!
قولي يا قلب زين..قال بهدوء و هو بيرجع...ف إبتسمت للحظات و رجعت قالت بتوتر..أنا .. أنا عايزة أنزل أجيب حاجات ليا!!!
قال بهدوء..خلاص هأجل إجتماعاتي النهاردة و ننزل أنا و إنت!!
نفت براسها فورا و هي بتقول بإهتزاز..لاء و ليه تلغي إجتماعاتك يا حبيبي...أنا هنزل و هاجي على طول!!
قام و قعد على طرف السرير ملتقط سېجارة من داخل الكومود و أشعلها بقداحته و نفث دخانها و قال بهدوء زائف...مافيش نزول لوحدك!
قامت وقفت قدامه و قالت برجاء...زين عشان خاطري آآ!!!
قطع عبارتها و قال بحدة...
مش عايز مناقشة في الموضوع ده يا يسر!!
قعدت على الكنبة تاني حاطة وشها في الأرض بحزن بتفرك أناملها اللي بتترعش...ف إتنهد و قال و هو فاتحلها دراعه اليمين و قال بهدوء...
تعالي يا يسر
راحتله قعدت جنبه فقال لها بصوت هادي عكس اللي في قلبه من نيران متقدة من خوفه عليها...
أنا بخاف عليك يا يسر!
