رواية امل الحياه الفصل الثالث عشر 13 "بقلم يارا عبد العزيز"
انج برت عليها
روان بصيت لكريم بحب واتكلمت بهمس
..انت بتاعي انا وبس هي اللي دخلت حياتنا من الاول والبادي اظلم .. متزعلش نفسك يروحي
كملت وهي بتمسك ايديه وبتطلع بيه شقتهم
دخلت الشقه وقفلت الباب وكريم كان شبه مغيب تفكيره كله لحياة وهل هو فعلا ظلمها ولا اللي حصل كان مجرد رد فعل لم وت ابنه على ايديها
فاق من شروده على روان اللي بتقرب منه.
بصلها وسكت
قالت روان بتملك
..انا بحبك اوي اوي يا كريم ووعد مني اني هنسيك كل حاجه حصلت وهعوضك عن الطفل اللي انت خسرته بعشره احسن منه
كريم بصلها وابتسم واتكلم
..طب ما يلا نجيبهم
قال كلامه وقرب منها وهي كانت مبسوطه جدا بانه بقى ملكها هي لوحدها وان اخيراا حياة طلعت من حياتهم
حياة كانت ماشيه بمامتها مش عارفه تروح فين مش معاها فلوس حتى تركب تاكسي
بصيت لمحل دهب كان موجود على الطريق
بصيت لسلسه كانت في رقبتها كان محمود اللي جايبهلها
..انا اسفه يا ابيه بس مفيش قدامي حل غير دا عشان على الاقل ادور على مكان حتى لو بسيط نعيش فيه انا وماما
قالت كلامها وبدأت تخلع السلسله من رقبتها تحت نظرات الدموع من فردوس
..دي سلسله محمود يحياة
حياة بدموع
..معندناش اي حل غير كدا يا ماما ربنا يرحمه يا رب
دخلت محل الدهب وباعتها بالم .. وكأنها بتبيع جزء منها
دخلت الشقه بتعب وهي بتفكر في حياتها الجايه
بس حاولت تبقى اقوى عشان والدتها وعشان نفسيتها
حياه بفرحه مصطنعه
..جبت كل الاكل اللي انتي بتحبيه هروح اجيب اطباق بقى وناكل سوا مروقه عليكي اهو يدوسه عدي الجمايل
كانت لسه هتمشي بس فردوس مسكت ايديها
..مفكره انك تقدري تداري دموعك عني يبنت بطني دا انا بعرفك اكتر من نفسك
..تعرفي ان أنتي الحاجة الوحيده اللي مخليني عايشه خليكي قويه يا ماما عشاني انا والله ما هقدر استحمل انتي كمان الم وت ياخدك مني انا مبقاش ليا غيرك
فردوس بدموع وهي بتربط على ضهرها بحنان
..انا عمري ما هسيبك يحبيبتى وهفضل العمر كله معاكي لحد اما اسلمك لي اللي يستاهلك بجد
حياة مسحت دموعها وبصتلها بيأس
..و دا مين اللي يرضى يتجوز مطلقه وكمان مبتخلفش خلينا واقعين يا ماما وبعدين انا اصلا مش عايزة اتجوز انا هفضل معاكي انتي وبس هروح انا بقى اجيب اطباق عشان انا واقعه من الجوع ماشي
فردوس هزيت راسها ودخلت حياة جابت اطباق وكلوا وفضلت فردوس جنب حياة صاحيه طول الليل لحد اما حياة نامت قب لت راسها بحب واتكلمت بحنان وهي بتحرك ايديها على شعرها
..يا ترى الدنيا مخبيلك ايه تاني يبنت بطني لسه سبعتاشر سنه وعيشتي دا كله اتمنى ان حياتك الجايه كلها تبقى سعاده وعوض عن كل اللي عشتيه
مر شهرين والفلوس اللي مع حياة بدأت تخلص وبقيت مش عارفه تعمل ايه حتى دروسها بطلت تروحها عشان توفر فلوسها وبقيت بتذاكر من البيت
كانت قاعدة وماسكه تلفيونها
