مكتوبة على اسمي الفصل الثلاثين 30"بقلم ملك ابراهيم"

شريف كان بيضحك و اخد العقود بتاعهم من عامر و قال اتفضلوا على مكتبي و انا جاي على طول  
آيات بصت ل عامر پغضب و خرجت مع هاجر و عامر ضحك اول لما آيات خرجت و شريف أتكلم معاه و هو بيضحك و قاله هو ايه اللي بيحصل ده  
رد عامر و هو بيضحك و قاله عايزة علاقتنا في الشغل تكون رسمية  
اتكلم شريف و هو بيضحك و هي كده رسمية  
عامر ضحك و هو بيفتكر ردود آيات عليه و بص ل شريف و قاله عايزك تكلم المحامي بتاع الشركة يقولنا ايه الاوراق المطلوبه عشان آيات تدخل الجامعة في العام الدراسي الجديد  
شريف بصلة بدهشة و سأله آيات حابه تدخل الجامعة
عامر هي مطلبتش مني بس انا عارف ان نفسها تكمل تعليمها و انا مش حابب انها تشتغل دلوقتي عايزها تعيش سنها و تعوض اللي انا حرمتها منه تدخل الجامعة زي البنات اللي في سنها و تكمل دراستها و بعد كده تشتغل برحتها  
قام عامر و قف و بص من النافذة اللي خلف مكتبه و قال انا لسه حاسس بالذنب اتجاهها يا شريف و آيات مبقاش لها حد غيري دلوقتي و مسؤولة مني عايزها تحقق كل اللي بتحلم بيه و متحسش في أي لحظة انها اتظلمت لما اتجوزتها و هي صغيرة 
وبص ل شريف و قاله بحزن حتى انا اوقات بفكر اننا لما اتجوزنا هي مكنش عندها اختيار الرفض يمكن و قتها كانت مجبرة على الموافقة  
شريف بصلة بدهشة و قال انا شايف ان تفكيرك راح لبعيد يا عامر و اضح ان آيات مبسوطة معاك و الا كانت طلبت الطلاق و عندها عمها كانت تقدر تروحله  
عامر برفض لا يا شريف آيات مش عايزة ترجع البلد و عايزة تعيش هنا و تحقق احلامها و لتاني مرة ميبقاش عندها اختيار غيري  انا عايز اساعدها تحقق كل احلامها و يبقى عندها اختيار القبول او الرفض لعلاقتنا مش عايز اكون اناني معاها و افكر في نفسي بس  
شريف رد بثقة انت عمرك ما كنت اناني يا عامر و عمرك ما فكرت في نفسك و دايما تفكر في سعادة اللي حواليك و بتمنى من قلبي ان آيات تفهمك و تقدر اللي بتعمله عشانها انا هروح مكتبي اسلمهم شغلهم الجديد و انت حاول ترتاح من التفكير ده شويه انت كمان ليك حق علي نفسك  
وخرج شريف من غرفة مكتب عامر و عامر بص قدامه بشرود و همس اوعدك يا آيات اني اساعدك تحققي كل أحلامك  
رواية مكتوبة على إسمي بقلمي ملك إبراهيم في مكتب شريف  
هاجر و آيات قعدوا مع بعض في انتظار شريف و هاجر اتكلمت معاها بستغراب هو ايه الجنان اللي حصل جوه ده  هو انتي و عامر مټخانقين 
ردت آيات بغيظ شوفتي يا هاجر بياخدني علي قد عقلي و يقولي تعالي اشتغلي في الشركة بتاعي و دلوقتي بيعمل ايه  
اتكلمت هاجر بدهشة انا مستغربة هو ليه عمل كده   
وفجأة ضحكت و قالت بس تصدقي هو دمه خفيف مش هنكر  
آيات بصتلها پغضب و قالت اللى انتى شوفتيه جوه ده خفت ډم   
ردت هاجر و هي بتضحك بصراحة اااه  بس انا مستغربه ليه عمل كده  
اتكلمت آيات بتوتر اصل انا طلبت منه ان مفيش حد في الشركة يعرف اني مراته و يتعامل معايا برسمية