رواية عهد الاسود الجزء الثاني الفصل السابع 7"بقلم زهرة الربيع"
رساله...انا علشان كده كنت مصر اجوزك واحده من بناتي ولو ما وافقتش على روز كنت هجوزك عهد ..لانك لو ناسبتني يبقى ده اعظم انجازاتي لما ابقى بجوز بنتي لشاب زيك واخد ربايه البيت كله لوحده
فارس ابتسم وضرغام قال.. هو كمان مش هيلاقي زي بناتك انا من اول ما خلفتهم وانا ناوي اناسبك
اسد قال بضحك.. انا لو ينفع كنت جوزتهملو الاثنين على الاقل اطمن عليهم مع شاب زيه
فارس بص لطيفه بحزن واسامه كمان اتنهد لانه عارف ان ابنه الوحيد بيفكر في روز
عند جبران وقف العربيه عند نايت كلب وقال... اسمعي الراجل هنا هياخدك تروحي معاه فورا من غير نقاش سمعاني
حنين قالت پغضب... لا لا مش رايحه في اي حته وهصوت وهلم عليك الناس
جبران ضحك جامد وقال.. ناس ايه اللي هتلميها هنا انتي لو صوتي هنا مش هتلمي غير معجبين... يلا متتعبنيش معاكي مش كل حاجه اقولها تقولي لا...اقولك خلينا ننبسط سوا ..لا ...طب ابوكي يرجع الفلوس ..لا ..طب قلبي رزقك وادفعي انتي حاجه من اللي ابوكي اخذها برده ..لا ..تقدري تقوليلي اعمل بيكي ايه اعراضك في متحف.. انا مش فاهم انتي متخيله ايه مش كفايه انا جبران الغول معايا مزه من ثلاث ايام مش عارف اظرفها بوسه واحده حتى.. يلا خلصيني
جبران ابتسم بخفه ومد ايده وقال... اه صحيح متعرفناش انا جبران الغول وانتي
قالت بصوت واطي..حنين
جبران اتنهد وقال ...اسمك حلو وانتي كلك حلوه..واتغيرت ملامحو فجأه وقال...بس الرغي مش حلو خلصينا يلا ..انزلي
حنين قالت بدموع... يا استاذ جبران انا مش هعرف اعمل كده والله ما هعرف..شغلني اخدم في اي بيت او اعملك اي حاجه ..هشتغل تمام بس مش هينفع الشغلانه دي والله مش هقدر
حنين قالت ببكا... انا مش هقدر مش هعرف انا خاېفه قوي
جبران بصلها پحده لما قالت كده وقال پغضب .. متقوليش خاېفه دي قدامي.. فاهمه ..متقوليهاش خالص.. واحتضن خدودها بايديه وقال وهو بيبص في عيونها... مينفعش تخافي.. كلمه خوف دي ما بتمشيش مع الحياه ..يعني يا تخافي..يا تعيشي.. فهمتي يا حنين اوعي تخافي..و بص قدامه وقال بحسره ..انزلي يا حنين وخدي بالك من نفسك
جبران حاول يصتنع الامبالاه زي العاده وقال... ايه يا بت هتسيبني دي ..هو وانا خطيبك اخلصي ما تافوريش
حنين نزلت وخبطت الباب پغضب وقالت ..تمام..انا هتصرف لوحدي غور في داهيه
جبران بصلها بزهول وقال.. اغور.. وفي داهيه كمان ماشي وبصلها من فوق لتحت وقال بمعاكسه...حقك يا مفتري ..تبيع وتشتري..قال كده ومشي بالعربيه وسابها واقفه بتبص لطيفه بدموع
في القصر غالب كان هيتجنن من كلام اسد عن اخوه ومن طريقة دفاع وعد عنه كان رايح جاي قدام اوضته واول ما شافها جايه دخل الاوضه واقف ورا الباب
وعد كانت رايحه اوضتها واول ما وصلت عند اوضتو فتح الباب وشدها بسرعه وقفل الباب تاني
وعد بصتلو بدهشه وخوف وقالت..عايز ايه ..اوعى افتحلي الباب
غالب بصلها پغضب وقال.. يا ترى انت كمان رايك من راي ابوكي وعاجبك الاستاذ
