رواية عهد الاسود الجزء الثاني الفصل الرابع عشر 14 "بقلم زهرة الربيع"

تحاول تسيطر على نفسها علشان حالة والدها وقالت...بابا ده قدر..لن يصيبنا الا ما كتب الله لنا..لو سمحت متعملش في نفسك كده..مش قادره اتخيل اني اكون السبب في حالتك دي
بصلها بكسره وحزن ودموعه بتنزل بغزاره وقال...هتعديها يا بنتي انا عارفك قويه وهتعديها
ابتسمت بالعافيه وقالت...بس انا حاسه اني مش هعديها ابدا..وحاسه اني مش قويه اصلا..بابا..بابا هو ايه الي هيتم..ها..ايه...هو احنا..احنا هنعمل ايه بعد كده
اسد نزل راسو في الارض ودموعه مش قادر يوقفها وقال..هو..هو في الحالات دي..مفيش غير..غير حل واحد..و..وانتي عرفاه يا وعد..علشان محدش يتكلم عنك..هو ...هو ممكن نرفض...بس كده..كده انتي مش هينفع تتجوزي اي واحد..الا لو قولتيله...كمان تبقى مصېبه لو اكتشفنا حاجه بعد فتره لا قدر الله
بقت تبكي بقوه وقالت بصوت مهزوز..يعني ...يعني هتجوزو..هتجوزو برضو...اتجوز ده...انا...انا ااااااه ياااارب...يارب انت اولى بيا
وبقت تبكي بشده اسد حضنها بقوه وقال بسرعه ودموع..بس يا قلبي...بس يا حببتي لا لا متعمليش في نفسك كده..لا لا انا لسه عايش لسه معاكي قولي الي انتي عيزاه ومش هيهمني لا كلام الناس ولا اي مخلوق...لو عايزه تسجنيه حالا اكلملك المحامي انا ميهمنيش الا انتي يا وعد..ارجوكي متوجعيش قلبي يا بنتي
وعد بقت تبكي في حضنه وقالت بدموع والم...هتقدر يا بابا..هتقدر تحبسو...ده ابن ضرغام..
اسد نزلت دمزعه بۏجع شديد وقال بصوت مهزوز...وانتي بنتي ومعنديش اغلى منك..
وعد طلعت من حضنو وهيه بتبصلو بابتسامه وقالت بدموع..وانت ابويا حبيبي ..ومش هقدر احطك في الموقف ده..ولا هقبل تيجي سيرتك وسط الناس بطريقه وحشه سواء انت او اختي مش هقدر اشوفك مكسور اكتر من كده
بصلها بدموع وقال..قصدك ايه
بقت تحاول تنطق وقلبها بيتقطع حرفيا وقالت...هتجوزو...بس عيزاك معايا..واهم حاجه اني مش هفضل معاه في مكان ابدا هنتجوز قدام الناس بس بعد كده هو في اوضتو وانا في اوضتي لحد ما نعدي فتره ونطلق فورا
اسد قال بدموع ..من غير ما تقولي انا يستحيل اخليه يجي ناحيتك او يقربلك تاني حتى لو هنام معاكي في نفس الاوضه بس ..بس انا عايزك تفكري تاني القرار ده صعب و
وعد قالت بدموع..القرار ده اصعب قرار مر عليا..واسوء حاجه ممكن اعشها اني ارتبط بالبني ادم ده حتى لو بالأسم..لاكن انا مقدرش ابقى انانيه واروح ارفع عليه قضيه..ماما عهد ممكن تروح فيها..وبابا ضرغام ملوش ذمب...وهيتجبر يقف مع ابنو ..انت كمان هتتجبر تقف معايا..وانا مستحيل اخليك تقف في وشو في المحاكم بسببي..اطمن يا بابا انا هكون بخير..وهعديها..ربنا بيصبرني وديما بيقف معايا وانا واثقه فيه
اسد ابتسم بدموع وباس جبينها وقال ونعم بالله يا بنتي ..وخرج من عندها وهو مكسور حرفيا حاسس انو مقدرش يحميها لاول مره اتمنى لو وافق طليقتو واخدهم وسافر وبعد عن كل ده
عند روزان كانت پتبكي جامد في اوضتها على الي حصل وجيه نديم ودخل الاوضه