رواية عهد الاسود الجزء الثاني الفصل 1: 12 "بقلم زهرة الربيع"
تخيطي كل الثقوب الي فيه على اقل من مهلك
شوق ضحكت وقالت انت مفيش فايده فيك ونزلت عند ليالي
اول ما نزلت اسامه اخد نفس و مسك التليفون وطلع رقم جبران كان اخدو من غالب واتصل وقال..الو..جبران الغول...اهلا بيك معاك اسامه الثابت
اما وعد فكانت طالعه على السلم وقف قدامها غالب وقال بسعاده...لقيت حل لموضوعنا
وعد بصتلو پخنقه وقالت .ياااه لقيت حل لموضوعنا..ده انا لسه بحاول الاقي موضوعنا ده اصلا
قال كده وسابها واقفه بتبص لطيفه بزهول وخوف ومش فاهمه ناوي على ايه
قلبها كان هيقف من الخۏف وقالت..يخرييتك احسن حد يشوفنا يا لهوي منك .. هجيلك بالليل تمام هجيلك بالليل والله
عهد_الأسود_الجزء_الثاني_9
لحسن يشوفونا هجيلك بالليل والله هجيلك بالليل
بس سمعو صوعهد_الأسود_الجزء_الثاني_9
لحسن يشوفونا هجيلك بالليل والله هجيلك بالليل
بس سمعو صوت يعرفوه كويس بيقول من وراهم
تجيلو فين ..ايه الي بيحصل هنا
بصو وراهم بخضه وكان غالب روز خاڤت جدا وكانت هتقع من طولها من الړعب والكسوف ونديم قال بسرعه وتوتر..ابدا يا غالب.. هيه..هيه معاها درس عيزاني اشرحهولها و...وبقولها مش فاضي دلوقتي فبتقولي هجيلك بالليل
ومشي وهو بيصفر ببرود
روز بقت نبكي وقالت..انا روحت في داهيه مصدقناش مصدقناش وبقت تبكي جامد
بس روز دفعت ايده پغضب وقالت...كل ده بسببك قولتلك مية مره بلاش تكلمني في مكان ممكن حد يشوفنا فيه.. بس مبتفهمش مش هترتاح غير لما اتفضح
روز قالت بدموع...يا نديم انا خاېفه بابا يعرف مش هيسامحني انا خاېفه اوي وانت وعدتني مش هتخليه يعرف الا لما نقنعه
نديم اتنهد وقال پغضب مكبوت..وانا جبت اخري يا روز...ومش هقدر اكمل في وعدي ليكي..انا بمۏت من وقت ما اعلن ارتباطك بفارس هتجنن...بكره هتتعمل الحفله وهيكون فيها جمع كبير هطلبك من ابوكي قدام العلن وهترجاه قدام امة لا الاه الا الله كلهم ..لو وافق كان بها..موافقش هعلن جوازنا قدام الكل و الي يحصل يحصل
عند جبران كان راجع هو وحنين على شقتو لما جالو اتصال اسامه رد وقال.. الو
اسامه قال.. جبران الغول ...معاك اسامه الثابت
جبران وقف العربيه بسرعه في نفس اللحظه واتسعت عنيه بزهول وقال بابتسامه مرعبه...يا اهلا بيك...يا اسامه بيه
جبران استغرب جدا بس قال بسرعه ..اكيد..اكيد هاجي مدام اسامه باشا بنفسو الي دعاني..انا حابب اوي اتعرف عليك...حاسس اننا هنتفاهم اوي ..وكمل بټهديد وقال...يمكن استفاد من خبرات الماضي الي عندك
اسامه فهم انو بېهددو ضحك بسخريه وقال..اكيد ولو حابب تاخد دروس كمان انا جاهز..في انتظارك يا ...يا ابن الغول
بقلم...زهرة الربيع
قال كده وقفل وجبران بقى يبص قدامه پغضب وفضل يفكر يا ترى دعاه ليه
حنين بصتلو وقالت پخوف..مين ده الي قلب ملامحك كده
جبران بصلها من فوق لتحت بتقييم وقال..مش بطاله
قالت باستغراب..هو ايه الي مش بطال
جبران قال بسخريه...بتكلم عنك...اصل انا رايح حفله مهمه ومينفعش شاب كاريزما زيي يروح فاضي كده لازم اخد حاجه حلوه في ايدي
حنين قالت بسرعه....لو عايز حاجه حلوه خد شيكولاته من عند العبد بيعملها جنان من الي بيبقى جواها زي رز مسلوق كده ..انا كنت مره بشتغل عند ناس اكابر وجابو منها و
بس قطعت كلامها لما لقتو بيبصلها بزهول وقالت بارتباك ..في ايه مبتحبهاش
جبران قال بدهشه ...شيكولاته اه...ومن عند العبد...لا بقى منين ده سعره غالي قوي
حنين قالت ببرائه..معاك حق كلها بتقول عنه حراق
جبران ضحك
حنين نزلت عنيها بكسوف وجبران ضحك قال...انا لما بقول هاخد حاجه حلوه اكيد مقصدش حلوه بالمعنى الحرفي...انا قصدت اني عايز مزه معايا..وحاليا مفيش امز منك
حنين بصتلو بزهول وقالت ...انت عايز تاخدني انا معاك
جبران ابتسم بسخريه وقال..شوفتي الدنيا...ابسطي هتاكلي تاني شيكولاته محشيه رز مسلوق ...وبصلها بسخريه وقال..بس طبعا
هتحتاجي تعديل الاول
في القصر بالليل كانو عهد وروز
قاعدين في اوضتهم ومعاهم ليالي وتاره كلهم متجمعين بفرحه برجوع ليالي
ليالي كانت بتبص في البوم صور كبير ليهم وقالت...والله زمان ما اجتمعنا الجمعه الحلوه دي يا سلام عليا وانا هطلق الليله وانا قاعده واثقه في نفسي كده
عهد ضحكت وقالت..اهوز بالله يا بنتي ليه كده
ليالي قالت..يا بت ده انا مطنشه الراجل من ساعه ما جيت وقربنا على نص الليل وسيباه لوحدو مش كفايه عليه اسامه ..ده يا عيني طلع اوضة غالب من المغرب من كتر ما ضايقو
كلهم ضحكو الا روز كانت قاعده بحزن
ليالي بصت لها وقالت..يا بنتي من ساعه ما قعدنا وانتي قاعده زي الي خانقين امك فيه ايه
تاره ضحكت وقالت بسخريه..هيكون فيه ايه...عايزين يجوزوها لتأتأه وشكلو مش عاجبها
روز قالت بضيق..تاره..فارس انسان كويس ومش مسألة انو مش عاجبني
ليالي خبطت كتفها في كتف روز وقالت بمشاكسه..امال مسألة ايه..الحبيب القديم مش كده
تاره ضحكت وقالت..هو فيه غيرو ...حقها بصراحه الواد اخونا ده مز
ليالي كان قدامها الالبوم بتاع الصور وصوره فارس ونديم قصاد بعض قالت... طبعا معاها حق.. وبصت لصورة نديم وقالت..بقى حد يسيب القمر ده...علشان القمر ده قالت جملتها الاخيره لما بصت لصوره فارس الجميله واتنهدت وقالت ...حاجه تحير بصراحه واحد فروله والتاني منجا
تاره قالت بضحك..انا لو مكانها اعمل كوكتيل
ليالي ضحكت ودقو كفهم وروز مسكت المخده وبقت تضربهم التنين بغيظ وضحك
في الاوضه الي جمبهم كانو الشباب مجتمعين في اوضه غالب ..هو غالب وفارس ونديم ومعاهم مرتضى الي كان ماسك تليفونو وقال...صحيح يا فارس سمعت انك هتتجوز بنت اسد والله فرحتلك على الاقل اسد هيبقى حماك..مش زي انا وقعت في اسامه اللي عامل فيها جوز امي
فارس ضحك وغالب ابتسم وقال...ده لانك سايبو يطيح فيك...اسمع مني ومتتساهلش معاه احنا عيله بنحب السك
فارس قال بسرعه وضحك..لا طبعا اوعى تعمل كده هو بس بيحب ليالي زياده و
بس غالب قاطعو وقال بسخريه...ايوه اسمع من فارس ده استاذ في اللف والدوران وهيظبطك
فارس بصلو باستغراب ولسه هيرد نديم قال پغضب..لا وتافه ومعندوش مبدأ وجبان كمان
فارس بقى يبصلهم بزهول وقال..فيه ايه يا نديم طب غالب ودي طبيعتو.. انت ايه الي جرالك بقالك يومين مش بتتكلم معايا كويس خالص
نديم مردش وبقى يطلع هدوم ومتجاهلو.. وغالب ابتسم بسخريه وقال..معلش اعزره اصل دماغو مشغوله.. بيدي دروس اليومين دول ربنا يعينه
نديم بصلو بضيق وسكت وفارس لسه هيسأل مرتضى نفخ بغيظ وقال..يلا بقى اااوف
غالب قال..فيه اايه يلا كل شويه تنفخ هتحرقنا
مرتضى قال..ليالي بقالها ٣ سعات في اوضه البنات ونسياني خالص...انا هتجنن حتى مبعتتش رساله
غالب ضحك جامد وقال رساله..يا حنين ..هو انت ازاي سايبها كل ده على راحتها يعني
مرتضى قال.. هعمل ايه يعني بقولك مع البنات هروح اخبط عليهم يعني منظري هيبقى وحش.. لو مكاني هتعملها
بصلو بدهشه ونديم ضحك على جملتو
غالب اختفت ابتسامتو وبص لفارس پغضب وقال..لا هو مش بېخاف عليها ولا حاجه هو عايز يلاقيلها نسخه من فارس بيه الي عاجبه قوي
نديم بص لفارس پغضب وقال..معاك حق..ابقى فكرنا ناخدو ننسخهولو يمكن ينبسط
فارس اتنهد پخنقه وقال... تصبحو على خير
وراح ينام بضيق شديد
ومرتضى اتنهد وقال بهمس حرام عليكم والله
في صباح يوم جديد كان العمال ومهندسين الديكور بيجهزو للحفله واسامه بيشرف عليهم وقال بدهشه ..مين الي قالكم تعملو الواجه المقرفه دي
العامل قال ..اسد باشا يا فندم
اسامه قال ..يا حبيبي حد يسمع كلام محاسن برضو روح شيل يا بني انا عندي الضغط
اسد سمعه وقال
بعند ..والله ما يتشال يا اسامه لاقلعلك ملط في قلب الحفله وابوظهالك
ضرغام ضحك واسامه قال ...وعلى ايه سبهالو يا ابني الاخرين ذمبهم ايه يشوفو المنظر ده...بدل ما نجبلهم رقاصه تقلعلهم ده حسن الضياعه برضو
اسد قال بسخريه..وتجيب رقاصه ليه وانت موجود دي تيجي
اسامه لسه هيرد ضرغام قال... سيبك من اسد تعالى عايزك
اسامه مشي معاه وضرغام قال...ها هيجي مش كده
اسامه قال كلمتو امبارح وجاي المهم تعمل زي ما قولتلك بالظبط عايزين غالب ميطقش يبص في وشو من غير ما يقرب لها ابدا متنساش انو عمها ..ومش لازم يعرف انها بنت اسد علشان يحاول يعاكسها تمام ..وخد بالك ابنك مچنون يعني تعرف توقفو قبل ما يصور قتيل
ضرغام قال..متقلقش دي عندي وربنا يستر
بالليل كان جبران جاب هدوم ومكياج وكل المستلزمات لحنين وواقف مستنيها بره وبيشرب وبيسمع ميوزك
خرجت من الاوضه واول ما سمع خطواتها بالكعب ابتسم وبصلها واتجمد مكانو من جمالها الي كان مدفون في البس البالي المتبهدل
كانت لابسه دريس سواريه لامع شويه باللون الاسود ومفتوح على كتف واحد ولابسه عليه طقم الماظ على رقبتها الجميله ورافعه شعرها مع مكياج هادي وطله نجنن
فضل باصص لها شويه وقال..احم..البت حنين جهزت ولا ايه
حنين ابتسمت وقالت...انت كمان ..احم..انت كمان كاريزما اوي
..يلا
ومسكها من ايدها ونزل بيها
في القصر كانت الحفله ابتدت من زمان والجميع وصل وضرغام كل شويه يبص لساعته بزهق وقال...شكلو مش هيجي
اسامه شرب الكاس بتاعو وقال بسخريه متقلقش هيجي بس بيتقل عايزنا نستناه.. المهم كل حاجه جاهزه
اسامه قال جاهزه متقلقش
في الحفله كانت روز ھتموت وتكلم نديم وتمنعو من الي عايز يعملو ومش عارفه تقابلو خالص وكل ما تيجي تكلمو يكون معاه حد كانت هتتجنن من القلق
وتاره كانت لابسه فستان قصير وبترقص عادي مع اي حد يطلب الرقص معاها وفارس كان بيبصلها من بعيد بضيق شديد وغيره اشد
اما غالب فكان مشغول بملاكه الي قاعده على زاويه مع ستات كبار مش من سنها كلهم صحبات عهد وشوق وبتضحك معاهم وغالب كان متابعها بعنيه بابتسامه
اما نديم فكان مصر على الي في دماغو
وليالي طبعا بترقص مع مرتضى بفرحه وبيضحكو سوا وكانت دي اجواء البدايه لليله كارثيه حرفيا
اسامه كان واقف مع شوق وبيهمس لها وبيضحك لما دخل جبران وسلم على ضرغام بابتسامه مستفزه
ضرغام سلم عليه بضيق وقال بصوت عالي اسامه...ضيفك وصل
اسامه التفتلو وفضل يبصلو وهو واقف مكانو كان فيه شيئ غريب في الشاب ده لفت انتباهو زي ما يكون يعرفو او شافو قبل كده ارتبك شويه
