رواية عهد الاسود الجزء الثاني (الفصل 1 الى الفصل الواحد والثلاثون 31) بقلم زهرة الربيع
الكلام ده كانو صغيرين وقتها ضحك وقال...يا ابني ده كان كلام عيال...وبعدين انا فعلا فكرت قبل كده لو هتجبر اتجوز واحده منهم تبقى وعد لانها متدينه انما مش بحبها لا هيه ولا اختها
غالب وقال بسعاده...مش بتحبها يعني لا هيه ولا اختها...والله انا كنت حاسس انك اخويا
روز كانت في اوضتها وپتبكي على الي حصل وليالي قالت بضيق..روز يا حببتي كفايه بكا علشان صدعتيني ده اولا وثانيا مش ناقصه كئابه ياحببتي لو عندك طاقه مكبوته انزلي هاتيلك طبقين محشي ماما عملاه جنان كده وفرغي فيهم كبتك هترتاحي وهنرتاح من زنك ده
اتنهدت وبصت لوعد الي مكانتش تنطق ابدا وجاتها فكره وقالت بخبث ...هو باباكي كده عصبي وبيكبر الامور
هنا اخيرا وعد نطقت وقالت بصوت ضعيف ...الامور اصلا كبيره..وبابا مغلطش كان حقو انتي كمان يا روز لانك سمحتيلو ..بعيدا عن انو مناسب اولا وبعيدا عن انك مرتبطه حاليا بفارس بعيدا عن كل ده الي حصل
ليالي ضحكت وقالت..والله انا كنت متأكده ان الموضوع ده هيحرك لسانك طبعا انتي معاكي حق فعلا غلط وحرام بس انا قولتلها كده علشان اسمع صوتك الي وحشني
وعد ابتسمت بحزن وسكتت وليالي قالت ..يالللهوي دي سكتت تاني طب اقوم ارقصلك علشان تتكلمي ولا اعمل ايه
ليالي قالت بتفكير..مرتضي..حاسه سمعت الاسم ده..اااه قصدكو الجدع الي جه معايا تصدقو انسيتو من كتر مشاكلكم
عند غالب طلع من اوضة اخوه بسعاده بعد ما عرف انو مش بيفكر في وعد ..ولسه هينزل جاتلو
مكالمه من جبران رد بسرعه وقال..ايه حكايتك يلا انت كمان خاضضني عليك وتليفونك مقفول بالساعات
غالب قال بزهول ..هربان من مين
جبران اتنهد وقال... موضوع طويل المهم انا محتاج هدوم..واكل من امبارح مأكلتش ومحتاج فلوس كمان يا غالب..احم..اكيد هرجعهملك و
قاطعو غالب وقال..بلاش هبل يلا بس انت قلقتني عليك..على العموم هجيلك قولي على كل الي هتحتاجو
في اوضة البنات دخلت تاره پغضب وحزن وكانت الدموع في عنيها
ليالي اتنهدت وقالت..هو انا امتى خلفتكو ونسيتكو يا سنيني السوده..مالك انتي كمان
تاره قالت پغضب..ياريت محدش يكلمني خالص
ليالي اتنهدت وقالت..يعني يا ربي بقالي ساعه عامله ارجوز لبنت عمك ولما ربنا هداها شويه تيجي انتي
تاره بصت لوعد پحقد وقالت..وتعمليلها ارجوز ليه...انتو حقكو تباركولها..دي فرحها بيتحدد خلاص
ليالي قالت بسرعه..تاره.
تاره قالت پغضب..ايه خايفين على احساسها لا متخافوش..هيه مبسوطه اوي كده بس اكيد مش هتقولكم علشان متبوظش خطتها
وعد كانت مصدومه وروز قالت پغضب... تاره عيب كده
بس تاره كانت مضايقه جدا و كملت وقالت..عيب..ههه..انتو بجد بتصعبو عليا فاكرين ان لما تجيب رجل واحد زي غالب وخلاص هتجوز هتبقى زعلانه..دي لولا الملامه ترقص دلوقتي. تلاقيها اصلا هيه الي مخططه لكده
هنا وعد وقفت وقربت منها وهيه بتبصلها جامد وقالت پغضب رهيب..اسحبي كلامك ده يا تاره
تاره بصتلها بتحدي اكبر وقالت..مش هسحب حاجه انتي متقدريش تضحكي عليا..انا متأكده ان كل الي حصل انتي قصداه واكيد مكانش مغمى عليكي وكنتي مبسوطه بالي بيحصل
هنا وعد وشها احمر بشده من الڠضب وقالت بطريقه مرعبه...قولت اسحبي..كلامك...ياتاره واخرسي
تاره قالت پغضب اكبر ... وانا قولت لا ومبروك يا عروسه عريسك لوحدو في الأوضه لو حابه تروحيلو واهو
بس قطعت كلامها لما وعد جابتها من شعرها پغضب وقعتها على الارض وهيه جامد وبتقول بصړاخ..ياحيواااااانه ..اسحبي كلامه. .بقولك..يلا اعتذري يلاااااااا
جم شوق وعهد جري على صوتهم وغالب كان جمب الاوضه دخل بسرعه والكل اټصدمو بالمنظر ..وغالب اتقدم على وعد بسرعه ووووووو
عهد الأسود الجزء الثاني 17
تلاقيكي كنتي مظبطه علشان تتجوزو برائتك دي ممكن تمشي مع الكل إلا انا
هنا وعد جابتها من شعرها وفقدت اعصابها جدا كانت موقعاها على الارض وبتقول..اعتذررررري اهتذري بقولللللك
هنا دخلت شوق وعهد وبقم يحاولو يبعدوها عنها.. وتاره كانت مش قادره تبعدها بقت في حالة انفعال غريبه
دخل غالب واټصدم بالمنظر عمره ماشافها كده جري بسرعه سحبها بسهوله طبعا وبعد بيها وهيه بتبص لتاره پغضب وبتزعق وتقول..يا تاره لو قولتي كده تاني انا اصلا مبقتش طايقه وفلتت من بين ادين غالب وهجمت عليها تاني وهيه بتصرخ وبتقول..بقولك اعتذري انطقهيها يلاااااا
تاره كانت پتبكي جامد وقالت وهيه بتشهق..اسفه..اسفه خلاااص
غالب كان بيبصلها بزهول وجري عليها تاني وشدها تاني بعد بيها لاخر الاوضه وتاره امها وبقت تبكي
عهد قالت باستغراب ..فيه ايه يا وعد من امتى بتتصرفي كده يا بنتي
وعد كانت بتبص لتاره پغضب رهيب وليالي قالت ..بصراحه يا جماعه تاره غلطت معاها وقالتلها كلام ميصحش خالص
شوق بصت لتاره پغضب ومسكتها من ايدها وقالت امشي معايا عيزاكي
ليالي جريت وراها
وعهد شافت الانسب تسيب غالب ووعد سوا مسكت ايد روز وقالت..تعالي نشوفها شوق مجنونه احسن ...روز استغربت بس مشيت معاها
وعد لسه بتلتفت هتقفل الباب اصتدمت بغالب وهو سندها من وسطها بقت بين اديه واتلاقت عيونهم
وعد اټصدمت بوجودو رغم انو شدها مرتين واتكلم كمان لكن مكانتش حاسه بحاجه من كتر الإنفعال... دفعتو بكل قوتها وقالت پحده..انت بتعمل ايه هنا يا ۏسخ انت كمان
عند اسد كان بيبصلهم پصدمه وقال.. اسامه انطق اسد مين الي له اخ
اسامه قال بسرعه ..ده.. ده اسد غلبان لقيتو معدي جمب القصر وبعدين طلع له اخ ورجعتهولو متقلقش نفسك انت
اسد بصله بعدم تصديق وكتف اديه وبقى يبصلهم بضيق..وضرغام اتنهد على كلام اسامه الي مش منطقي خالص وقال...اسد ..احم...اسد كنا بنتكلم عن جبران الغول ...ابن عمك...هو..هو احنا من فتره كده عرفنا ان صفوان مش بيخلف وان الولد ده ابن النعمان ..يعني هو..هو اخوك
بقلم...زهرة الربيع
اسد بصلهم بزهول وقال..اخويا..ههه..طب انتو مخبين عني ليه يعني مفهمتش
ضرغام قال ..احم..انا الي كنت مخبي
خۏفت لما تعرف انو اخوك تتكلم معاه ..والولد ده زي ابوه وبيكرهنا اوي وانت عارف اني بخاف على علاقتنا ازاي
اسد اتنهد وقال..شوف يا ضرغام..انا لو طلعلي 10اخوات طالما ابوهم هو الراجل الي اسمو النعمان ده فمش هيفرق معايا انا بطلت اعتبره ابويا من وقت ما عرفت انو امي واي حد من دمه بكره ومش هيأثر فيا مهما قال عنكم..ولاحد منهم يقدر
يخلينا نخسر بعض
ضرغام ابتسم بسعاده لما قال كده بس اسد ملامحو اتغيرت وقال پغضب ..بس فيه بقى الي مننا هنا وهيخسرنا بعض قريب ..ابنك الحيوان ده وقف قدامي واتحداني
انو مش هيسيب البنت في حالها انا هجوزهالو..بس الجوازه دي هتبقى على ضمانتك انت يا ضرغام..واقسم بالله لو ما اطلقت وقت ما انا احدد لاخربها يا ضرغام وحتى انت مش هعملك حساب وصلت
قال كده ولسه هيخرج بص لاسامه پحده وقال..وانت لاخر خلي ابنك بعيد عن روز البنت مخطوبه واخلصنا ..مش هفضل حارسهم انا بقى بقت عيشه تقرف قال كده وخرج وسابهم واقفين بزهول اسامه قال باستغراب..والله محاسن طلع ملوش عزيز
ضرغام اتنهد پغضب وقال..لا ليه ..بس هو ابن الكلب الي اسمو غالب مش جايبها لبر ..وهيخسرني البيت كلو انا عارف ..وانت كمان كان لازم تقول اخو اسد
اسامه قال ..وانا اعرف منين انو هيسيب كل الكلام ويدخل في الجمله دي ..عامل زي العيل الرخم الي بيكون نايم وسايب امو تتزوق عشر ساعات ويحلالو يصحى اول ما الجيم يبتدي
ضرغام ضحك وقال...انت مفيش فايده فيك
اسامه قال ...يلا اهو كلو خير عرف واخلصنا
ضرغام قال... لا هو تقريبا معرفش حاجه..هو فاكره زي ما احنا كنا فاكرين انو ابن النعمان من ست تانيه..بس احنا حاليا شاكين انو ابن اختنا..تفتكر لو هو ابن راقيه فعلا ليه النعمان هيخبيه
اسامه قال..واضحه وضوح الشمس..انت وقت ما اتولد الطفل ده كنت شاكك في النعمان واتكلمت معاه كتير وتلاقيه حس انو هيتكشف..وطبعا مش هيعرف ياخد اسد مننا فيبقى معاه الولد ده يربيه واهو يضغط بيه على راقيه..لانو كان فاكر انها هتمضيلو ومش
ضرغام قال..وارد والله ..بس لو كده كان ساومها عليه ومضطرش ...على العموم انا هحاول اتأكد اذا ابنها ولا لا هحاول اعرف اذا كانت الست الي اتجوزها النعمان دي خلفت اولا
عند جبران دخل الشاليه بعد ما كلم غالب ولقى حنين بتتفرج على التلفزيون قعد جمبها واتنهد وقال..بتسمعي ايه
حنين قالت بدموع ...ده فيلم حلو قوي اسمو ساعه ونص
بصلها باستغراب وقال..طب مدام حلو بټعيطي ليه
حنين قالت ببكا وهيه بتمسح انفها زي الاطفال...اصل...اصل ياجبران الفيلم حزين اوي اوي
مسك ايدها بعصبيه وطلع مناديل وادهالها وقال وهو بيضغط على اسنانو ..فيه مناديل بيستخدموها امسكي جاتك القرف
حنين مسكت المناديل وبقت تستخدمها وترمي على الارض بفوضويه وجبران كان بيبصلها بدهشه وقال..مدام الفيلم مزعلك كده بتسمعيه ليه
حنين قالت ببكا..اصل..اصل احنا الستات كده بنبقى مكبوتين اوي ومابنصدق نلاقي حاجه نفرغ فيها الي في قلبنا
قرب منها وقال ...فيه حاجات كتيييير الواحده ممكن تفرغ فيها كبتها..غير الدراما..و حاجات حلوه اوي كمان
حنين بصتلو پحده وقالت..زي ايه
جبران بعد تاني ورجع مكانو لما بصتلو كده وقال...زي مثلا اني ممكن ارقعك على وش الي خلفوكي دلوقتي اوقعلك صف سنانك واهو تلاقي سبب تبكي عليه وتفرغي كبتك ياختي لان ده فيلم تمثيل يا هبله
حنين قالت ببكا... مانا عارفه انو تمثيل ياجبران اسكت بقى لان كل دول دلوقتي ھيموتو
كلهم ياجبران
بصلها بزهول وقال..لهو انتي كمان سمعاه قبل كده
قالت ببكا..اه سمعتو ٦ مرات وكل مره اعيط كده
جبران قال بسخريه ...حقك..مهو كمان كتير انك تسمعيه ست مرات وكل مره ېموتو برضو حاجه تقهر..ومسك الريموت قفلو وقال پغضب..لو لقيتك بتسمعي الفيلم ده تاتي او اي حاجه دراما عموما هكسر التلفويون على دماغك ..كفايه يا اختي الحزن الي احنا فيه ده احنا محتاجين حد يبكي علينا ليل نهار
حنين ضحكت بخفه لما قال كده لانها لقتو حزين فعلا قالت بابتسامه..انت زعلان ليه كل حاجه هتتحل
قال بضيق..كل حاجه كانت هتتحل لو متدخلتيش يا حنين..كان هيرجع ويطلعني زي العاده..دلوقتي انا مش عارف امتى هيلاقينا واكيد ڠضبو هيبقى اكبر...وكلو كوم وخۏفي عليكي كوم تاني..انا طول عمري قلبي قوي لان همي على نفسي وبس..انما دلوقتي بقيتي في حمايتي و انا لاول مره احتار
حنين ابتسمت وقالت..مفيش حاجه تحير الي هيرسي عليك انا معاك فيه...متقلقش عليا ..انا مطمنه معاك
بصلها باستغراب شديد وقال بسخريه..انتي اول واحده تطمن معايا
قالت بابتسامه ..انا مليش دعوه بغيري انا بتكلم عني..من وقت ما عرفتك وانت بتحميني..اول حاجه لما كنت هتاخد اختي وانا كنت ھموت من الخۏف
