رواية مكتوبة على اسمى " الفصل الخمسون 50 " بقلم ملك ابراهيم

 

عامر كان بيبصلها بنظرات كلها عشق وقال لسه زعلانة مني
آيات وهزت راسها بالايجاب وقالت اه لسه زعلانه 
وهي قالت بخجل مش عايزة حد يصالحني 
عامر ابتسم وبدأ يطلع الدرج وهما بيتكلموا وقال مفيش حد يقدر يصالحك غيري اصلا!
ردت آيات بعناد عشان مفيش حد بيزعلني غيرك اصلا 
عامر اممممم واضح اني مزعلك جامد ومهمتي هتكون صعبة  

آيات اه ومتتعبش نفسك ونزلني  
عامر كان وصل غرفته وآيات بصت حواليها وقالت بتوتر انت جبتني هنا ليه!! انا عايزة اروح اوضتي  
عامر ما هي دي اوضتك انتي هتنامي هنا من النهاردة  
آيات بعناد لا  
عامر استفزها وقال ممكن تبطلي تفكير زي الاطفال كده وتسمعي الكلام 
آيات پصدمة انا بفكر زي الاطفال!!! انت عارف انا عندي كام سنة انا عندي 20 سنه يا باشمهندس وكنت مشغله الشركة لوحدي طول فترة غيابك الشركة اللي انت وشريف مكنتوش بتعرفوا تشغلوها لوحدكم وإنتوا ما شاء الله آتنين مهندسين كبار وانا بنت وكنت لوحدي وقدرت اشغلها! 
عامر كتم ضحكته وقال دا على اساس ان مكنش في جيش من المستشارين هما اللي بيساعدوكي! 
آيات بعناد هما اللي كانوا بيستشروني على فكرة  
عامر مقدرش يحافظ على ثباته آكتر من كده وضحك بقوة من كل قلبه وآيات اتغاظت وقالت مش مصدق طبعا عارف ليه عشان انتوا كلكم الرجالة كده اول لما تلاقوا الست بتنجح في شغلها وتتقدم عنكم بتتغاظوا وتبقوا عايزين تطلعوها فاشلة وخلاص 
عامر ضحك وقال بس انا مقولتش انك فاشلة!
آيات پغضب بس قولت اني معرفتش اشغل الشركة لوحدي!!! 
عامر برضة مقولتش كده! 
آيات بعصبيه اومال قولت ايه
قولت بحبك  
آيات اټصدمت لما قالها كلمة بحبك وسط كلامهم مع نظرات العشق والحب اللي كانت واضحة في عينيه وخفضت وشها بخجل وقالت ااه انت بتغير الموضوع يعني! 
وقال هو ده الموضوع الأساسي اني بحبك 
آيات ابتسمت بخجل وفجأة بصتله بقوة وقالت بس لازم تعترف اني شاطرة وشغلي كله كان صح  
عامر ضحك وقالها انتي شاطرة جداا وكل شغلك صح وكل قرارتك اللي اخدتيها صح جدا جدا  
آيات بصتله بتفكير وقالت حاسه ان الكلام ده مش من قلبك  
وقالت بعصبيه طبعا مش من قلبك انت عمرك ما هتقول عليا شاطرة عشان متحسش اني اشطر منك في الشغل بس انت عارف انا بقى هعمل حاجة عمرها ما تيجي في خيالك انا هدرس هندسة وهتشوف انا هعمل ايه وهنجح ازاي وهفتح شركة كمان وهنافس شركتك  
عامر ضحك وقال كل الدعم ل مراتي وحبيبتي بس انا كنت سمعت انك مش بتحبي المهندسين 
آيات بعناد اه مش بحبهم بس انا هعمل كل ده عشان اثبتلك اني اشطر منك في الشغل 
عامر ضحك وقال يعني هتدرسي خمس سنين
وتفتحي شركة وتشغلي موظفين ناس رايحه وناس جايه وكل ده عشان تثبتيلي انك شاطرة!! انا بقولك من غير حاجة انتي شاطرة وكنتي مشغلة الشركة أحسن مني 
آيات اتغاظت وقالت بعناد لا بقى انا مش شاطرة ومكنتش عارفه اشغل الشركة ومتفكرش اني طفلة صغيرة وهصدق كلامك ده 
عامر بعترف انك شاطرة  
آيات پغضب بتقولها من ورا قلبك على فكرة مش عايزة منك حاجة 
واتحركت عشان تخرج من الغرفة لكن عامر وقالها طب استني بس رايحه فين
آيات بعصبيه هروح انام في أوضتي  
عامر لا هتنامي معايا هنا النهاردة  
آيات ليه يعني
عامر انا عايزك تنامي معايا وحشتيني  
آيات بعناد لا هنام في أوضتي  
عامر آيات بطلي عناد بقى