ابن ليل أميرة أاسامة

نفس المكرونه
دره لا كده كتير حتى المكرونايه اليتيمه عينكم فيها
ضحكوا التلاته وفضلوا يخطفوا من بعض الاكل وكان الجو بينهم كلهم جو اسري ودافي و كله روح
فاقت مها من ذكرياتها وهي دموعها بتجري على خدها
قعدت نجوى على الكرسي قدامها وبصتلها
نجوى ايه يا مها هتفضلي ساكته وبتعيطي كده كتير
مها بوج ع قلبي واجعني يا اما اوي حاسه ان في حد ماسك سکينه وبيقطع فيه
نجوى بعد شړ عليكي سلامة قلبك يا بنتي ايه اللي واجعك يا مها اخوكي ولا عشان عرفتي ان دره رجعت
مها كله يا اما كله قلبي واجعني على كرم من زمان بس انهارده اول مره نحس بوجعه اوي كده لما عرفت منك ان دره جت حسيت ان حد ضړبني على راسي بعد ما كنت مش طايقه نسمع اسمها بقيت حاسه اني عايزه نروحوا نجروا عليها وناخدها في حضڼي

مش مصدقه يا اما ان دره اللي كانت اقرب ليا من روحي فجأه انا وهي يبقى في بينا السد الكبير ده وحشتني ولسه بنحبها بس كل ما نفتكر اللي عملته في اخويا نتوجع منها اكتر ونبقى مش طيقاها مبقتش عارفه يا اما انا بنحبها ولا بنكرها
نجوى اللي بيحب حد يا مها عمره ما بيقدر يكرهه بسهوله كده ولو انتي مش بتحبيها عمرك ما هتتوجعي منها الوج ع بيبقى على قد المحبه يا بنتي
مها بس دره وجعتني اوي يا اما وجعتني لما خبت عليا ووجعتني لما في يوم وليله عرفت انها مبقتش موجوده
وجعتني لما فارقتني كل السنين دي وسابتني لوحدي انا كنت بنعتبرها اختي
دره لما راحت مراحتش هي بس ودي اكتر حاجه ۏجعاني دره خدت معاها كل حاجه حلوه خدت اللمه والعشره والضحكه خدت مني اخويا اللي مبقاش زي زمان بيبقى قاعد وسطنا ومش معانا خدت مني دعاء اللي كنت بنعتبرها زي دره كل حاجه راحت معاها اتفرقنا وبعد ما كان كل الخلق بيفكرونا عيله واحده بقينا مبنطقش نبص في وشوش بعض بعد ما كنا حبايب بقينا اعداء 
وبتسأليني يا اما موجوعه ليه 
نجوى اللي حصل حصل يا مها فات سنين كتير على الحدوته دي
مها بس كأنه امبارح يا اما اول ما عرفت ان دره رجعت كل حاجه عشناها معاها مرت قدام عيني كأنها شريط
نجوى قولتهالك كتير يا مها بلاش نتكلم عشان بترجعي تزعلي لما بندافع عنها
مها تاني يا اما هتقولي دره محبتش كرم
نجوى ايوه يا مها تاني وتالت ورابع دي الحقيقه اللي محدش فيكم راضي يسمعها
مها مين قالك انها محبتهوش لو مكانتش حبته كنت انا اول واحده هتعرف من دره
نجوى ولما هي حبت كرم ازاي حبت غيره يا بنتي دي اختارت واتجوزت بمزاجها لو كانت حبت كرم مكانتش هتسيبه والاهم من كل ده محدش اداها فرصه تتكلم الكل وقف قصادها حتى اهلها
مها اديكي بتقولي حتى اهلها لو مكانوش عارفين انها غلطانه مكانوش خسروها
نجوى وانا عند كلامي دره عندها اسباب للي حصل ده
مها ليه ديما بتدافعي عنها ليه مش بحسك واقفه في صف كرم زي ما بتقفي في صفها
نجوى مين قالك اني مش واقفه في صف كرم يابت ده ابني وقلبي واجعني عليه انتي فكرك حياته اللي اتشقلبت دي على هوايا انا بنام كل يوم وقلبي بيتقطع عليه بس كمان بندافع عن دره عشان بنعتبرها بنتي زي ما انتي بنتي انا عمري ما فرقت بينكم الحب اللي كنا بنشوفه في عين دره يخليني متأكده ان البت دي اتظلمت زي ما اخوكي اتظلم
مها ولما هي مظلومه وكرم مظلوم امال مين اللي عليه الحق
نجوى يمكن نكون احنا الكبار يا مها اكيد في حاجه غلط وتاني هنقولك طول ما احنا مش بندي فرصه للي قدامنا يدافع عن نفسه فا هو حتى لو مذنب هيفضل مظلوم
حدوته كرم ودره يا مها ناقصه وناقصه كتير كمان كرم
وواضح من البدايه وعارفين وجعه كله لكن دره منعرفوش اي حاجه عنها منعرفوش ايه السبب في اللي وصلها لكده زي بالظبط ما ظلمتي دعاء يابت جيتي عليها عشان بس هي الوحيده اللي وقفت في صف دره مع انها كانت نفس غلاوه دره عندك
مها عموما زي ماقولتي في البدايه يااما الحكايه دي خلصت وعدى عليها سنين كل الحكايه اني لما عرفت انها رجعت اتوجعت 
نجوى وبما انها رجعت اكيد الايام هتبين سبب بعدها وسبب رجوعها ويمكن تلاقي سبب يخليكي ټندمي انتي وكل اللي قاطعها السنين دي كلها
بصتلها مها بحزن وفضلت ساكته
وفجأه قطع حديث نجوى وصمت مها 
صوت صړيخ في قلب الشارع جامد والدنيا
نجوى ياساتر يارب ايه الصوت ده
مها لا يكون كرم وعبدالله
نجوى يالهويييي
قاموا الاتنين جري على البلكونه يشوفوا في ايه 
قبل دقايق من سماع صوت الصړيخ 
عبدالله كان نزل وراح على المزرعه 
و زكريا وحسن نزلوا على المحل تحت وتلاشى زكريا النظر خالص على رفاعي
اما نبيله فا دخلت اوضتها وفضلت حابسه نفسها
ودعاء خدت دره والبنات على الشقه فوق البنت اللي بتساعدهم كانت جات وبدأت تنضف اوضه اوضه والبنات بدأوا يظبطوا هدومهم ويرصوها في الدواليب ودعاء كانت بتساعد دره في حجات كتير وطلبت منها دره انهم ميتكلموش في حاجه الوقت خالص عشان البنات ميسمعوش وكل واحده فيهم كانت بتعمل حاجه وعقلها شغال باللي حصل 
اما عند كرم كان واقف فاصل خالص عن الدنيا بيحاول يكتم غضبه كان ماسك الساطور ونازل بيه على اللحم بيقطع بسرعه فظيعه وبكل حرفيه بيفتكر كل اللي حصل وكل ما يفتكر كلامه معاها ينزل على اللحم پغضب بيوزن ويحط في الاكياس ويبيع وياخد الفلوس ويقطع كل ده كان بيعمله بسرعه ومن غير ما ينطق مع اي حد وفجأه سمع صوت بنت بتصرخ من على اول الشارع
رفع عينه بكل هدوء ناحيه الصوت وهو بيجز على سنانه وكأن الفرصه جاتله عشان يطلع شحنه الڠضب اللي جواه
لمح البنت شابين على موتسيكل خدوا منها شنطتها
البنت الحقوني يا ناس خدوا الشنطه وفيها فلوس علاج ابويا
الكل في اللحظه دي خرج جري على صوت البنت وراحت دره ودعاء على البلكونه يشوفوا في ايه 
خرج كرم بكل هدوء وهو في ايده
الساطور
شايف الشابين بيروحوا ويجوا بالموتسيكل عشان محدش يوقفهم
واول ما قربوا من جنب كرم بكل ڠضب وع نف وقوه ض رب الموتسيكل برجله وقع الشابين والموتسيكل على الارض
دره 
دعاء يانهار اسوووود
وقف شاب منهم وفتح على كرم مطوه وقرب بأيده عشان يضربه
خد كرم خطوه لوراء وبسرعه مسك ايد الشاب تحت كتفه وتناها وبرجله ضربه في بطنه
قرب بكر بسرعه وهيما واحمد ومحمد من كرم يضربوا معاه الشابين 
قام التاني بسرعه وطلع هو كمان مطوه 
هوش بيها بكر جات في دراعه
دعاء بكررررررر
مها بكررررررر
قرب كرم من الشاب اللي ضړب بكر ورفع الساطور وبالحرف بتاعه بأقي ينزل بيه على راسه بحرفيه جزار يض رب ويعور لكن ما يموتش
الصړيخ بقى في كل الشارع الناس كلها اتدخلت و الشباب بقوا يحوشوا لحد ما خلصوا الشابين من تحت ايد كرم والشباب
رفاعي سيبهم يا كرم سيبهم يا ابني خلاص كفايه عليهم كده
الرجاله في الشارع حرروهم من تحت ايده خد الشباب الموتسيكل وطاروا
قرب كرم من الشنطه اللي واقعه ومد ايده للبنت 
البنت شكرا ربنا يخليك
هز كرم راسه بهدوء وراح على بكر
كرم وريني ايدك
بكر متقلقش ده خدش بسيط انت كويس
كرم تمام
فضل الناس اللي في الشارع يدعوا لكرم وهما ماشين
خد كرم نفس جااامد وبعدين راح على المحل كمل شغله كأن مفيش حاجه حصلت
دعاء الحمد لله يارب الحمد لله اتصلت بسرعه على بكر 
دعاء حصلك حاجه يا اخويا
بكر بسيطه يا دعاء مټخافيش
دعاء طيب ايدك اتفتحت
بكر لا ده خدش بسيط والله عدت على خير
دعاء طيب يا اخويا الحمد لله
بكر الحمد لله يلا سلام انتي الوقت
عشان ارد على مها
دعاء طيب يا اخويا سلام 
دره ايه ده هو جراله ايه
دعاء في ايه
دره ده كرم يا دعاء مستحيل
دعاء قولتلك لما كنتي مسافره ان كرم اتغير
دره قولتيلي انه اتغير لكن مقولتليش انه بقى متوحش وعڼيف بالشكل ده بقى هو ده دكتور كرم اللي كنت بعتبره قدوه ليا
دعاء بإبتسامه سخريه كل حاجه اتغيرت يا دره انا بس اللي محكتلكيش اي حاجه عشان مشغلش دماغك
دره وايه اللي خبتيه عليا يا دعاء ازاي كرم بقى كده ازاي اتغير بالشكل ده انا مش قادره اصدق عيني ولو كنتي حكتيلي
اصلا مكنتش هصدق إلا لو شوفت
دعاء كرم يمكن طباعه اتغيرت كتير بس لسه زي ماهو جدع وشهم وراجل
دره ايوه بس ده كان هيموتهم
دعاء لا متقلقيش مش اول ولا اخر خڼاقه لكرم هتشوفيها خصوصا بعد ما رجعتي انتي كرم مش هيبقى على بعضه وهيطلع غضبه بالطريقه اللي شوفتيها وبعدين هو اټخانق عشان البت
دره حتى لو يا دعاء مش بالشكل ده كان ممكن يوقفهم ويسلمهم للشرطه هو مفيش قانون في البلد ولا العشرين سنه اللي انا غبتهم بقى كل واحد ياخد حقه بدراعه ويبلطج على الناس
دعاء كرم مش بلطجي يا دره بس يمكن كرم اللي تعرفيه زمان مبقاش كرم بتاع انهارده
دره حصل ايه يا دعاء السنين اللي فاتت دي كلها وخبتيه عليا في ايه انا معرفوش حول كرم بالشكل ده
دعاء هحكيلك يا دره بس خلينا الاول نخلص الشقه وبناتك يرتاحو في اوضهم وبعدين نقعد انا وانتي نتكلم 
هزت دره راسها وخرجوا مع بعض يكملوا الشقه 
بعد حوالي ساعه من التنضيف
دعاء دره خلاص الشقه تقريبا خلصت هننزل نشوفوا بلبله ونطمنوا عليها ونشوفوا الاكل ونطلعلك تاني
دره ماشي حبيبتي شوفي اللي وراكي وانا مستنياكي
دعاء مش هنتأخروا عليكي بالاذن
دره اتفضلي 
دعاء وهي خارجه مش عايزين اي حاجه يا بنات
دارين بإبتسامه جميله ميرسي يا طنط
نزلت دعاء وقربت منها دانه
دانه مامي 
دره بإبتسامه قولي عايزه ايه
دانه هو انا مكشوفه اوي كده
دره او يمكن انا اللي فهماكي
دانه طيب يعني في شويه حجات نقصانا هو حضرتك معاكي فلوس ولا احنا مش بقى معانا فلوس خالص
دره بحب مسكت خدها لا يا روحي معانا طبعا في مبلغ مش بطال كنت شيلاه على جنب ومكنتش لسه عملتله إيداع في حسابي في البنك ويمكن ربنا عمل كده عشان عارف اللي هنمر بيه
دانه بفرحه طيب الحمد الله
دره مش عيزاكم تقلقوا طول ما انتوا معايا ابدا هنشوف كل اللي احنا محتاجينه بس بيتهيألي مش هنقدر ننزل انهارده هطلب بس من حسن يجيبلي شويه حجات بسيطه للتلاجه وبكره ننزل نجيب اللي ناقصنا نكون كمان أرتاحنا لاننا مرتحناش لسه وكمان تعبنا اوي انهارده
ديما ايوه خلينا بكره افضل نكون عرفنا احنا ناقصنا ايه
دره بالظبط كمان عايزين اليومين الجايين دول نشوف موضوع الجامعات بتاعتكم اكيد مش هتفضلوا كده والسنه تروح عليكم
دارين مامي بخصوص الجامعه يعني انا كنت عايزه اتكلم مع حضرتك في حاجه
دره قولي يا دارين
دارين يعني كنت بقول عشان الظروف اللي احنا بنمر بيها دي فا انا قررت اني أعمل تأجيل للسنه دي تكون ظروفنا اتحسنت واستقرينا اكتر وكفايه على حضرتك دانه وديما خصوصا ان هما اول سنه جامعه حرام يأجلوا
دره بحزن ونبره فيها ڠضب بسيط وانتي بتقرري من نفسك يعني يا دارين ايه مبقاش ليا لازمه
دارين لا خالص