رواية " مزرعة الدموع" (كاملة حتى الفصل الأخير)للكاتبة منى سلامة
ثم قالت
خلاص
خلاص ايه
قالت بشئ من الأسى
خلاص موافقه .. كدة كدة التأجيل مش هيفيد بحاجه
قالت ريهام بقلق
نفسي أفهم ايه اللى تاعبك .. ليه مش مبسوطه
اغرورقت عيناها بالدموع وقالت
مفيش .. بس لسه ما فوقتش من صدمة ۏفاة بابا الله يرحمه
قالت ريهام بأسى
الله يرحمه هو و ماما
اتفق الجميع على اليوم الموعود .. ستسافر ريهام مع كرم .. وتنتقل ياسمين الى بيت المزرعة .. وأصرت كريمه و نور على العودة الى القاهرة مع العروسين .. ليتابع نور أعماله التى تراكمت من بعد عطلته الطويلة فى المزرعة .. أتى اليوم الموعود .. كانت
ريهام تستعد فى غرفتها وتجهز حقائبها عندما سمعت طرقات على الباب .. فتحت لتجد كرم .. ابتسم لها فى سعادة قائلا
ابتسمت وأفسحت لها الطريق .. دهشت عندما وجدته يعطيها باقى ورد كان يخفيها خلف ظهره .. أخذتها منه مبتسمه .. قال لها فى رقه
أحلى ورد لأحلى وردة فى المزرعة
ابتسمت ريهام فى سعادة .. ولدهشتها وجدتها يحمل حقيبة كبيرة من الأرض كان قد وضعها بجوار الباب .. ثم دخل ووضعها على السرير .. نظرت
________________________________________
اليه فى دهشة وهى تغلق الباب .. ثم اقتربت قائله
ايه ده
فتح كرم سوستة الحقيبة وأخرج منها فستان زفاف فائق الروعة والجمال .. نظرت اليه ريهام بإنبهار .. ثم نظرت الى كرم قائله
ايه ده
ابتسم كرم قائلا
احنا اتفقنا ان مفيش فرح .. بس مش معنى كدة ان مفيش فستان فرح
عجبك
قالت بحماس
جدا يا كرم .. جدا .. شكله رائع
اتسعت ابتسامة كرم وهى ينظر الى سعادتها البادية على وجهها .. قالت ريهام بلهفة
بس خاېفة ميطلعش مقاسى
ضحك كرم قائلا
لأ متخفيش هيطلع مظبوط عليكي بالمللى
غمز بعينيه قائلا
استعنت بصديق .. أختك جبتلى فستان من دولابك وخلتهم يعملوا الفستان بنفس المقاسات .. يعني ان شاء الله هيطلع مظبوط عليكي
ترك الفستان على السرير واقترب منها وقبل جبينها قائلا
مبروك عليكي يا أحلى عروسة
ابتسمت ريهام فى سعادة
أخرج كرم من الحقيبة علبة الشبكة وألبسها اياها قطعة قطعة واستغرق وقتا طويلا حتى قالت ريهام
بحب الاتقان يا ريهام
ضحكت وهى تنظر اليه قائله
مش وقت اتقان يا كرم الكوافيرة على وصول
أدارها كرم وألبسها دبلتها وألبسته دبلته ..قائلا
مبروك يا أحلى عروسة فى الدنيا
ابتسمت بخجل قائله
الله يبارك فيك
قال بخبث
بقولك ايه متلغى معاد الكوافيرة وتعالى ألبسك السلسلة تانى
دفعته بإتجاه الباب قائله
يلا يا كرم من غير مطرود
خرج . ضحكت ولوحت له بيدها ثم أغلقت الباب .. خرجت ريهام فى أبهى حله بفستانها الأبيض وحجابها الأبيض .. وقفت ياسمين أمامها تنظر اليها قائله
انا حسه انى فرحانه أوى .. طالعه زى القمر يا ريهام .. ما شاء الله
التفتت اليها ريهام
حبيبتى يا ياسمين .. كان نفسي أوى بابا و ماما يكونوا معانا اليوم ده
كادت العبرات أن تتدافع الى عين ياسمين لكنها سيطرت على عواطفها قائله
ربنا يجمعنا بيهم فى الجنة ان شاء الله
خرجت ريهام ونزلت ليستقبلها عريسها .. وهمس لها
زى القمر .. ممكن أبوس
قالت بجدية وهى تنظر للناس حولها
لو عملت كدة هتبقى ليلتك مش فايته يا كرم
ضحك كرم قائلا
لا الطيب أحسن .. أنا عايز الليلة تقوت على خير
عانق كرم صديقيه يودعهما قائلا
فى أقرب وقت تجولى القاهرة ان شاء الله ونتجمع كلنا مع بعض .. اتفقنا
قالت عمر مبتسما
اتفقنا
قال أيمن بسعادة
ألف مليون مبروك يا كرم
عانقت ياسمين ريهام عناق طويل .. كانت هذه هى المرة الأولى التى تفترق فيه الفتاتان عن بعضهما البعض .. غرورقت عيناهما بالدموع .. قالت سماح
ريهام هتهدى كل اللى عملناه .. امسكى نفسك
قالت ريهام بتأثر
هتوحشينى أوى يا ياسمين .. وانتى يا سماح هتوحشونى أوى
اقتربت منهم كريمه قائله
حبيبتى متقلقيش كلها فترة صغيرة و ياسمين و عمر هينزلوا القاهرة ان شاء الله
شعرت ياسمين بالإضطراب .. كانت طيلة الأيام الماضية تتجاهل وضعها .. صممت على ألا تفكر فى شئ إلا فى أختها ومستقبلها .. أما الآن فهى مضطرة أن تواجه كل ما كانت تهرب منه .. رحل العروسان وخلفهما سيارة نور و كريمة .. وعاد أيمن و سماح أدراجهما فى اتجاه بيتهما .. لتبقى ياسمين واقفه مع عمر أمام بوابة المزرعة
طال الصمت بينهما .. شعرت بالتوتر .. نظر اليها قائلا
متقلقيش .. كرم أخويا وصاحبي .. مش هتلاقى أحسن منه ل ريهام .. انا واثق انه بيحبها و هيحافظ عليها
أخطأ عمر فى تفسير سبب قلقها وتوترها .. لم تكن ياسمين قلقه على ريهام
