رواية قلوب صماء( كاملة حتى الفصل الأخير ) بقلم فاطمة الألفي
تاني مرة ما تدخليش اوضتي فجأة كدة مايصحش
ابتعد عنها . كارلا من فضلك انا بشتغل فى الرساله ومش فاضي ممكن تخرجي عشان أكمل شغلي
كارلا بدلع . ممكن اساعدك
يزيد بتنهيدة . أستغفر الله العظيم يارب
كارلا بضيق . لدرجه دي وجودي جنبك مضايقه ومش طايقني هو انت مابتفكرش غير فى جميله وبس ليه مش بتفكر فى فيه هو انا مابجيش علي بالك خالص .
كارلا بصوت عالي . انت بجد ماتعرفش مالي يا يزيد
يزيد بعصبيه . انتي بتزعقيلي كدة ليه وانتي مالك افكر فى اختي ولا مافكرش ايه يدايقك فى الموضوع دى مش فاهم وانا حر أعمل اللي انا عاوزة مالك ومالي
كارلا بانفعال . فى ان بحبك وانت مابتحسش اعملك ايه تاني عشان تعرف ان بحبك بقالنا سنه مع بعض مش معقول تكون ماتعرفش احساسي ناحيتك انا وقفت جنبك وساعدتك اول لم جت البلد ماكنتش تعرف حد وأنا وقفت جنبك واهتميت بيك كل دي ليه عشان بحبك يا يزيد وأنت علطول بتهرب مني ويتبعد عني كل لم اقربلك تبعد وكأني بكهربك هو انا فى حياتك ولا حاجه صح لكن انت كل حياتي من اول يوم شوفتك وانا اعجبت بيك من اول مادخلت حياتي حياتي اتغيرت علي ايدك انت بطلت حاجات كتير كانت غلط علشانك كل حاجه ممكن تبعدني عنك سبتها وبردو انت لسه بعيد عني اعملك ايه تاني انا بجد بحبك ومش عايزة غير وجودك
يزيد بعصبيه . المشكله مش فى عقيدتك وعقيدتي وكمان ماينفعش تدخلي ديني عشان شخص مش عشان انتي مقتنعه وعارفه ان دى الصح وانا مش هدخل معاكي فى نقاش ديني ودينك عشان انا مش شيخ عشان اوعظ وافتي بس لو عايزة تعتنقي الإسلام يبق تقعدي مع شيخ لكن العبد لله اضعف من ان اوعظك واقولك الحلال والحرام وصدقيني مش عشان انتي من غير ديني بس عشان احنا مختلفين نهائي انا غيرك خالص لا بيئتك ولا تفكيرك ولا اسلوب حياتك ولا اي حاجه خالص مشتركه بينا فى اختلاف بينا فى كل حاجه اختلاف زي فرق السما بالأرض عمرهم ماهيتقابلو فى يوم فاهمه بقي الاختلاف اللي بينا انا عمرى ماتعديت حدودى معاكي ومابحاولش اتعامل معاكي من الاساس ولو اتعاملت بيكون باحترام لأن انا عندي اخت واخاڤ عليها وعمري ماتجاوزت حدودى فى اى كلام ولا لفظ ولا حتى تصرف ولا فعل وكونك غيرتي طريقته حياتك عشاني فأنا كان من واجبي اقدملك النصحيه مرة واتنين بحكم الجيرة واحنا فى بيت واحد وكان حقي كصديق او جار ان انصحك لم اشوفك بتعملي حاجه غلط وماينفعش أسكت على الغلط والساكت عن الحق شياطن اخرس من واجبي كنت انصحك
يزيد وهو يقاطعها . بس بس ماتكلميش كلامك من فضلك انا قولت بلاش اجرحك لكن انتي مصرة انا مش عشان دكتور ومثقف ومتفتح زى مابتقولي لازم اقبل ان اكون مجرد رقم في حياه الانسانه اللي إسمها هيرتبط باسمي وهتكون .زوجتي وام اولادى لازم تكون قدوة لاولادنا ومايهمنيش تعليمها ولا ثقافتها زى مايهمني ادبها واخلاقها وتربيتها ومش حكايه متفتح ولا مش متفتح انا يا ستي قفل وصعيدي ومن اصل صعيدي وماقبلش مراتي ام ولادي يكون ليها علاقات قبل الزواج وعايشه حياتها باستقلاليه انا ماقبلش على نفسي ولا كرامتي أكون رقم فى حياه مراتي لازم أكون الأول والاخير فى حياتها فاهمه ولا لأ يا كارلا والاستقلال للاسف انتي فهماه غلط الاستقلال مش ان اسيب بيت اهلي فى سن صغير واتحرر بردو ومش بتستمر للاسف العلاقات دى عشان مبنيه علي الغلط وانعدام الأخلاق الإسلامية والتربيه وأنا لا يمكن اقبل أكون مجرد علاقه في حياتك لا ديني ولا أخلاقي ولا تربيتي تسمح ليه بالخطوة دى عرفتي بقي ليه ماينفعش بينا نقطه تقاطع ابدا ولا هقبل اعمل حاجه محرمه عندنا شرعا وقانونا وكويس انك فتحتي الموضوع انا هلم حاجتي واسيب السكن حالا وافتكر ماينفعش افضل عايش هنا وشكرا علي وقفتك جنبي .
يزيد . ماعدش ينفع بجد يا كارلا وانا موجود فى البلد ومعاكي تليفوني لو محتاجه لحاجه كلميني مش هتاخر عليكي انتي زى اختي لكن قعاد معاكي فى بيت واحد خلاص انتهي
كارلا . خليك وانسي كل الكلام اللي انا قولته انا بطمن من وجودك جنبي بلاش تسيب البيت ارجوك يا يزيد وانت مش هتحس بوجودي انا مش هقرب منك تاني وعد بس خليك معايا انا بحس بالأمان فى وجودك
كارلا بحزن . خلاص خليك لم تلاقي السكن
يزيد بجديه . لحد لم الاقي السكن بس
كارلا . تمام
وحدثت نفسها بغل . بقي انا يا متخلف بترفضني انا مهم كبرت فى مراحل التعليم والثقافه هتفضل قفل وعقل راجعي .
عودة إلى النجع .
ودع الجميع مها وأولادها وظل الجد يوصي حفيده على زوجته وودعهم .
اما عيون حاقدة تشعر بالغل والمكر والوعيد ولم تبارك ولا تودع العروس فهي عين حاقدة
استقل مالك سيارته وطلب من والدته ان تجلس بالمقعد المجاور له وفى الخلف التؤام محمود وماريا وجميله التى تنظر إلى نافذة السيارة لتتطلع الزرع والاشجار وتودع بلدها الحبيب لتذهب إلى عالمها الجديد التي لا تعلم عنه شي حتي الان ...
الفصل التاسع
قلوب صماء
بقلم فاطمة الألفي
صف سيارته داخل الحديقه وترجل الجميع من السيارة وظل هو مكانه .
حمل محمود الحقائب وتوجه إلى الفيلا .
وماريا تمسك بيد جميله لتصطحبها داخل الفيلا وترا الفيلا من الداخل ..
مها باستغراب . مالك ايه مش نازل ولا ايه
مالك وهو يمسك بمحرك السيارة . لا يا ماما هعدي علي الشركه الاول عندي شغل متعطل سلام دلوقتي
مها . ماشي يا مالك لم ترجع لينا كلام مع بعض
مالك . حاضر يا ست الكل سلام بقيأكمل قيادة سيارته متوجه الى الشركه ..
داخل الفيلا .
بعد ان رأت جميله الفيلا جلست بالصالون مع ماريا ومحمود وتم التعارف .
تركتهم مها واخبرت الخدم ان يجلب الحقائب التي تخص جميله ووضعها داخل غرفه مالك ..
بعد ان تم تجهيزها وتغير الأثاث بالكامل واصبحت غرفه تليق بالعرسان وابدلت الأثاث القديم وطلت الغرفه بالون البينك الهادي واصبحت مملكه خاصه ..
وهى من أشرفت علي كل شئ ..
بعد فترة من الزمن صف سيارته فى الجراح المخصص لها ودلف شركته فى ثقه وتكبر ..
والجميع ينظر له بانبهار واستغراب فى نفس الوقت لانهم علم بخبر زواجه ..
وتابع بعض أعماله وفجأة دلف مكتبه صديقه أسر .
مالك . طب اقعد الاول
أسر . جت امته من البلد يا عريس ونازل الشغل ليه يا عم انت انا هعمل شغلك .
مالك . عريس ايه انت كمان ما انت عارف اللي فيها والجوازة علشان التار ونخلص من ۏجع الدماغ وبس
أسر بغمزة . ايه هى العروسه طلعت وحشه ولا ايه النظام.
تذكر مالك وجهها الملائكي وعيناها الخلابة ذات نضارة اوارق الشجر وبريقها الساحر وملامحها البريئه وشرد بعض الوقت..
أسر . لا وكمان سرحت لا كدة الحكايه كبيرة بقي وغمز لصديقه . ها طلعت حلوة
مالك بهروب . سرحت فى ايه انت كمان دى طلعت ولا بتسمع ولا بتتكلم حتي شوفت الاتنين مع بعض .
أسر بشهقه . بجد صعبت عليه
مالك . مايصعبش عليك غالي وقولي اعمل ايه عشان اخلع منها ولا انت صاحبي علي الفاضي .
أسر بتاثر . وهي عملتلك حاجه عشان تخلص منها .
مالك . انت عارف ان مڠصوب علي الجوازة دى ونفذت كلام جدي عشان ام التار ونخلص منه بقي لكن بحب تاليا ومتمسك بيها وماليش غيرك يساعدني اخلص من جميله
أسر بعصبية . وليه ماتكملش بجد مع مراتك وانا من رأي جدك كمل مع مراتك وابدأ من جديد
مالك بحدة . بحبها يا اخي وقلبي اختارها مش مفروضه عليه ومطر استحملها انا حتى مش عارف هتواصل معاها ازاى واستحاله أكمل معاها
أسر بعصبية . ولا مش هتعرف تتواصل معاها امال اهلها بيتواصلو ازاى اكيد فى بينهم لغه مفهومه وانت تقدر تواصل معاها عادي بس انت مش مستعد يا صاحبي تتنازل عن غرورك وكبريائك وتقلل من نفسك عشان محدش يقول مالك باشا متجوز دي مش
