رواية مبيشبه_جنونك_حدا البارت السادس بقلم تيما_غزال حصريه وجديده

حقق حلم مرام
ينال اي وشو هو حلم مرام
آية أطلع من هون وأدرس فنون وأرسمها اول رسمة ..
ينال لو بلش يتحقق هالحلم شو ممكن تعملي
آية ضحكت ضحكة استهزاء وحكت متل ما قلتلك ..حلم وبس ..اطلع من هاي المنظمة متل الحلم بزبط..مو صعب ..مستحيل يصير ..
ينال قام من مكانو ومسك أيدين آية ورفعها عن الأرض .. 
آية لك شبك
ينال رح حققلك حلمك ..
آية ضحكت بصوت عالي بعدين حكت ينال ..أطلع من عالم الخيال ..
ينال حكا بسرعة وهو عم يطلع بعيونها وماسك أيديها وشادد عليهم بكرا ع الساعة حداش بليل رح طلعك من هون رح تطلعي من هاد السچن رح تحققي حلمك ..رح ترجعي لأهلك ولبيتك ..

آية لك ينال شو قلتلك اصحى ..
ينال لسا مو مصدقة لك ولله رح تطلعي من هون بوعدك..
آية كيف
ينال ما تخافي جهزت كلشي بكرا ونحنا بطريق بحكيلك كلشي وبتعرفي ..
آية لا احكي هلأ ..
ينال سمعي رح لبسك أواعي شخص كان رح يجي بكرا بس انا تصلت علي وأجلت جيتو ..المسا الحراس بكونو غير عن الحراس الصبح ما بعرفو ازا اجا الشخص ولا لا ..وبتطلعي من هنيك ع كنك هداك الشخص وبوصلك للمطار وخلصنا..
آية فتحت عيونها ع وسعون وحكت عم تمزح صح
ينال لا لا ولله ..رح تحققي حلمك وترجعي لنيسان وعمر وعلي وامك وابوكي ..
آية دموعها نزلت وحضنتو بسرعة كيف بدي وافيك حقك ينال شكرا ع كلشي ..
ما عرفت تنام بليل من كتر ما متحمسة ومن جهة تانية قلبها عم يوجعها ..رح تروح بدون ما تعترف لينال بحبها المخفي بقلبها وما حد بيعرف في ..قامت من تختها وقعدت جمبو ع الكنباي باستو من خدو وضلت عم تطلع علي بعدين صارت تحكي ينال ..بحبك ..يا أحلى شي صار بحياتي ..بتعرف أول مرة عشقتك فيها متى لما حضنتني أول مرة ..كنت مکسورة وقلبي مكسور ..حسيت بشعور غريب أول مرة بحس في ..ما عطيت الموضوع أهمية ..بعدين خفت انك تسمع دقات قلبي وتحكيلك قديش انت الهوا الي بتنفسو وقديش بخاف عليك من كلشي..وبغار عليك حتى من خيالك ..قديش بحب هالشعرات وهالعيون ..وهالأيدين الي تمسكت فيني رغم كلشي ..هاي آخر ليلة رح نام فيها بنفس الغرفة معك ..وآخر ليلة رح اطلع بعيونك واشبع منهم قبل ما نام ..
رجعت ع تختها ودموعها نزلو وطلع الصبح وهي ما عرفت تنام غير كم ساعة ..طلع ينال ع الشغل وهي قعدت ضب أغراضها حملت شنتة صغيرة .. وحطت فيها رسمة مرام الي رسمتها قبل كم يوم ..الوانها وكراستها الصغيرة بس اللوح ضل مكانو ..كانت رسمتها لينال مبروزة ومعلقة بمكان حلو ..ما حبت تقيمها..حبت يضل زكرة لألها بهاد البيت ..
حطت شوية أواعي وأهم شي بلوزة مرام ..رجع ينال من
الشغل قعدو مع العيلة شوي وكانت نظرات آية بنيسرين نظرات نصر ..لأنها ما قدرت تتخلص منها وټقتلها ..وبس الكل نام حملت شنتتها ولبست الأواعي الي اعطاها ياهم ينال وركبو بسيارة وقفو قبال حاجز علي حراس ..
الحارس ينال بيك لوين بهالوقت المتأخر 
ينال متل ما شايف أحمد بيك أجا عنا لنتفق ع مشاريع وبدي وصلو للمطار وأرجع ..
الحارس اي تفضل ..
ينال الله يعطيكم العافية ..
الحارس الله يعافيك..
آية الحمد لله ..
ينال ما ضل غير السهل ..تخطينا الصعب ..
آية والدموع ع خدها ما عم صدق ..هلأ انا عم بطلع من السچن جد جد رح ارجع لأهلي متل ما حلمت صرلي تقريبا خمس سنين بعيدة عنهم .. ما عم صدق ..
ينال صدقي صدقي ..
وصلو المطار نزل ينال وحمل شنتتة آية نزلت آية ومسكت بأيدو ومشيت 
حلو ألاجرائات وقعدو يستنو ..
ينال ضايل عشر دقائق بزبط ..يلا امشي نوقف قريب من هنيك أحسن..
مشيو لهنيك بعدين وقفو قبال بعض ..
وآية الدموع متل الشلال ما عم يوقفو ..دموعها عم ينزلو بس ما عم تبكي ..
ينال عيونو مليانين دموع بس عم يحاول يضل واقف ..
يتبع