روايه خادمه القصر ( جميع الفصول كامله )

وانتي لسه ما شوفتيهاش..اومال لما تشوفيها كريم تعالي اقف قدامها علشان اعرف اعدي من قدام البت دي منغير ما تضربني 
و كريم وقف قدام عزة ونغم راحت مسكتها وجاسر جري وعزة بغيظ ماشي يا جاسر لحقوك مني المرة دي لكن المره الجاية والله ما هسيبكو الست سلعوة بتاعتك 
في الشارع..
جاسر كان نازل بينهج بتعب..
سهيلة ايه ده مالك بتنهج ليه كدة يا ابني.. هو في حد كان بيجري وراك ولا ايه 
جاسر انتي بتتريقي دي حقيقة فعلا في بت مفترية كانت عايزة تعضني بس انا نفدت منها باعجوبة..المهم اطلعي يا ياسمين كريم مستنيكي فوق 

ياسمين لا يا جاسر انا اتكسف اطلع لوحدي بيت حد غريب وبعدين انا معرفش نغم دي يمكن كريم يعرفها وواخد عليها انما انا لاااء
سهيلة خلاص ولا تزعلي نفسك انا اطلع معاكي انا وجاسر وبالمرة اشوف العيلة دي اللي كانت بتلعب مع جاسر 
جاسر عيلة اه.. اطلعي بقي اسئلي عليها هتحبيها اوي دي ډمها شرباات وهتحبك من اول نظره بس المهم انك تقوليلها اسمك 
و فعلا طلعت سهيلة هي وياسمين البيت عند نغم..
صقر روح هو قمر ودخل اوضته علشان ينام لكن لقه 
نانسي بتكلمه وعمالة ترغي 
صقر بخنقة انا مش فاهم مش انتي كلمتي مهندس الديكور والمصمم بتاع الفستان وضبطتي كل حاجه بخصوص الفيلا والجنينه. صح 
نانسي ايوة يا بيبي.. انا ظبط كل حاجة 
صقر اومال بقالك ساعتين يا نانسي بتتكلمي في اي حاجة ايه هو استهلاك طاقة وخلاص 
نانسي اخس عليك يا صقري كدة برضو..طب ده انا من اسعد لحظات حياتي لما اكون بتكلم معاك وشايفاك قدام عيني ده انا بحبك اوي 
صقر بملل يا سلام 
عموما ماتقلقيش انا عارف انك بتحبيني واوي كمان 
بس انا عندي شغل ومش فاضي للرغي ده 
نانسي كدة يا روح قلبي.. ده انا بعد الايام علشان نتجوز بقي.. عارف انا نفسي في ايه حالا 
صقر نفخ بزهق الووو نانسي انا مش سامعك.. الووووو
و قفل التليفون في وشهااا وبدا يكلم نفسه ايه الرغي اللي منغير سبب ده هو انا ناقص قرف 
فاجاه وصقر قاعد على السرير لقي الباب بيتفتح ودخل معاذ وهو كان شكله مكشر ومتضايق 
صقر اټصدم ايه ده هو مش المفروض ان قبل ماتدخل اوضة حد تخبط يا معاذ ولا ايه 
معاذ وهو لسه مكشر وقرب وقعد علي السرير بتاعه وقال له ايوه المفروض اعمل كده مع اي احد غريب مش بابا ممكن اعرف بقى انت فين من الصبح 
صقر اتبسط قوي من جواه ان معاذ بدا يتكلم وقرب منه بقى بس حاول يتصنع الحده اولا المفروض تخبط على الباب قبل ما تخش لاي احد حتى انا
ثانيا انا كنت في الشغل يا معاذ ڠصب عني بس اوعدك اول ما اخد اجازة هخرجك في مكان حلو اوي 
معاذ بزعل بس انا مش فارق معايا الخروجه انا زعلان عشان النهارده جدتي فقالتلي ان انت هتتجوز نانسي وتجيبها تعيش هنا 
انا مش بحبها خالص يا صقر..بجد متجبهاش البيت لانها هتمنعني اشوف نغم وقمر انا بحبهم اوي 
صقر قرب منه وحضنه خلاص يا حبيبي..متعيطش وانا هخليك تشوفهم وتقعد معاهم كمان... بس وحياتي عندك اوعي ټعيط تاني يا معاذ..
يلا تعالي انت هتنام في حضڼي النهاردة 
معاذ بفرحة بجد هنام جمبك يا بابي انا عمري ما نمت في حضنك قبل كدة 
صقر بحزن بعد كدة هتنام جمبي علطوول 
واخذ صقر معاذ في حضنه وناموا مع بعض وبدا يكلم نفسه بحزن انا مش هبقي نسخة منك يا بابا 
و اللي زمان خالد عاني منه مش هخلي معاذ يعيشه ابدا
في بيت نغم. 
سهيلة وياسمين طلعوا شقتها وكانت ياسمين مكسوفة اوي وماسكة ايد كريم.. 
كريم مالك يا ياسمين مكسوفة ليه كدة يا بنتي دي نغم هتحبيها اوي.. معندهاش اي مشكلة انك تقعدي عندها اليومين دول. صح يا نغم 
نغم أيوة طبعا.. بقولك ايه يا عن كريم.. سبهالي انت بس وانا هفوقها واخليها تفك كدة. واوعي تقلق عليها ابدا 
سهيلة طب لو مافيهاش رخامة مني ممكن اجي اطمن عليها بكرة مثلا 
نغم أيوة طبعا تعالوا اي وقت.. البيت هينور
و قعدوا كلهم مع بعض شوية وبعدها قام كريم 
كريم طيب انا لازم امشي دلوقتي 
ياسمين پخوف مسكت ايده هتمشي خلاص كدة..ما تخليك شوية 
نغم ليه ما يبات معانا احسن بقي بالمرة. يلا يا كريم انزل روح لصاحبك علشان الوقت اتاخر اوي 
و لو ياسمين مثلا وحشتك ابقي كلمها في التليفون..
يلا يا حبيبي مش ناقصة تلزيق 
......و نغم شبه طردت كريم وسهيلة من الشقة علشان كانت خاېفة احسن خالد يصحي وهما موجودين واخدت ياسمين ودخلت بيها اوضة النوم بتاعتنا علشان تفرجها عليها. 
في اوضة نغم 
نغم ايه رايك يا ستي في اوضتي انتي هتنامي معايا والله يعيني عليكي لو كنتي بترفسي بقي 
ياسمين لا والله انا مش بتحرك خالص..طب بصي انا ممكن انام علي الكنبة دي و..
نغم قاطعتها في الحوار وهي بتضحك ايه يا حاجة 
انتي صدقتي ولا ايه ده انا بهزر معاكي ده انتي تعملي الي نفسك فيه 
ياسمين ابتسمت انتي جميلة اوي يا نغم برغم الفصل اللي انتي عملتيه معايا في التليفون..بس بجد بشكرك انك وافقتي اقعد في بيتك 
عزه باقولك يا ست ياسمين احنا القواعد في البيت هنا ان ما فيش كلمه شكرا كثير 
بس اقولك حاجة يا ياسو ومتزعليش مني..كريم بيحبك اوي 
ياسمين ابتسمت وقالت لها وانا تعبانة يلا ننام بقى 
و فاجاه سمعوا صوت شخص بينادي علي نغم.
ياسمين بكسوف ايه ده.. هو والدك موجود او اخوكي 
نغم بتوتر
هاا لا ابدا.. ده ابن اختي بس كان نايم 
انا هقوم اشوفه حالا 
عزة ابن اختك مين..ده خا
نغم بغيظ عزة يلاا اطلعي برا.. زمان خالتك خاېفة عليكي اوي يلا يا حبيبتي 
و طردت نغم عزة من البيت وسابت ياسمين تنام ودخلت الاوضة عند خالد 
في اوضة خالد 
نغم قربت منه وقعد علي السرير حبيبي كنت بتنادي عليا انت كويس 
خالد وهو مغمض عنيه اممم
و فاجاه شدها من ايديها ونغم وقعت عليه انت بتستهبل ماما في الاوضة اللي جوا يا خالد..و بعدين وريني راسك.... الحمدلله السخنية راحت 
خالد بحبك اوي ولولا اني محترم والدتك كنت اخدت بوسة دلوقتي حالا بس اعمل ايه انا محترم 
نغم بعدت عنه وضحكت انت قليل الادب علفكره 
و يكون في علمك في ضيفة هنا تبع كريم 
خالد بغيظ بس انا قولتلك مش عايز حد منهم يعرف اني هنا يا نغم..افف بقي
نغم خلاص هقولها انك قريبي..او اقولك متخرجش من الاوضة اصلا خالص 
خالد ضربها في كتفها لا والنبي شوال بطاطس هتحبسيه في الاوضة.. بقولك قوليلها اني اخوكي في الرضاعة 
نغم ضحكت جامد طيب اسكت بقي اروح احضرلك الاكل..
و فعلا قعدت جمبه تاكله وقضوا الليل يتكلموا مع بعض لحد ما تعبت ودخلت نامت 
تاني يوم الصبح.. 
في الجنينة.
صقر صحي من النوم واتفاجاه بصوت تكسير..
صقر بخضة حضڼ معاذ بسرعة استر يارب
صقر قرر يسيب معاذ في الاوضة ونزل الجنينة 
و لقه الدنيا مقلوبة والعمال شغالة 
صقر اتنفس براحة وبص ناحية نانسي بغيظ
و نادي پحده نانسي..تعالي هنا علشان عايزك في موضوع 
نانسي قربت منه نعم يا حبيبي.. اخيرا صحيت
ده انا كنت بدعي انك تقوم علشان نفطر مع بعض 
قبل ما تروح شغلك 
صقر انا عايز افهم انتي ازاي تيجي الفيلا وتعملي كل ده منغير ما تستاذنيني ولا انتي فاكرة مثلا ان الفيلا بقت بتاعتك مثلا 
نانسي لاحظ ان صوتك بيعلي والعمال شغالة يا صقر
صقر بعصبية اه ملاحظ ان صوتي بيعلي وملاحظ كمان انك اتعديتي كل حدودك معايا يا نانسي. شكلك نسيتي انا مين.. انا صقر الحديدي... اللي مافيش حاجة تحصل في بيته او في اي حاجة تخصه غير لما يبقي علي علم بيها 
نانسي في ايه يا صقر... ليه العصبية دي كلها ده محصلش حاجة ده انا عاملة كل ده علشان افرحك واجهز لفرحنا انا وانت 
صقر لا ريحي نفسك يا نانسي انا قررت اني مش هعمل فرحي في الفيلاانا هعمله في اكبر قاعة في مصر يارب تكوني ارتاحتي بقي 
نانسي فرحت اوي وحضنت صقر جامد بحبك اوي يا بيبي.. بجد مش عارفة اوصفلك سعادتي ازاي 
.....و فاجأه قصر اخد باله ان قمر موجودة في الجنينة
و الدموع مالية عينيها..
صقر اټصدم وحاول يبعد نانسي عنه قمر ازيك 
تعالي بعيد عن العمال بس..احسن حاجة تيجي عليكي
قمر بحزن لا ابدا..انا تمام با صقر باشا متخفش بس انا كنت جاية اقولك اني مدام سماح قاعدة مستنياك جوا 
نانسي كويس انك المرة دي عرفتي مكانته ومكانتك يا قمر وبعدين لما اكون واقفة مع خطيبي اوعي تقطعي الحوار تاني... صقر البنت دي ايه اللي جابها هنا تاني بعد ما اترفدت 
قمر بغيظ انا مترفدش يا ننوسة انا سبت الشغل بمزاجي ورجعت الصعيد..و اديني جيت تاني برضوو عاشان كانوا محتاجني هنا اوي 
....صقر كان عمال يضحك جامد علي كلام قمر وبيحاول يداري وشه 
نانسي بعصبية اي يا صقر..انت بتضحك بدل ما تزعقلها علي طريقتها دي. 
صقر حاول يوقف ضحكه احم..قمر بعد اذنك متوجهيش اي كلام لنانسي خالص
و انتي يا نانسي انا اللي طلبت منها الفتره دي بتشتغل معايا وتفضل مع معاذ عشان انا مشغول عنه جدا في الشغل وفي تجهيز الفرح وهو حالته النفسيه بقت وحشه بس دي كل الحكايه
نانسي ايوه صح طبعا يا حييبي نفسية معاذ هي اهم حاجة.. بس كان المفروض تقولي واعرف انها رجعت ثاني تشتغل عندنا دادة لمعاذ..مش كدة برضو يا بيبي 
قمر بغيظ اللهم طولك يا روح.. باقولك ايه يا صقر بيه انت قلتلي اسكتي وما توجهليش كلام للعروسة بتاعتك.. خليها هي كمان تحترمني 
صقر ما هو انتي لو كنت سكتي خمس ثواني كنت رديت عليها يا ست قمر نانسي لو سمحت ما تواجهيش اي كلام لقمر تماما 
واتفضلي يا قمر اطلعي اوضه معاذ
صحيه من النوم واقعدي معاه ونزليه يفطر..وانتي يا نانسي استنيني هنا عقبال ما اغير هدومي والفطار يجهز ونفطر سوا..
في الاوضة عند عساف.. في المستشفي 
عساف مسك راسه بتعب هو انا فين انا ليه دماغي ۏجعاني كدة 
اسامه بهزار يا اخي حمد لله على السلامه قلقتني عليك
الدكتور قال انك من كتر الضغط علي اعصابك مخك فصل 
عساف فصل ازاي يعني هو انا بطارية.. هو ايه حصل لكل ده وانت ايه اللي جابك هنا انت التاني 
يوسف بضحك ايه الطريقة دي.. اكيد جيت اطمن عليك يعني ممكن افهم بقي كنت بتتخانق مع مين ووقعت 
الوقعة دي 
عساف بستغراب وانت مالك اتخانقت مع مين وجاي تشوفني ليه.....
علشان انت بتحبني قوي وبيخاف علياا باقولك ايه اطلع بره روح جهز لفرحك اللي فاضل له اقل من اسبوعين 
يوسف بص انا مش هرد عليك دلوقت عشان انت تعبان بس يكون في علمك انا