رواية الوقوع في الغرام كاملة (جميع فصول الرواية) بقلم هند الحجار

ايوا يعنى انتوا خاطفنى هتعملوا بيا اى افهم بس !
كنت قاعدة فى عربية كبيرة لونها اسود بصلى واحد منهم وقال بزعيق 
انتى مبتعرفيش تسكتى من ساعة ما ركبناكى العربية وانتى نازلة رغى رغى قولتلك هتعرفى كل حاجة أما تقابلى الكبير بتاعنا 
قولت وانا باكل الساندوتش اللى كان معايا 
انا معرفش ي خويا انت معصب نفسك لى وانت شبه حسين فهمى كدا ما تخليك زى صاحبك اللى سايق العربية ده شوفت هادى وجميل ازاى 
صاحبه بصلى بأبتسامة لطيفة وقال 
تسلميلى ي قمراية انا فعلا أسمى هادى
ضحكت ليه وقولت 
اسم على مسمى سبحان الله

مديت ايدى ليه بالاكل وقولتله 
تاكل
اتكلم وهو بيسوق 
شكرا ي قمر لسة واكل
كان بيبصلنا التانى وعنيه بتطلع شرار اتكلم وهو بيحاول يكتم غيظه وقال 
هادى احنا خاطفينها ي حبيبى مش رايحين نفسحها اتلم شوية
اتكلم هادى وهو بيبتسم 
والله دى شكلها لطيف ي لؤى
اول ما سمعت الاسم ضحكت وقولت 
كمان اسمك لؤى والله ما باين عليك
بصلى وقال 
وحيات ربنا انا لولا الكبير عاوزك حية لكنت قتلتك وارتحت منك
بصيت بطفولية وقولت 
شوفت ي هادى صاحبك عاوز يقتلنى يرضيك
اتكلم وهو بيبصلى 
ملكيش دعوة بيه هو كدا غلس اتكلمى معايا أنا بس 
ضحكت وطلعت للؤى لسانى راح مطلع المسډس ووجهو لدماغى 
وحيات ربنا شكل موتك على أيدى
بلعت ريقى واتكلمت پخوف 
فى اى بس ي عم لؤى أهدى كدا اللى انت عاوزه هيحصل ي باشا
قال ببرود 
مسمعش صوتك لحد ما نوصل فاهمة
عيونى ليك يابا والله ولا هنطق بولا كلمة
نزل المسډس من عليا وحطه فى جيبه وانا ساكتة وبدعى ربنا انو يعدى الموضوع ده على خير
لؤى بصلى وهو بيبرقلى أما هادى فكان بيضحك بصيت للؤى وحطيت ايدى على بوقى
اهو اتكتمت خلاص
الجو كان هادى وانا الصراحة كنت تعبانة اوى والوقت كان ١٢ بالليل لقتنى نمت من التعب بعد شوية سمعت صوت حد وهو بيصحينى بهدوء فتحت عيونى لقيته هادى 
قومى يلا ي هند وصلنا
قولت بنوم 
سبنى شوية بس صغيرة
اتكلم وهو بيضحك 
لؤى هيجى يقتلنى ويقتلك قومى بقاا
فتحت عيونى علطول وقولت وانا بدور عليه 
إلا هو فين صحيح
قال بهدوء 
دخل جوا القصر يلا بقاا
طلعت معاه لقيت نفسى فى جنينة كبيرة ده اى ده انا فى الجنة ولا اى اى الحلاوة دى كلها
قولت وانا ماشية مع هادى
بقولك اى ما تخطفونى عندكم علطول
هادى ضحك عليا وقال 
لا ما انتى شكلك مطولة معانا
قولت وانا فرحانة 
الله انا بحب الحاجات دى اوى
هادى قال 
طب أهدى عاشان الكبير عصبى اوى
هو صحيح مين الكبير اللى عاوزنى ده انتوا هتموتونى ولا اى
ابتسم وقال بلطف 
احنا مش بڼموت حد على فكرة اطمنى
كنت محتارة انا فين ومين الكبير اللى عاوزنى ده وانا هنا بعمل اى واى الحياة اللى انا فيها دى كلها 
يعنى اى تليفونها مقفول ما تعمل حاجة ي محمد البت راحت فين والله أما اشوفك ي هند لامۏتك لان انا قولتلك متنزليش فى الوقت ده وانتى طول عمرك قاطعة قلبى ومبتسمعيش الكلام 
متقلقيش ي ماما انا هنزل ادور عليها ولو كدا هبلغ القسم هنلاقيها أن شاء الله 
اتكلمت الام بحزن 
يارب روحتى فين بس ي بنتى
قدام باب القصر كان مليان حرس كتير وفى كل مكان وكل واحد ماسك سلاح قولت پخوف 
يلهوى اى ده بنى ادمين دول ولا ديناصورات
هادى اتكلم وهو بيمسك ايدى 
مټخافيش تعالى وفجأة باب القصر انفتح لوحده قدامى
ي حلاوة يولاد الباب اتفتح لوحده
دخلت جوة انبهرت بالجمال اللى انا ماشية فيه اى ده بجد السلم كأنه معمول من دهب ده انا اكيد بحلم والله 
شوفت لؤى واقف جنب واحد واقف بضهره قولت 
وحشتنى والله ي لؤى انت كنت فين ي راجل
كان ساكت ومش بيضحك
قولت لهادى بهمس 
ده صاحبك ده كئيب اقسم بالله
هادى اتكلم بنفس الهمس 
بس عاشان الكبير بيسمع دبة النملة
فجأة دور وشه ليا وقال 
ازيك ي هند عاملة اى
بصيت پصدمة كبيرة !!!!!!
و
بصيت پصدمة كبيرة وقولت 
هو انت !!!
ابتسم بخبث وقال 
كنتى مفكرة انك هتخلصى منى كدا بسهولة انتى عجبتينى وانا مفيش حاجة بتعجبنى مش باخدها 
اتكلمت بثبات 
وطلبك مرفوض ي استاذ يوسف انا قولتلك إن رافضة إن اتجوز ما هو معلش الجواز مش بالعافية انت جيت واتقدمتلى وانا رفضت يبقا خلاص تقوم تخطفنى وكل ده انا مبحبش الشغل ده لو سمحت روحنى 
قرب منى ووقف قدامى واتكلم 
حتى بعد كل اللى عرفتيه وشوفتيه ده انا كنت متقدملك على انى انسان بسيط زيك وانا مش كدا 
قولت وانا بربع ايدى 
وانا عمرى ما همنى الفلوس ولا حتى يهمنى انت عندك اى أساسا ولو سمحت انا لسة مصرة على رأيى وروحنى 
مسك دراعى بقوة وقال بعصبية وزعيق 
لييه هااا ليه رفضانى اظن ان اى بنت تتمنا أنها تتجوز واحد زيى شكل وعندى فلوس وعندى الحمد لله ليه رفضانى من قبل ما تعرفينى قولتلك انتى عجبتينى وانا مش هضيعك من ايدى ابدا فاهمة 
مش يمكن أما تعرفنى بجد متحبنيش ميغركش المظاهر ي استاذ يوسف اهم حاجة اللى جوا مش اللى برا يمكن انا من برااا جميلة وحلوة وانت منبهر بجمالى بس جايز تزهق منى بعدين جايز أما تعرفنى كويس وتعرف شخصيتى متحبهاش يمكن صحيح اى بنت تتمنا واحد زيك بس سامحنى البنت دى مش أنا صدقنى فى بنات احسن منى الف مرة روحنى واكيد نصيبك مع حد احسن 
بصلى وسكت وسااب دراعى وقال بزعيق 
هاااااادى
هادى جه عنده وقال بثقة 
نعم ي يوسف
ودى هند اوضتها تستريح شوية وخلى فيه واحدة قدام باب اوضتها تحرسها وخلى بالك كويس ي هادى فاهم ومفيش راجل واحد يهوب ناحيتها 
هادى سمع الكلام وانا كنت ساكتة وبصاله وقولت 
على فكرة فى حكومة وقانون فى البلد بلاش تودى نفسك فى داهية عاشان واحدة زيى 
ضحك على كلامى ولؤى كمان ضحك وقال 
يخربيت هبلك
بصيت للؤى بغيظ وهادى خدنى وانا طلعت معاه وبفكر اهرب ازاى من اللى انا فيه بصيت حوليا لقيت القصر كله بيبان مقفولة طلعت على السلم اللى كأنه مصنوع من الدهب ده هادى قال وانا طالعة معاه 
مش قولتلك إن شكلك مطول معانا
اتكلمت وانا طالعة وخاېفة اقع 
طب اسكت لحسن انا معرفش اى عالم الاحلام اللى انا دخلته ده هى امى واخويا هيعرفوا يوصلولى يا ترى عاملين اى دلوقتى 
بس مينفعش نعمل بلاغ الا بعد ٤٨ ساعة من اختفائها
يعنى اى ي بنى لسة هنستنا يوم كمان انا متأكدة إن بنتى اتخطفت اعملوا اى حاجة
اتكلم الظابط بحزن