رواية بنت ابوها (من الفصل السادس عشر 16 إلى الفصل العشرون 20) بقلم سندس الأسمر

ازا بتوزع البقية 
يزن اي بتأمر
عند قاسم 
صار ينط متل ولاد صغار عل تخت
قاسم ليقتها لقيتها بفوت ابوه وامو لعندو 
ابو قاسم شو صايرلك 
قاسم لقيتها لقيتها 
ام قاسم بفرح شو لقيت مصاري 
ابو قاسم خالص الولد ولا فيوز نزيل ياجحش هلق بتكسر السرير 
قاسم وكأنو بمكان تاني عم ينط وفرحان لينكسر سرير يصير عل ارض 
ابو قاسم يلاا اندفس بلأرض 
ام قاسم يبعتلك ضړبة اييه عل شو هلجنان مابتمد ايدك عل شي الا تكسرو 
ابو قاسم ههههه لو مخلفين جاجة كنا استفدنا اما هاد خسارة بخسارة
ايمن بتوصل عل مقپرة وبتنزل الزريعة وبضلة عم تمشي لتوصل لقبر امها 
ايمن كيفك ميرالو اشتقتيلي وانا اشتقتلك يعرب بدو يجي لعندك يعني مشان ما تفكري نسيكي بس بعدو تعبان شوي شوفي شو جبتلك ريحتها بترد الروحبتقرب تحفر بلقبر بعرف ما رح ترجعي هههه بتشيل شتلة من لزريعة وبتزرعها بس حسيتها بتشبه ريحتك الغراضك الي عطاني ياهن ابو ايمن كلهن فيهن هلريحة مشان هيك تزكرتك الباقي رح ازرعهن قدام ابو ايمن ههه لشوف الفيلسوف رح يتذكر متلي تشارطي اصلن انا نسيتو كل شي فااااا ماكتير تتأمليبتحمل قنينة مي وبتسقي القپر وبتقرألها الفاتحة باياتك ميروو 
كريم من بعيد شو هل مچنون هاد 
بتطلع ولمسا قبل ما ترجع عل بيت بتنزل عند حديقة المجمع بتلاقي الحارس علباب 
الحارس اهلا وسهلا ستن 
ايمن بس بس شو صرلك كنت روحتنا بشربت مي الحارسليش لاتقولي ماعجبو شغل 
ايمن عجبو كتير يااالطيف قديش عجبو شغلك بجنن بس لما بكون مع حدا لا تحاكيني انا ما قلتلك زاحت نظرها يمين وشمال تتأكد ماحدا سامعها قلتلك لا تلفت انظار علينا اوعك مننكشف ها ومشيت من جنبو 
الحارس اي تكرمي بعد ما مشيت شو بدو ينكشف شو عم نعمل ليش 
كريم مرحبا 
الحارس اهلين 
كريم دخلك هاد الي فات قرايبك شي 
الحارس مين هاد 
كريم ابو طاقية سودا شو بتعرف عنو 
الحارس بيرفع ايديه مابعرف شي انا شو بدو يعرفني فيه 
كريم صرلك ساعتين عم تكرو وشي تتوشوشو 
الحارس ماحصل هلق انت شو بدك مني بدك تفوت تتسلالك ساعتين تفضل ما بدك الله يسرلك 
كريم روق روق شبنا هوي خاطب من عنا بس يعني مشان هيك عم اسألك بدنا نعرف اخلاقو مسموعياتو 
الحارس هههههههه مين هاد الي خاطب ههههههههه روح عمي روح مابعرف حدا انا بفتل الحارس وهوي عم يطلع بكريم ويضحك قال خاطب قال هههههههههه
كريم شو صرلو هاد تاني بس الا مالاقيه عليك شي يا ايمن بفوت وراها بلاقيها عم تزرع باقي الزريعة 
كريم شو عم تعمل 
ايمن بترفع راسها متفاجأة نعم 
كريم عم اسألك شو عم تعمل هون 
ايمن ليش سؤالك يعني 
كريم اااااه هيك ماعندك شغل جاية تحرث الحديقة 
بتوقف ايمن وهية عم تنفض ايديها مع انو مادخلك بس رح جاوبك مشان ماتموت بحسرتك عم ازرع زريعة مشان ابو ايمن بس يجي يرتاح يشوف منظر حلو 
كريم هههههههههههههههههههههههههههه وابو ايمن تبعك حاجز الالحديقة كلها 
ايمن دمك تقيل قد ماحاولت لا ابو ايمن بيجي برتاح هون 
كريم بصير يضحك اكتر 
كريم بربك كمان طيب كنت قلي ههههههه في غيمتين بيمرقو من هون كل يوم بقلهن يوقفو فوق ابو ايمن مشان ما يشوب هههههههههه
ايمناي كتر خيرك انا رح امشي مشان ما ټموت ضحك 
كريم عم يضرب عل رجلو ويضحك اخخخ ياربي تعال تعال لقلك بحط ايدو عل كتفها 
ايمن بتشلها شو بدك خير 
كريم بيحب صوت العصافير ولا نخرسهن هههههه
ايمن اذا بتخدمنا وبتخرس انت بكون تمام وبتمشي عل مكتب
بيوصلو ورا بعض 
ايمن مسا الخير هي مفاتيح تصبح عل خير 
يزن خليهن عندك مو ضروري كل يوم تعطيني ياهن 
كريم بركي ابو ايمن ادايق من صوت المفاتيح هههه
ايمن جبلو ليمونة يزن الزناخا زايدة عندو باي 
كريم وهوي عم يتصنع الدلع باااي 
يزن شو صاير معكن 
كريم مو صاير شي ليك انت شو بتعرف عنو لهل افندي لحتا شغلتو عندك 
يزن بيعرف يسوق وماوصل عليه ولا شكوة ليش عم تسأل 
كريم قلت مفضلو عن الكل شو سر الخلطة الي بشربك ياها حتا تشغلو هوي وتقلع رفيقي ليكون واسطة تقيلة 
يزن استغفر الله منك كريم اخر مرة رح اشرحلك ياها انا مو مفضلو عن حدا ورفيقك اشتغل كرمالك شو بدك منو بقا 
كريم شفت كيف نط عرقك عل كل حال تتهنا انت وهوي شباع فيه ومشي 
يزن كريم كريم تعال بدنا نسهر كريم 
كريم نادي ايمن وابوه لا تبعتلي شي مو فاضي بدي دور عل اهلي بركي بلاقيقلي حدا انا كمان 
يزن بغص من حكي كريم اي انقلع عليك وعلى ابوك وين ماكان مو الحق عليك 
بيصل ابو خالد شبك لك ابو الزوز صاير تحاكي حالك 
يزن الجحش كريم كان هون 
ابو خالد لساه حردان 
يزن لرجلي مابتعرفو بس دقو الحيونة بردح متل المطلقة 
ابو خالد هههههه اي والله وينو ابو نضال كمان 
يزن مو جاية بدو يشتغل اضافي بلمطعم اليوم 
ابو خالد الله يعطيه العافية ويشفيلو هلبنت لكن وانا رايح بتأمرني بشي 
يزن في كم طلب تعال نقضيهن انا وياك
بلبيت 
ايمن مرحبا غالي 
ابو ايمن اهلين ياروحي 
ايمن جبت معي بامية بتعرف تعملها 
ابو ايمن لأ ليش جايبتيها مابتعرفي تعمليون 
ايمن اي هلق بتصل لسمير بعلمني او لام محمد بتعرف اشتقتلا بس خجلانة حاكيها 
ابو ايمن ليش 
ايمن من وقت طلعنا من البيت ماحاكيتا 
ابو ايمن لازم تخجلي بس ان تأتي متأخر خيرا من لا تأتي ابدا 
ايمن اوكيتو بتحمل جوالة وبترن لترد عليها من جهة تانية 
ام محمد الوو مين معي 
ايمن المئذية يلي بضلا معذبتك 
ام محمد بفرحة وصدمة ايمن !!!!هاد انتي 
ايمن ليش في غيري عم يعذبك هل ايام 
ام محمد تقبري قلبي ياعمري وينك كيفك وكيف ابوكي طمنوني انتو مناح ياروحي 
ايمن هههه اي احنا مناح خالتي مناح كيفك انت خالتي شو اخبارك 
ام محمد هلق صرت منيحة بس سمعت صوتك هيك بتنسيني يابنتي هيك بتبطلي تسألي علي عم دقلكن انت والبيك ماحدا بيرد
ايمن بتحمل الغراض وبتفوت عل مطبخ وهية عم تحاول تخفي تأثرها قدام ابوها حقك على راسي من فوق ياعمري ومستحيل انساكي ظروف الي صارت مع بابا خلتني ما اعرف شو ساوي سامحيني خالتي الله يوفقك 
ام محمد مسامحتك بنتي مسامحتك 
ايمنكنت قاعدة انا ابو ايمن قلتلو مشتهية بامية من تحت ايدين خالة ام محمد جبت غراضها بس ماعرفت اعملها بتدليني كيف 
ام محمد اي تكرمي من عيوني واذا بدك بجي براسي بعملك شو ما بدك 
ايمن عنجد !خلص لكن ما رح اعملها لتجي انتي مشتاقتلك خيرات الله ايمت بدك تجي 
ام محمد بكرا انشالله 
ايمن بتنوري روحي بتتفقد اذا ابو ايمن سامعها وبترجع تحكي بصوت نايص خالتي بدي اسألك سؤال 
ام محمد امريني 
ايمن فتون شلون سقطت الولد يعني وقعت او مرضت من ايمتا بتعرفي انتي 
ام محمد اخخ يابنتي مابعرف شو بدي قول مو هية ما 
بقاطعها صوت فتون 
فتون ام بطيخ طرشانة 
ام محمد اي حاضر مدام 
موجهة كلامها لأيمن اي بنتي بحاكيكي بعدين لازم قلك شي مهم كتير ايي اوعك ما تحاكيني 
ايمن اي اي مو مشكلة ما رح دايقق هلق وبكرا بجي انا باخدك اي بس تخلصي حاكيني 
ام محمد ماشي الله معك 
بتسكر ايمن وهية مشغول بالها اكتر من قبل 
بتطلع عند ابوها شاردة 
ابو ايمن شو صار معك ليش هيك وجهك انقلب 
ايمن ولا شي بس زعلت من حالي وقت شفت قديش مشتاقتلي تاكل بيض 
ابو ايمن ليش عندك خيار تاني 
بنت ابوها
سندس الاسمر
الجزء العشرون
بلمكتب 
قاعدين الشباب عم يستنو بفوت حاتم وماسك بأيدو طفلة صغيرة حاطة طاقيةوملامح وجها تعبانة وباهتة 
حاتم صباح الخير شباب 
الكل صباح النور 
ايمن دغري اجت عينها عل نغم 
ايمن لاتقلي انها هي هية 
حاتم مين هية 
ايمن ولوو الأميرة نغم 
نغم بتضحك بخجل وبتتخبا ورا ابوها 
حاتم بيبتسم اي اي هية بس احنا مخبينها من معجبين 
ايمن اميرتك خجولة ولا ما بتحب تسلم 
نغم من ورا ابوهامرحبا 
يزن انا ما سمعت شي رح قرب بركي بسمع 
بقرب منها 
ايمن اي ياعمي ياريتني يزن 
يزن نغومة سلمي على ايمن 
نغم بتقرب وبتلمس طراف اصابعها من ايمن لتمسك ايدها بلسلام
ايمن لما بتحس قديش ايديها ضعاف بتغرغر الدمعا بطرف عينها بس ما بتبينها بتبتسم وبضما 
اهلين نغومة انت كتييير حلوة 
نغم شكرا وبتركد لعند ابوها 
حاتم نغم قال بدها تسلم عليكن قبل ما نروح عل دكتور 
كريم اهلا وسهلا بنغمات كلها شو يا عمو كريم مالو حصة بتركد لعندو كانت عم تتنقل بيناتهن وكانها بنتن كلون وكل شوي تروح لحضن حدا 
ابو كاسم تعي تعي الله يخليلي ياكي اشتقنالك يا مأروطة 
نغم عمو شو مأروطة 
ابو كاسم يكركرها وهية عم تضحك من قلبها 
حاتم في شغل اليوم 
يزن لا مافي الك للمسا 
حاتم لكن يلله ياعمري خلينا نروح 
نغم بتختفي ضحكتها وبتتخبا بحضن يزن 
نغم مابدي روح هلق بعدين عمو يزن خليني عندك 
يزن خلصي دكتور وتعالي بدي اخدك احلى مشوار اتفقنا بس هلق عندي شغل 
ايمن كانت عم تطلع عل نغم ونفسها تبكي عل نظراتها الخاېفة قررت تهرب 
ايمن انا خليني امشي في شغل 
يزن اي فيه هلق ببعتلك بس بكير شي ربع ساعةبوجه كلامو لكريم بمسخرة ازا ما عندك دوارا عل اهلك اليوم طلبك بعد عشر دقايق 
كريم ليش مادريت مو طلعت انا ابن حرام ازا بتتكرم علينا بطلع
يزن بعصبية ضب لسانك كريم 
كريم ليش مو هي الحقيقة انا زلمة ماتشرفو اهلي فيني ليش ليتشرف غيروهن
ايمن بتدخل لما بتشوف نغم زاد خۏفها من عياطهن نغم حبيبتي شو رأيك ورجيكي سيارتي رح تعجبك كتير 
نغم بتطلع بأبوها مستأذنة 
حاتم روحي بابا 
بتمسك ايد ايمن وبيطلعو لبرا 
يزن اول ما بيطلعو انت غبي ما بتقدر تلم لسانك قدام البنت 
كريم خليها توعا من هلق مو احسن ما تتعشم بناس وبعدين تطلع فافوش 
يزن اقسم بلله ياكريم ازا ما بتفضها سيرة ل 
كريم لشوو لتضربني لشوو يزن كنت زعلان عل مرضي تبعك هي بعدنالك عنو 
ابو كاسم شو صاير بيناتكن 
يزن اي طيب تصطفل طلبك عندك حبيت تروح الله معك ماحبيت كمان الله معك 
كريم وهي تقلعنا اليوم الله يستر ما تقلعنا من مكتب كلو مشان حضرتو دير بالك عل حالك ابو نضال 
حاتم انت الي دير بالك حل حالك وحاج قلة عقل 
كريم اي بتأمر انت تاني
بيطلع عل شغلو وبيلحقو حاتم عند ايمن 
حاتم انبسطي ياروحي 
نغم اي قال عمو بدو يعلمني سوق متلو 
ايمن ما اتفقنا تناديلي ايمن وبس 
حاتم حلو كتير يلله قومي نروح وبس ترجعي رح خليكي
تتعلمي من عمو كل شي 
نغم رجعتلا ملامح الخۏف لسا ما صارة الساعة منيح بعدين منروح بدي ضل مع عمو 
ايمن انا رح استناكي اكيد ياعمري بس هلق لازم تروحي وتاخدي دواكي مشان ترجعي قوية وكبيرة 
نغم بس دوا ما بخليني قوية بس بوجعلي بطني وراسي مابدي روح بابا حباب خليني هون 
ايمن بتنزل لعندها خليه سر بيناتنة انتي خاېفة 
نغم بتهز راسة بلأيجاب قلو ما