رواية صدمة العمر(مقدمه والفصل الأول 1)بقلم علا نزير Ola Nazer حصريه وكاملة

انت في الصفحة 8 من 10 صفحات

جنب بعض وصافنين بشلال المي صافي ..
يزن بتعرفي ازا الله رزقني بنت شو بدي سميها !
وئام شو
يزن بحر !
وئام بحر ليش هالاسم لغريب !
يزن لبحر مافي متل صفاء مائو وجمالو وكل مين شافو اتعجب من جمال الخالق العظيم ..
وئام بس غدار ..
يزن ازا ماقربتي منو مابيغدرك ..
وئام اممم صح ..هو نصير لبعض وكلشي بدك ياه بصير ..
يزن قريبا جدا ..

بتطلع فيه وبتبتسملو بكل حب ..وهو كذلك لامر ..
باااك....
بتفتح عيونها بعد ماخطرت عبالها هالزكرة لبسيطة ويلي بالنسبة الها اعظم شي ممكن تخبي جوا زكرياتها ...
وئام هالمكان بيشهد اديش حبنا عظيم وكبير ! هالمكان شهد على قصة حب اسطورية بيناتنا
هون وعدنا بعض انو نكون سوا وماخلفنا بهالشي وصرنا ..واخترنا اسماء ولادنا وقريبا رح نحقق هالشي ..انا بتمنى ياربي ماانحرم من يزن بكل حياتي

بتقعد عشر دقايق بهالمكان وبتتفتل فيه وبعدين بترجع عالبيت ...
بعد ساعتين ...
طالعة من سوبر ماركت ..بعد ماخلصت شغلها ...بترفع تلفون وبتتصل برأفت ...
رأفت اهلين بالوليتنا الغالية...
ليمار كيفك رأفت
رأفت مشتاق لهالوجه الحلو ..
ليمار هلق شيلنا من كلامك المعسول يلي مو وقتو وخلينا بالمهم ..
رأفت شو هو المهم يامهجة قلبي ..

ليمار شو مشان بكرا كلشي جاهز !
رأفت له ياليمار معقول مايكون جاهز كلشي بدك صار وعال 24 ..
ليمار بدي يكون كلشي تمام مابدي اي غلط ..
رأفت ولو لعيونك ..بس ليكي ازا لقطة محرزة بدك تسمحيلنا فيها ...
ليمار ههههه اي ع حسابك رئوفتي ..
رأفت لك دخيل قلبك شو بحبك ..
ليمار هههه تحبك لعافية انت ساويلي يلي بدي ياه وبوعدك لخليك تحبني اكتر ..

رأفت صار ياروح الروح ..
ليمار يلا قحط منحكي بكرا ..
رأفت ماشي سلام....
بتسكر لخط ...وبتضحك بشړ ..
ليمار قربت ياوئام قربت ..ونهايتك ع أيدي قريبا ....
بتأشر لتكسي وبتطلع بتروح عالبيت ....
بالضيعة ...
حل المساء وصار لهدوء وضو القمر يلي منور الكون ...
قاعدين وئام وعيلتها قدام لبيت وعم يتحادثو ...
عبير يعني هلق عنجد بكرا بدك تروحي !

وئام اي والله ياماما لازم روح..
عبير اي شو هالزيارة هي اي ماحسينا فيكي ..
وئام وعد ماعاد اقطعكم متل قبل بس بتعرفي شغلي ماما هونيك...
عبير اخ يابنتي انا ليش شو مسكتني غير هالشي مابدي وقف بوجه لحلم يلي كنتي عم تسعيلو ...
وئام يخليلي ياكي ياروحي انتي ..
نيار لمهم تضلي تطمنينا عنك وتديري بالك على حالك كتير منيح...

وئام انشالله بابا ..
نيار رح اشتقلك كتير والله .
وئام وانا ياروحي ..
نيار رح وصلك انا بكرا عالكراجات مابدي تروحي لحالك !
وئام ماشي ياروحي يخليلي ياك يارب ...
عبير لكن قومي ياامي ارتاحي ونامي مشان سفرك بكرا ..
وئام هو هيك يلا تصبحو على خير يااغلى شي بحياتي ..
الكلوانتي بخير ..
بتروح وئام على غرفتها وبتبعت ليزن رسالة انو بكرا رح تجي وبعدها بتحط راسها وبتنام وبتروح بنوم عميق ...
برا ...
نيار شبك عبير !
عبير بتصدق ازا بقلك اني مو مرتاحة لروحتها بكرا ..
نيار حبيبتي انتي لانك مو رايدتيها تروح لهيك حاسة بهالشي لاتخافي كلو وساويس ..
عبير مابعرف يانيار كل ماعم فكر انو رح تروح بكرا قلبي بيقمطني ..
نيار استهدي بالله وادعيلها يامخلوقة ...
عبير الله يسرلها يارب ولايضرنا فيها ..
نيار قومي ماما بتكوني تعبتي ليوم لهيك ماعم تعرفي شوفيكي فوتي ارتاحي ..
عبير بتكتفي بهز راسها وبتروح وهي حاسة قلبها عم يفور ويغلي ..وكانو احساس لام اشتغل بهالحظة ...وبيقومو كل واحد فيهن وبيروح بيحط راسو وبينام .....
تاني يوم الصبح .....
وئام لك يلا يانياار رح اتأخر عالباص هلق مابعود بلاقي