رواية صدمة العمر(الفصل الثاني2) بقلم ola Nazer حصريه وكاملة

اديشني محظوظة بهالاخت ! ياترى بكرا وقت زواجي اديش رح تفرحلي وتشاركني لحظات حياتي ...پتبكي ڠصب عنها رح تكون سندي ! رح تكون لاخت يلي ماولدتها امي ! كنت خاف احسد حالي عليكي . بس بالاخير ! هيك ! وبتطلعي حقودة !وفوقا بتحبي خطيبي !!!
ليمار ههههه بالفعل قصة حزينة عنجد دمعت عيني !! رح تنسي انو يزن خطيبك رح خليه يكرهك ! وينساكي واتزوجو انا ونعيش سوا بالبيت يلي حلمتي فيه وبالبيت يلي انتي جهزتيه ! ورح البس لبدلة يلي اخترتيها ! ورح حط لاغاني يلي انتي متفقة معو عليها رح قدملك اكبر خذلان بحياتك ! لتكوني عبرة انك ماتتعدي ع املاك ليمار !!!!

بتقول هالكلام وبتطلع من لغرفة وبتأمر رأفت بقفل لباب ....
رأفت وهلق شوي ناوية ستنا !
ليمار اتركلي ياها اسبوع عندك وبعدها شغلنا رح يبلش !
رأفت بدك ياني ابقى اسبوع مع بنت لحالي !
ليمار بعصبيةايييي !! ليكون خايفلي على حالك 
رأفت لا بس لبنت حلوة كتير وفهمك كفاية !
ليمار امم بيجي لوقت وبقلك خدها
رأفت وهاليوم بعيد ولاقريب !
ليمار لاتستعجل كتير ! نفذ يلي طلبتو وبس ..
رأفت بأمر الحلوين انا 
ليمار يلا سلام ....
بتطلع من لبيت وبتروح بتركب تكسي وبتنطلق عالبيت ......
رأفت والله ونقشت معك يارأفت ايييه يسعد الله على هالحظ ....
وبيرفع مسبحتو وبيلوح فيها وبيغني...
رأفت وسسع وسيع ..
وبيمشي وهو عم يغني على غرفتو ......
عند وئام .........
بعد مافكوها وتسطحت عل تخت ...كانت متسطحة وصافنة ومافي غير دموعها يلي عم تعبر عن حجم الخيبة يلي تلقتها ! ومن مين !! من انسانة اتخذتها اخت لألها 
وئام ليش ياربي هيك صار ليش !! شو ذنبي اني وثقت فيها واعتبرتا اختي ! وكنت صادقة معها بكلشي ! لك ياما شاركتا افراحي واحزاني وكانت اول من يسندني لهدرجة كلو هاد كان تمثيل وخدعة !! لهدرجة انا حدا منحوس ياربي انا شو عاملة لحتى هيك يصير فيني !!
ياربي ازا كان هالشي حلم طالعني منو لانو كابوس والله كابوس ومرعب......
وپتبكي بشهقات متتالية ..وكانت كلها خوف من يلي مستنيها .....
بعد مرور اسبوع ........
بيكون اعد بالحديقة وحاطت راسو بين ايديه ..وعم يهز رجليه بتوتر ...
ليمار يزن ممكن تهدا بقا !
بيرفع راسو وبيطلع فيها بعيون ! وبيحكي بصوت مجروح !
يزن اهدى ! لك عن اني هدوووء عم تحكي انتي ! لك هي روحي وعمري ! فجأة اختفت ! لك شرطة عجزت تلاقيها !!! لك اهلها ليوم نازلين من الضيعة ! مشان لقصة ...
ليمار ليش عرفو 
يزن اي انا خبرتن مبارح ...لان لموضوع ماعاد فيو يتخبى اخترعت حجج لشبعت بس شغلة وضحت وماعاد تتخبا !
ليمار شو ناوي تعمل طيب !
يزن ليش قدران ساوي شي وماساويته ! لك حاسس روحي عم تطلع ! لك متخيلة حجم لخيبة ولكسرة يلي انا حاسسها ! لك كنت مبسوط لرجعتها ! رح قلا اخيرا رح نتزوج !! بس هيك وبكل بساطة بيختفي كلشي ! ليش هيك صار ليييش !! انا شو عامل لحتى هيك يصير فيني .
ليمار يزن خليك قوي وانشالله وئام بخير ...ورح ترجعنا خلي املك بربك كبير ! انت ادعي مايكون حدا اذيها ..
يزن بكسرة وخيبةياترى كيف وضعها ! عم يعطوها دواها ! هيه بحالة خاصة ! ياترى فهمو انو هيه مريضة قلب !! ياترى عم يعتنو فيها ! لك مييين يلي اخدهااا مني مييييييين....
ليمار اكيد اكيد قدرو وضعها بس انت اهدى ...
يزن