رواية صدمة العمر(الفصل الثاني2) بقلم ola Nazer حصريه وكاملة

هالقصة صرلها سنين ..ماضروري يكون زين هو بزات ورا اختفاءها ...
يزن معك حق ...بس من كتر تفكير ولقلق يلي مسيطر عليي ماعادت اعرف شو اعمل !! 
عبير الله يردلنا ياها بسلامة ....
ليمار بقلبااوووف انا كان ناقصني جيتهن لهدول يلي فاتحيلي عزا بالبيت ! لك انا بنتن مو مصدقة ايمت اخلص منها بحياتي !! لحتى هنن اجو وكبسو على نفسي ....
يزن طيب انا بستأذن منكن ..لازم امشي ..
ليمار لوين يزونة قاعدين ..
يزن غير مرة ! يلا سلامات ...
الكل سلام ...
بيروح يزن وبتلحقو ليمار وبتوقف معو عالباب ...
يزن ليمار مابدي وصيكي انتبهي كتير على مرت عمي شفتيها كيف حالتها ..

ليمار ولايهمك يزونة ..تكرم بعدين هي امها للرفيقتي لغالية ..
يزن دخيل قلبك ياليمار والله انتي مافي منك ..
بتبتسملو ليمار بحب ....
بيفتح لباب وبيطلع ...وليمار بترجع للصالون ....
عبير بنتي الله يحن على قلبك غرفة وئام وين !
ليمار هديك لغرفة خالة ...
عبير طيب رح نفوت نام فيها ..
ليمار خدو راحتكم خالة ....
بيروحو اهل وئام عالغرفة .....
بينما ليمار بتقعد بالصالون وبتبعت مسج لرأفت ...
كيفك رأفت ليك هي تسجيل صوت صار عندك ...بعد يومين بتشتري خط وبتبعتلي منو وفورا بتكير لخط كرمال مايحددو موقعك فهمت علييي ...
بيتفاعلا بلايك ...وبنتهي لحديث بيناتن ....
بغرفة وئام ....
بتفوت عبير بخطوات بطيئة على غرفتها ....بتقعد ورا لمكتب يلي كانت تقعد عليه وئام ...بتصير بتتلمس لوراق باطراف اصابعها ..وهي عم تبكي !!
عبير وين رحتي ياامي !! وين اراضيكي ياامي وين !! الله لايسامح يلي حرمني منك وبعدك عني !! الله ياخدلو عافيتو ....!!
مشان الله يابنتي رجعي ...قلبي مابيتحمل بعدك !! اااخ يابنتي اااخ ...
بيتقدم لعندها نيار وبيتطبطب على كتفها بحنان ...
نيار رح ترجعلنا ماما رح ترجع انا متأكد ..انتي بس ادعيلا ...
عبير بدموعوردة لبيت راحت يانيار راحت !!
نيار لاتفاولي عليها بهالطريقة هيه بخير ورح ترجعلنا ...
عبير انشالله يارب انشالله ..
نيار يلا تعي ارتاحي بتخت وغفي شوي من مبارح مانمتي ..
بتكتفي بهز راسها فقط بتاخد قطعة تياب من تياب وئام وبتضمهن لقلبها وهي عم تستنشقن بدموع ...بتمدد عالتخت وبتستسلم للنوم وكذلك لأمر نيار ....
عند رأفت .......
بيفتح لباب على وئام ....وبيلاقيها بعدها صاحية ...بيفوت لعندها وبيقعد مقابيلها عالتخت ....بس تشوفو بترجع لورا من خۏفها !!
رأفت لاتخافي مارح أذيكي ..
وئام شو بدك مني !
رأفت ليش لهلق ماوقفتي دموع 
وئام بدك ياني وقف دموع !! وانا تدمرت حياتي !!
رأفت بس لبكة مارح يجبلك نتيجة ...
وئام للأسف مافي طريقة تعبير عن المي غيرو ...
رأفت انتي مريضة قلب 
بتهز براسها ودموعها عم تنزل !
رأفت معناتو لازم توقفي بكي كرمال عضلة قلبك !
وئام مابقا يهمني شي ! شي يلي كنت عايشة كرمالو رح اخسرو ! مو بس لفترة للأبد !!
رأفت اممم ..
وئام انت ليش صرت لطيف فجأة !! قبل شوي كنت رح تدمرني بأبشع صورة !
رأفت لاتحكمي عالمظاهر ! لو تعرفي قلوب الناس شو مخباية ماكنتي حكمتي من لاول !
وئام ازا انت حدا منيح ليش وافقت لعرض ليمار ! ليش شاركتا !
رأفت ماضروري تعرفي ليش ! ...وهلق تصبحي على خير ...
بيطلع من لغرفة وبيسكر عليها لباب ....
رأفت الله يرحمك ياتالا ! اديشا عم تزكرني فيكي 
بعد مرور يومين .......
اعدين كل لعيلة عطاولة لاكل ...وعم يفطرو ...
عبير شو يزن ماسمعت اخبار عن وئام 
يزن مافي ولا خبر مرت عمي ! وئام فص ملح وداب !! خاېف يكونو اذوها !
نيار لك عالقليلة