رواية صدمة العمر(الفصل الرابع 4 ) بقلم ola Nazer حصريه وكاملة

..والله لخبيها جوا قلبي ! لحتى احميها برموش عيوني مااسمح لاي انسان يقرب صوبا !بس مهم كون شايفتها قدامي !
نيار انتي ازا بدك تكون وئام بخير ! بس تسكري على هالموضوع ...
عبير طيب ولايمت هالشي !
نيار اسبوع وبيكون كلشي انتها ورجعت وئام لحضنك بكل خير ....
عبير اخ رح اصبر بس لتكون هيه تمام....ماقالتلك شي تاني ...
نيار مبلا وصتني قلك كلام ..
عبير شو قالت 
نيار قالتلي قلك انو هي اشتاقتلك كتير ...وهيه مستحيل توطي راسك ورح تبقى وئام يلي انتي ربيتيها ...
عبير پتبكي ...
نيار ليش هالدموع هلق لك امي !
عبير عم ابكي لانو شك خلاني مااعرف بنت البي ...ياربي تسامحني لاني ظنيت فيها ..

نيار كتر ضغط يلي صار خلا تفكيرك هيك يصير ! شي طبيعي ياماما انك تفكري بهالشي ...لانو لكل يلي كانو حواليكي ظانين وئام لغلط ! فانتي لوحدك ومع افكارك يلي عرفانة انو هالشي يلي عم ينقال غلط ! ماقدرتي تواجهيهن لانو دليل مافي ! بس هلق بكل قوة بنواجه وئام ماوطت راسنا وئام كانت ضحېة لوحدة متل ليمار !
عبير رح نبين لحقيقة ! ونخلي كل انسان ظن ببنتي يندم لكل عمرو ...
نيار رح يندمو صدقي ماما ......
عبير طيب قلي ع شو اتفقتو 
بيقعد نيار وبيحكيلا لامو على شو اتفقو بكل شي وعالخطة يلي رسمولا .......
المسا.....
في بيت رأفت ....
بعد ماخلصو اكل ...بيقعدو سوا مقابل بعض ...بيبقى رأفت عم يراقبا ..كيف عم تفرك ايديها بتوتر ..وكيف عم تحاول تحبس دموعها ...عم يراقب رجفة شفايفها ..ولون عيونها يلي صار بالون احمر ! 
رأفت ممكن ماتخبي حزنك 
وئام بترفع راسها وبتطلع فيه انت كيف بتقدر تعرف ! شو يلي انا عم حس فيه !
رأفت احساس ! وتعمقي بالشخص بخليني اعرف تفكيرو ...
بينزلو دموعها ! 
رأفت ازا لدموع يلي عم تنزل بتريحك ابكي ! كرمال تخففي من ۏجع روحك !
وئام ياريت يارأفت هالدموع تقدر تعبر عن يلي جواتي ! بتعرف شو حاسة !حاسة ۏجع لكون كلو بقلبي ! لك بعمري وحياتي ماتوقعت انو ممكن يقدر يتخلى عني ! لك كيف قدر كيييف !! 
رأفت يزن خطيبك ماحبك الا وانتي كلك الصح ! لما شاف فيكي عيب واحد زتك !
وئام لهدرجة قلبي رخيص عندو !! لهدرجة بطل يعرف مين هي وئام كان عطول يقلي انا من نظرة او من صوتك بقدر اعرف انتي شبك ! بس لما سمع شي كنت مجبورة قولو ترك ومشي ....
رأفت بدك تحطي هالمقولة براسك يلي باعك بيعو هو اختار البعد عنك ! طيب وانتي اختاري القوة ولاعاد تسمحيلو يرجع لو عرف لحقيقة ادعسي على قلبك ومشاعرك ولاعاد تسمحيلو يرجع ! بدك تقوليلي ليش خلص مازال عرف كلشي ! هو لان عرف كلشي لازم ماترجعي لانو يلي بحب مابيتخلا بسهولة ابداااا .....
وئام معك حق وهاد يلي بدو يصير....
رأفت وصدقيني هاد الصح .....
وئام فيني اسألك سؤال 
رأفت اي اكيد تفضلي !!!
وئام لو كانت تالا بمحلي ! انت كيف بتتصرف 
رأفت اااخ شو بعمل ! بخرب دنيا ومافيها لحتى اعرف هيه وين ! بضل عم دور عليها بدون اي مللل ! ببقا مصر لحتى ردها لقلبي ! 
وئام ولو كان واصلك تسجيل او صور الها !
رأفت مابخفي عليكي يمكن ازعل ! يمكن جن يمكن كمان عصب ! بس مابتخلا ! بستنا عودتها وبفهم منها !!واكيد لما تنظري لحدا بتحبيه وهو بحبك ببين