رواية اقټحمت حصوني الفصل السادس بقلم ملك إبراهيم

فيها موظفين وهما ملهمش ذنب
نظر إليه أدهم بتفكير ثم اتجه إلى احد السيارات وانطلق بها سريعا بمفرده ليحاول السيطرة عن غضبه.
تحدث الياس بقلق.
هو رايح فين دلوقتي انا قلقان عليه
تحدث عمار بتأكيد.
متقلقش ده برضه الصياد
ثم نظر امامه بتفكير وهو يضيف بهدوء.
عايزين نتفق مع شركة ترجع القصر ده زي ما كان في اسرع وقت ممكن
تحدث الياس بفضول.
وأدهم هيعيش فين لحد ما القصر يرجع تاني زي الاول 
نظر إليه عمار بتفكير ثم تحدث بمرح.
انا بفكر يعيش معاك في نفس البيت إيه رأيك 
نظر اليه الياس بهلع ثم ركض الى السيارة تابعه عمار وهو يضحك بمرح.

في الجامعة.
جلست موني تتحدث مع فيروز بهدوء.
فيروز صدقيني شادي شاب كويس جدا ومن رأيي تديله فرصه
تحدثت ريم بابتسامة.
بصراحه هو شاب كويس ومن عيلة كبيرة يا فيروز
نظرت اليهم فيروز پصدمة ثم تحدثت برفض.
انا مبفكرش في الموضوع ده نهائي انا جايه ادرس وبس
ثم اضافة بقوة.
وياريت يا بنات بلاش تتكلموا معايا في الموضوع ده لان ده مستحيل يحصل وانا مستحيل افكر في شادي او غيره
ثم هبت واقفه پغضب وتركتهم وذهبت.
نظرت موني إلى ريم بدهشة ثم تحدثت.
هي زعلت ليه ده احنا عايزين ليها الخير
تحدثت ريم وهي تنظر امامها بتفكير.
فيروز جواها سر ومحدش يعرفه غيرها والسر ده بيمنعها انها تفكر في شادي او غيره
نظرت موني امامها بشرود قائلة.
ياترى ايه السر ده 
حركت ريم رأسها قائلة بتأكيد.
ممكن يكون حب قديم في حياتها مين عارف
تحدثت موني بحماس.
يبقى انا هفضل وراها لحد ما اعرف ايه حكايتها بالظبط
تنهدت ريم بقلة حيلة قائلة.
ربنا يستر من الا الجاي.
خرجت فيروز من الجامعة وهي تشعر بالڠضب من شادي الذي يحاول الدخول الى حياتها بكل الطرق وهي رافضة دخوله وتكتفي بوجود أدهم فقط ولا تريد غيره وتشعر بالغيظ من أدهم ومن تجاهله لها.
شهقت بفزع وتجمدت مكانها من شدة الصدمة عندما وجدت سيارة تقف امامها فجأة تقطع عليها الطريق.
فتح باب السيارة وتحدث وهو جالس بداخلها.
اركبي
نظرت إليه پصدمة غير مستوعبه وجوده حقا امامها.
ابتسم بهدوء ثم تحدث مرة اخرى قائلا.
هتفضلي مصډومة كده كتير
نظرت إليه باشتياق كبير ثم نظرت حولها بتوتر ثم دخلت السيارة وجلست بجواره.
نظر امامه بابتسامة وانطلق بالسيارة سريعا.
نظرت إليه باشتياق ثم تحدثت بهدوء.
ليه جيت تاخدني النهاردة 
تحدث بمرح وهو ينظر امامه.
مش انتي عايزة تشوفي مراتي 
نظرت إليه پصدمة قائلة.
يعني ايه انت جاي تاخدني عشان اشوف مراتك !
ابتسم بمرح قائلا بمشاكسة.
لا طبعا انا مش بسمح لأي حد يشوفها
نظرت إليه بغيظ قائلة.
ليه ان شاءالله 
نظر إليها بشتياق ثم تحدث بمشاكسة.
تقدري تقولي بغير عليها من عيون الناس
نظرت امامها ثم تحدثت بغيظ.
طب ربنا يخليهالك
ثم اضافة پغضب.
اتفضل نزلني وهاخد تاكسي
ابتسم بداخله على غيرتها الواضحه ثم تحدث بمكر.
قوليلي الاول انتي كنتي بتكلميني بالليل وطلبتي تشوفي مراتي ليه 
نظرت إليه بتوتر ثم نظرت الى الاتجاه الاخر وهي تفكر في رد على سؤاله.
ابتسم بمرح وهو يعلم سبب توترها.
تنهدت پغضب قائلة بعناد.
قولي انت الاول انت جيت تاخدني من الجامعة ليه 
تحدث بتلقائية وهو ينظر امامه.
عشان محتاجك جمبي
نظرت إليه بدهشة ثم تحدثت بخجل.
مش فاهمة عايزني جمبك ازاي 
ابتسم بمرح ثم تحدث بمشاكسة.
اصل العربية دي لسه جديدة وكنت محتاج حد يقعد جمبي وانا بجربها
نظرت إليه بغيظ ثم تحدثت بانفعال.
انت بتهزر صح 
ضحك من قلبه