رواية عشقك_اماتني_واحياني الفصل الخامس للكاتبة_سلمى_جنايدة حصريه وجديده

عالحيط وهيك صارت بين ايديه وقبالها مباشرة .
خاڤت امل وفكرت انو غير رأيو ......شو لؤي .
لؤي .....مع مين رح تروحو .
امل ....شيماء رح تمرق تاخدنا لان نحنا بطريقها ....مرت عمي ماحبت تزعجك لأنك راجع هلأ من شغلك .
ابتسملها بخبث وقرب منها وهمس بأدنها ....ازا احتجتو شي اتصلي فيي اي .
وقت قرب منها غمضت عيونها واستنشقت ريحة عطرو .
امل بصوت دوبو مسموع .....حاضر.
دفشتو بعيد عنها وراحت عغرفتها بسرعة ...سكرت الباب وراها وحطت ايدها عألبها حست انو رح يطلع من صدرها .
اما لؤي فعجبو خجلها وضحك عليها حسها متل طفلة وقت ركضت وهربت منو .
نوال اعتزرت انو مابدها تروح بحجة انو تعبانة بس كانت حابة تنفرد مع لؤي بماانو ضلو لحالهن بالبيت.
انبسطت امل وام لؤي بالحديقة الجديدة والقعدة الحلوة وشجر الزينة بكل مكان والمقاعد حوالين الطاولات المصنوعة من الخشب ...والعاب بعيدة عن القعدة شوي للأطفال .
بعد شوي لحقوهن الشباب كان من بينهن معتز اخو شيماء كان معجب بأمل بشكل كبير لدرجة انو الكل ملاحظ هالشي عليه .
تفاجأت امل بشوفة لؤي عم يقرب ناحهن وداخليا كتير فرحت بشوفتو.
سلم عالموجودين واستغرب وجود الشباب .
لؤي ليه ماقلتو انو الشباب موجودين كنت اجيت من الاول .
ام معتز ....من شوي اجو مو من الأول .
قعد لؤي جنب امل بس بينهن مجال كبير .
خجلت امل وضحكت كمان .
ام لؤي .....لك مابتعرف انو امل متزوجة .
عدي .....ليش وينو جوزها .
ضړبو لؤي بوكس عكتفو وقلو ....شو ولااا مو معبي عينك انا والا عم تجدبا.
عدي ....انت زوج نوال مو امل .
اتطلع الكل ببعض حتى امل رفعت عينها بلؤي وخجلت .
امل .....لا حبيبي وانا كمان مرتو للؤي.
عدي .....بس انا مابشوفو معك بالمرة هو عطول مع نوال .
امل بحړقة ....اي لأنو بحبا دايما معها ولأنها مرتو وبنت خالتو .
لؤي .....شو قصدك ولااا .
شيماء عصبت عأبنها عدي ...عيب ماما شو هالكلام .
ضحكو عليه من جديد لأنو صغير .
لؤي ..ههههه لك استحي ولاااا اي بتحبا قلنا ماشي بس مو قدامي ....العمى بألبك شو جريء.
ضحكت امل وقت شافت لؤي عم يمزح معو وانو مازعل منو واحترمتو للؤي انو قدر انو عدي لساتو ولد صغير وعم يحكي بعفوية .
ام معتز ....والله ياتيتي
انو الكل بحبا لأمل مو بس انت .
اتطلع لؤي بخالتو .....الكل مين الكل خالتي .
ام معتز قصدي نحنا كلنا يعني .
لؤي ....اي فكرت حدا تاني .
كان لؤي مركز اغلب الوقت مع امل وهي عم تحكي وصار يلاحظ شوي شوي انها رقيقة وهادية وفهمانة ومتحدثة لبقة بتعرف كيف تجذب انتباه الكل الها ....هالشي لاحظتو شيماء وامينة على لؤي انهن عندهن نفس طريقة الكلام والحوار وجذب انتباه الكل .
امينة .....بتعرفي ياامل انو اسلوبك بالحديث وهدوئك ورواقك نفس اسلوب