رواية عشقك_اماتني_واحياني الفصل السابع والاخير للكاتبة_سلمى_جنايدة كاملة وجديده

انو الكل بحبا لأمل مو بس انت .
اتطلع لؤي بخالتو .....الكل مين الكل خالتي .
ام معتز قصدي نحنا كلنا يعني .
لؤي ....اي فكرت حدا تاني .
كان لؤي مركز اغلب الوقت مع امل وهي عم تحكي وصار يلاحظ شوي شوي انها رقيقة وهادية وفهمانة ومتحدثة لبقة بتعرف كيف تجذب انتباه الكل الها ....هالشي لاحظتو شيماء وامينة على لؤي انهن عندهن نفس طريقة الكلام والحوار وجذب انتباه الكل .
امينة .....بتعرفي ياامل انو اسلوبك بالحديث وهدوئك ورواقك نفس اسلوب لؤي.
شيماء وانا لاحظت هالشي كمان ...حتى في بعض من تصرفات امل كتير بتشبه لؤي فيها .

فرحت ام لؤي بهالشي .....انا ملاحظة هالشي من زمان بس حبيت حدا يأكدلي احساسي.....رغم انو امل كتيييير هادية بعكس لؤي نيراني وعصبي كتير .
ابتسم لؤي وقت سمع هالكلام منهن مابيعرف ليه عجبو كلامهن بس حس بنشوة كبيرة وراحة .
لؤي ....هلأ انا ياامي نيراني انا ايمت بعصب مو وقت شوف الشي بيحتاج العصبية .
ام لؤي ...امبلى بس وقت تعصب بټحرق الكل .
ضحك الكل وكانت قعدة حلوة انبسطو فيها حتى لؤي رغم انو ماقعد كتير لكن مانكر انو القعدة كانت حلوة وخصوصي وقت شبهو بأمل كتير .
رجعو عالبيت ودخلت امل مع ام لؤي لترتاح بغرفتها وساعدتها بتبديل تيابها .
طلعت امل عغرفتها ودخلت الحمام واخدت حمام سريع وهي طالعة استغربت بوقفة لؤي بغرفتها ماحست عليه وقت دخل .
لؤي .....ليش تفاجأتي هيك .
أمل استحت من منظرها بروب الحمام ......لا مافي شي بس .......ماحسيت عليك وقت دخلت .
قام لؤي وراح لعندها خاڤت امل وضلت واقفة مكانها .
وقف قبالها مباشرة مابيفصل بينهن الا شي بسيط .
لؤي .....شو رأيك باللي قالو الأزعر عدي .
امل .....ماتاخد بكلامو بضلو طفل يعني مو وعيان عكلامو وبيحكي اللي بالبو ...لو كان اكبر اكيد مارح يحكي هيك وقدامك تحديدا.
عم يتطلع عشعراتا وهنن مبللين اي بس ....بماانو حكى اللي بالبو معناها بحبك جد صحيح هو صغير بس الصغير بحب من القلب لأن مابيعرف الكزب والخباثة مو .
امل بخجل ....اي بجوز .
لؤي .....لا مو بجوز .....اكيد ....وانتي عجبك الموضوع ماا.
امل انا ......لا .....بس شو بدي قلو بضلو ولد متل ماقلتلك .
لؤي .....اي والولد بكرة بيكبر ياامل صح  
امل ....مزبوط بس شو رح ساوي يعني .
لؤي ....ماتساوي شي انا بلاقي حل .
امل ....رح تحط عقلك بعقل ولد صغير.
عصب لؤي عليها ......قلتلك الصغير بيكبر افهميها هي .
امل .....اي بس وقت يكبر بيتغير تفكيرو لشي تاني .
لؤي ...وافرضي توسع تفكيرو ماتغير .
امل .....هههه مو ملاحظ انك مكبر الموضوع زيادة .
مسكها من ايدها .....لأ مو مكبرو لأنو الموضوع زاد عن حدو مو بس لعدي هالكلام لغيرو كمان .
امل ....مافهمت مين قصدك.
لؤي ....موضروري تعرفي .
راح وتركها واستغربت امل