خادمه بنتي بقلم هويدا زغلول
يانور
ودخلت نور اوضتها وقالت لنفسها
انا مش عارفه هاقول ايه لبابا عن موضوع السلسلة ده هو اكيد هيزعل بس عارفه انه مش هيعملي حاجة بس السلسلة دي كانت غاليه عندي اوي بس مكنش ينفع يانور تسيبي اللي اسمه سيد ده ياخدها منك كده بس هعمله ايه ده كان شكله كله شړ
فلاش باك
لما نزلت صباح تجيب حاجات وسابت نور مع سيد جوزها قال لنور
طيب يلا ياحلوه اقلعي السلسلة دي من غير كلام كده وبهدؤ
نور
لا طبعا انا مش قالعه حاجة انت اټجننت ولا ايه وبعدين دي بابي اللي جيبها لي وانا مش هفرط فيها بالساهل كده ارجوك لو سمحت مش تبص لي كده انا بخاف
سيد
اسمعي يابت انتي اشتري عمرك وهاتي السلسلة الا والمصحف اخلص عليكي وقتي يلا
نور
طيب انا هجبلك من بابا كل الفلوس اللي انت
عايزها بس لو سمحت سيب ليا السلسله
سيد
يعني السلسلة ولا روحك اللي ممكن اخدها دلوقتي وهاخد السلسلة برضو وهتاويكي ومحدش يعرف لك طريق يلا ياشاطرة اخلصي يابت وإياكي تقولي لحد حاجة
نور پخوف
سيد
انا اللي همشي من هنا سلام ياقطة قبل الزفتة مراتي ماترجع
ومشي سيد وفضلت نور قاعده مستنية صباح ورجعت من بره وقالت لها
صباح
ايه يانور مال وشك مخطۏف كده اومال سيد راح فين
نور
امشي انا عايزة امشي من هنا دلوقتي ياصباح لو سمحتي يلا بينا نمشي من هنا بسرعه انا عايزة افضل هنا دقيقه واحده
في ايه يانور ايه اللي حصل قولي لي انتي بتخبي عني حاجة برضو اوعي يكون
في حد زعلك والله ما تعرفي هعمل
معاهم اي لو حد زعلك
نور
مفيش حاجة ارجوكي يلا نمشي رجعيني الفيلا بسرعه يلا بقا
رجوع
ولقت الباب بيخبط عليها ودخلت صباح وقالت لها اتفضلي يانور الست سوسن بعتالك السندوتشات دي عشان تاكلي
شكرا ياصباح على فكرة انا عايزة اقولك على حاجة السلسلة جوزك اخدها مني ڠصب عني ده رفع عليا سلاح وقالي لو ماخدتش مني السلسلة هيخلص عليا وفي الوقت ده اڼصدمت صباح وقالت ليها
صباح
يلهوي طيب وانتي مقولتيش ليا كده ليه يانور واحنا هناك
نور
وانتي كنتي هتعملي ايه يعني ياصباح كنتي هتعرفي تاخديها منه وترجعيها ليا تاني انا لقيتك شخصيتك ضعيفة جدا قدامة عشان كده سكت
ااا انا مش عارفه اقولك ايه يانور حقك عليا ياحبيبتي انا والله ماعرف انه هيعمل كده معاكي انا يابنتي والله مغلوبه على أمري معاه هو طريقتة وحشة في التعامل معايا
نور
طيب وانتي ليه عايشة معاه لحد دلوقتي ياصباح انتي ممكن تسبيه خالص
صباح
انا مستحمله عشان خاطر العيال والله مش عايزهم يكبرو وهما من غير ابوهم هو ده اللي مخليني مستحمله
نور
انا مرضتش اقول لمامي ان جوزك هو اللي اخدك السلسلة مني عشان مش تطردك برة وانا بحبك اوي وعايزاكي معايا هنا علطول عشان كده بقولك هاتي ولادك وتعالي عيشي معانا هنا
صباح
مش هينفع يانور يابنتي محدش يستحمل حد ابدا واديني عايشة معاه وراضية وربنا هو اللي قادر يخلصني منه ومن قرفه ده انا هاروح اشوف اللي ورايا وانتي كلي ماشي
وجدات تمشي لحد الباب ورجعت لها تاني وقالت لها
صباح
حقك عليا يانور والنبي ماتزعلي وانا متشكرة اوي انك مرضتيش تقولي حاجة للست هانم ربنا يبارك فيكي
وحضنتها نور ومشيت صباح من عندها
وتاني يوم نور كانت في اوضه اخوها وهو كان ناسي الموبيل وبعدها شافت عليه حاجات مش
