جانا الهوى 11

أنس وبص لأبوه بفخر شوفتي بابا حلو ازاي يا تيتا وافقي انه يتجوز هنود بقى .
هنا الكل اټصدم بجملة أنس وأبوه اتمنى لو الأرض تتشق وتبلعه وفاتن بصت لجوزها پغضب مكبوت أنا هشوف القهوة .
اختفت من قدامهم ولحظة صمت مريبة محدش عارف يها وهمس جوا ھتموت من الضحك وهند بتها علشان تسكت .
أخيرا نادر الكلام بابتسامة أنس ادخل جوا انت عند هند وهمس يلا .
أنس بص لأبوه يستأذنه الأول وأبوه ابتسمله وهز دماغه بموافقة وخاطر مراقبه وعجبه ان أنس يستأذن أبوه ما يتحرك راقبوا أنس لحد ما اختفى وبعدها الصمت التام سيطر من تاني لحد ما خاطر ه طمنا عن صحتك الأول يا أستاذ بدر أحسن دلوقتي 

اتكلموا شوية في كلام عام لحد ما فاتن دخلت بالقهوة وحطتها وقعدت مستنية يتكلموا في المهم .
بدر اتنحنح وبصلهم عمي حضرتك عارف أنا جاي ليه وأكيد عندك أسئلة كتيرة فاتفضل اسأل .
فاتن بصتله بتحاول تخمن عمره قد ايه وهل ينفع تسأله صراحة عندك كام سنة ولا ما ينفعش بصت لملامحه واعترفت لنفسها ان ملامحه رجولية تجذب وأكيد بعد الچروح اللي في وشه والكدمات دي ما تختفي هيكون أوسم من كده بمراحل همست لنفسها ماشي يا هند شكله مش بطال بس أكيد مش عاجبك شكله بس يا ترى فيك ايه يا بدر انت يتحب 
قاطع أفكارها خاطر اللي سأله الأول قولي ليه سيبت بلدك وجيت لبلد محدش يعرفك فيها هل هربان من حاجة 
نادر اتدخل بمرح يهدي الأجواء هربان ايه بس يا بابا يعني أنا لما سافرت الإجازة اللي فاتت كنت هربان
أبوه بصله بجدية ما تقارنش دي بدي وبعدين اه يا نادر كنت هربان ومحتاج تغير جو وترجع لكن هو جه يستلم شغله هنا وجاب ابنه و مدارس هنا وكمان اهو عايز يتجوز هنا فمعنى كده انه ناوي يستقر هنا ولا ايه 
بدر اتأكد ان المقابلة دي مش هتكون سهلة أبدا فاتكلم بهدوء هو ممكن يا عمي بالفعل نقول اني جاي هنا هربان.
كلهم بصوا لبعض تغراب فابتسم وكمل هربان من الضغوط اللي كانت حواليا أنا وابني سواء من أهلي اللي كانوا عايزيني أتجوز بأي شكل وأي حد بغض النظر هل هي متناسبة معايا ومع ابني ولا لا أو هربان من الناس اللي حوالين أنس وبيضروه بكلامهم كل شوية .
فاتن سألته بفضول هو بيشوف أمه ولا انت حارمهم من بعض 
خاطر بصلها بعتاب بس هي كشرت وبصتله بغيظ انت قلت نديله فرصة يشرح ظروفه يبقى ما تبصليش وسيبني أسأل براحتي .
ما خاطر يرد بدر اللي رد أنا كتاب مفتوح يا ست الكل اسألي براحتك بالنسبة لوالدة أنس هو ما يعرفش أصلا انها عايشة .
فاتن كشرت لانه بيكدب على ابنه فعلا هو قالي ان أمه ماټت بس استغربت تفكيره وبعدها قلت أكيد انت مفهمه كده بس مش حرام عليك لما تحرمه من أمه أو تحرم حتى أمه منه 
اتنهد لأنه مش عايز يتكلم في النقطة دي بالذات بس شړ لابد منه احنا اتفقنا على كده واتراضينا وكل واحد راح لحاله .
زادت تكشيرتها وڠضبها انت عايز تفهمني ان في أم بتسيب ابنها بالتراضي يا أستاذ بدر 
اتنهد بدر بتعب اه في يا ست الكل مش كل واحدة ست بتكون أم أو عندها عاطفة الأمومة زي حضرتك ده موضوع متفاوت من كل واحدة والتانية .
اعترضت پغضب كل بنت بتتولد بتلعب بعروسة وتعمل أم دي فطرة ربنا فطرنا عليها .
بصلها وهو عارف انه جدال عقيم اه الأغلبية كده بس في برضه بنات بيحبوا يلعبوا زي الصبيان وفي بنات بتلعب بالميك اب واللبس مش كل البنات بتلعب بعروسة ولا ايه 
حركت راسها برفض لكلامه لأنها شايفة كل البنات أمهات وكل بنت طبيعي جدا تحب ابنها زي ما هي بتحب عيالها فأصرت كل واحدة في الدنيا مهما كانت طباعها أو ظروفها بتحب عيالها ولا يمكن تتخلى عنهم بمزاجها .
نادر اتدخل يهدي أمه ماما اهدي الكلام مش كده وبعدين فعلا مش كل الناس كويسة زيك يا أمي انتي غير .
كشرت وبصت لابنها ماقلتش ان كل الناس كويسة بس كل واحدة خلفت بقت أم ولا يمكن تتخلى عن عيالها برضاها أبدا ولا يمكن تقنعني بغير ده .
خاطر بص لمراته بصرامة أم نادر اهدي شوية خلينا نعرف نتكلم ونسمع أكتر ما نتكلم بص لبدر وسأله بهدوء ياريت تفهمنا ليه مراتك اتخلت عن ابنها لان فعلا مفيش أم بتسيب عيالها بمزاجها .
بدر بصلهم الاتنين بتعجب مستغرب براءة تفكيرهم وتخيلهم ان كل الأمهات والأبهات زيهم تنكار ازاي مفيش حد بيتخلى عن عياله أي منطق وأي عالم فيه الكلام ده 
خاطر اعترض على أسلوب استنكاره في المنطق بتاعنا والعالم اللي احنا عايشين فيه .
بدر اتراجع بسرعة يا عمي ما أقصدش أبدا بس بالفعل فيه في كل مكان أمهات وأبهات بيسيبوا عيالهم ده في ناس بترمي عيالها وفي ناس بت فأنا مستغرب انتوا ازاي بتقولوا مفيش !
ما فاتن ترد جوزها اللي رد مستغربين لان مش ده في الوسط اللي عايشين فيه واتربينا وربينا عيالنا فيه فلو ده يا ابني الوسط اللي انت تعرفه وشايف ان اللي بتتكلم فيه ده منطقي وطبيعي يبقى وجودك هنا دلوقتي تضييع وقت لينا وليك 
هند جوا قلبها بيدق بسرعة لان الكلام كده واخد اتجاه غلط جدا وعايزة تطلع توقف الكل بس مش عارفه رد فعل أهلها هيكون ازاي 
بدر بص لخاطر وحاول يتماسك وبيحاول يفكر في هند وبس و انه لازم يتحمل علشان يوصلها عمي أنا ما قلتش أبدا ان ده الطبيعي أو ان ده الوسط اللي جاي منه ومش هعلق دلوقتي على الجملة دي أنا كل اللي قلته ان ده موجود وموجود كتير حتى لو مش موجود حواليك أنا وطليقتي اتجوزنا صغيرين جدا وكنا متهورين وأخدنا قرار متهور حاولنا نعيش معاه بس اكتنا ان الواقع غير الأحلام واكتنا ان طباعنا مختلفة جدا عن بعض وحاولنا نتعايش مع بعض بس كنا دايما بنفشل واتفقنا ننفصل من البداية بس اكتنا ان في بيبي جاي وده خلانا نكمل مع بعض فترة تانية بس برضه فشلنا فكان أسلم حل علشان نربي ابننا بطريقة سوية هي ان أب وأم بيحترموا بعض بدل ما يعيش في بيت متدمر فقررنا ننفصل .
كملت فاتن طيب وليه ماعرفتوش تتحملوا بعض ايه سر اختلافكم هل مثلا انت ماعرفتش تسعدها أو كان عندك توقعات كتيرة مالقيتهاش 
بدر بصلها وأخد نفس طويل تقدري تقولي كده اني بالفعل ماعرفتش أسعدها .
هند حركت راسها برفض لكلام بدر لانه هيتفسر غلط وإجابته دي كانت غلط وبالفعل مامتها علقت بتهكم وايه اللي خلاك واثق انك هتعرف تسعد بنتي مش يمكن ما تعرفش تسعدها ويكون مصيرها انها برضه تسيب ابنها وتقول حقي بتي زي مراتك الأولى 
بدر اتنرفز حضرتك