عشقني في ماضيه لميفو السلطان

اني
يا بت الناس جولتها وما هتنيهاش انت مرتي مفيش غير اكده 
لتلتفت پغضب انا مش مراتك انا مرات ادم وليا دنيتي وبيتي وشغلي 
ليهتف شغلك من بكره يكون اهنه اشغلك احلي شغل ابنيلك مستشفي االي تامري بيه انما مرواح بعيد لا ومرتي اني هو انت ملبووسه وعجلك طايح بعيد ميفوميفو
لتقف له وتهتف مفيش حاجه عافيه صلوا على الحبيب 
ليقف ضرغام بينهم لاه يا بتي مافيش حاجه عافيه بس علي الاجل اديني فرصه نشبعو من بتنا ولو ما عجبكيش الوضع اني بذات نفسي هوديكي لحد دارك شهر يا بتي ما طالبش كتير 
لېصرخ ايهم بتجول ايه
يا ابوي اني ما هملهاش ليقترب منه ضرغام تعالي يا ولدي مافيش حاجه بتاجي ڠصب بطل طريجتك دي تعالي عايزك 
والده لتقف مليحه وتهتف تعالي يا بتي اجعدي هتحدت معاكي لتجلس داليدا وتهتف مليحه خدي بتنا التانيه الغاليه برضك يا فريده معاكي وهملونا يا بتي عايزه مرت ولدي لحالنا لتقوم دنيا ومعها فريده ويذهب ورائهم ادهم مسرعا كان كطفلا ملهوفا والسعاده تشع من عينيه لتهتف مليحه ربنا يسعدك
انت كمان يا ولدي ياللي شفت جهر عمرك يرزجكك ببت الحلال اللي عينك عليها لتضع يدها علي يد داليدا انتو ولاد حلال يا بتي وفوجيهم ولاد اصول وعشان اكده هعتبرك بتي واجولك الكلمتين اللي يرضو ضميري اسمعيني كويس واعتبريني امك اللي هتجف جنبك مهما حوصل ماللي تشيل ولدي في زنجته احوطها في اعيوني هتسمعيني يا بتي صلو على الحبيب 
لتهتف دليدا تحت امرك 
لتقول مليحه طب سمي الله الاول
ر البارت الواحد والعشرون.. 
بدات مليحه كلامها لتقول.. اسمعي يا بتي.. خابره اللي فيه صعب وانت متلخبطه بس نعجلها اكده انت واحده عشجتي صعيدي وهو عشجك واتجوزتو وجبت احلي بت في الدنيا.. ودوجتي طعم العيله والونس يا بتي.. هينفع تعيشي لحالك تربي بتك.. انا بتكلم بالعجل ممكن تكوني مش محتاجه فلوس ولا حاجه بس محتاجه الونس يا بتي راجلك اللي حبتيه عشجتيه.. طب لما تهملينا هتجولي لبتك ايه.. ابوها راح فين هتعيشيها من غير سند يهون عليكي بتك.. يا بتي الصعايده واعرين والنسب عزيز وولدي صعيدي مآصل فاكره ايه زعلانه منيه علي جوله طب ماهو مش فاكر وخاېف علي نسب هواره ولما حس ووعي لحاله اهه بدا يجول.. طب انت الراجل اللي بتعشجيه ده هتتحملي يروح منك. 
لتهمس دليدا پقهر.. ماهو راح ادم روحي راح..ميفوميفو 
لتبتسم مليحه.. لاه ما راحش ادم داب في جلب ايهم ادم حبك وهو ايهم ومش دريان ومحتاج حد يطلعه يا بتي.. طلعي اللي رايداه من جوزك وخديه.. الست الصح تجيب جلب جوزها وتخليه يعشجها الف مره.. انما تبعدي هتتعبي وهو هيتعب لانك جواته.. ولدي من ساعه ما رجع هو اتغير بيحلم بيكي يا بتي ويجوم مڤزوع يدور علي حاجه نجصاه مابينامش يا بتي.. انت جوات ولدي يبقي طلعي جواته اللي ريداه الست لو عازت راجل تجيبه من نن عين الاسد يا بتي . ولدي كان جاسي وبيكره النسوان ولا بيجربلهم.. لما يجول عايزك وعايزك مرته انت مش هواريه يبقي هو مهبول من جوا. يبقي انت جواته.. ولدي فكره عن النسوان كان غلط لما يجول عايزك وهيتجنن عليكي يبجي اتغير ولدي انه يجول عايز مره دي في حد ذاتها واعره عليه جوي. يبقي من جوا بيغلي عليها اجولك ايه. ولدي كان فاكر النسوان تحت طوعه انما يا بتي هو جاي متغير كنه ملبوس بيكي يتنفض لما حد يجرب منيه كنت اوعاله نايم ومغمض ووشه كيف العيل الرايج اللي نايم في حضڼ امه بيبتسم تجولي مش عايزه.. لاه تعوزي تخرجي اللي بيحلم بيه ورايده بس متلخبط ولا عارف يطلع عشان جديد عليه يا بتي. صحيح ولدي واعر وجوي بس انت برضك شديده يا بتي واللي تعمل اكده وتجازف تاخد راجل لحاله تعمل اكتر وتجيب راجلها تاني..
لتتنهد دليدا.. هعملها ازاي وهو مابيحبنيش عارفه لو فاكر اي حاجه كنت جربت بس دا واحد تاني خالص..
لتهتف مليحه.. يبقي تفكريه وتحسسيه بيكي يا بتي.. حسسيه انك مرته هو مش غريب عنك.. هاتي راجلك اللي ريداه من جواه وخليه يكونلك كيف ما بتريدي يا بتي. بس مين جال اللي مش فاكر لاه دا حاسس والاحساس بيجطع ولدي اني خابره ايهم مالوش في السبسبه بس دلوك واعياله عايز يسبسب لايراضيكي. لما كتي تعبانه كان واخدك في حضنه كنك روحه ده ماهواش ولدي ابدا.. فكري الله يرضي عنيكي وتجهريش بتك. والاخر مافيش حاجه هتبجي ڠصب وعهد عليا لاجفله واسخمط عيشته كمان.. هو اه شديد بس طيب وحنين بس حد يخرج حنيته دي وده انت يا غاليه اللي تعمليه. 
لتتنهد داليدا.. مش عارفه اقولك ايه بس صعب.. ابنك صعب اوي. 
لتضحك مليحه.. وانت ايه مش صعبه اللي تنط السور وتهرب ببتها وتجدف مركب وډمها سايح ماتبجاش صعبه.. لاه انت صعبه وحطي عليهم كيد النسا.. هاتي زوجك ليكي واعمليه كيف مابدك. 
لتهتف داليدا.. ايهم جامد مش زي ادم.. ايهم صعب وقاسې. 
لتضحك مليحه.. طب ما ادم جوات ايهم كان جه منين عاد الحنيه مغروزه فيه انبشي وطلعيها..
لتهتف داليدا.. اطلعها اعرض نفسي عليه واترجاه يبقالي حبيب. 
لتهتف مليكه.. ايه الحديت ده.. دانت ست الستات تجعدي وتتشرطي وانا هضبطهولك واخليه ېخاف لاتروحي منيه احنا ماهنريحهوش وشوفي ان ما اتبدل ورجع ادم واكتر جولي مليحه جالت لما يوعي انك هتروحي منيه جلبه من جواته هيخرج ويخرج الغايب الي عشجك عشج ماهو ماهيجيبكيش الا بالعشج يبقي لازم يوعي لحاله..
لتتنهد داليدا وتصمت وتقول مليحه.. طب بحج ربنا ما حساش بحاجه لايهم..
لتخجل داليدا لتهتف مليحه.. لاه ماتخجليش مش هتمشي اكده. 
لتهتف داليدا.. لا حاسه والله لما بيبصلي هو صحيح اول ما جينا عيونه ماكتش حساهم انما دلوقتي عيونه حساها قوي وكمان بقي حنين صحيح بس هو قابلني وحش قوي وقلي كلام وجعني وحلل لبنته.
لتهتف مليحه.. ماهي الشوفه الاولانيه ليها حساباتها يا بتي برضك.. غيرها وغير نسبنا شايفه ايه.
لتتنهد داليدا.. هو بيحاول بس. بس هو شخصيه متحكمه ودا صعب عليا.
لتهتف مليحه.. ماهو يا بتي من عندك شويه ومن عنده شويه نمشي الدنيا طالما حساه .الراجل مرته تجيبه حنيه يعملها اللي عايزاه عجلهم . الله يرضيكي يا بتي ويريح جلبك وبجولهالك مفيش حاجه هتجيكي ڠصب اطمني يا بتي.. يلا جومي. اجعدي عالنيل شويه وفكري في كلامي.. وتركتها وذهبت كلامها يدور الف مره في راس داليدا..
عند ايهم دخل مع والده ليهتف ايهم پغضب... ايه اللي جولته ده يا ابوي.. عايز مرتي تمشي وتسيبني تجعد شهر واخرتها تمشي ماهتغصبهاش..
ليهتف ضرغام.. تعرف تبطل تبجي طور يا ولدي.. مخلف جحش بينطح.. انت عبيط يا ايهم. 
ليهتف ايهم بحنق.. ولازمته ايه الشتيمه عاد. 
ليقول والده.. يا ولدي مافيش حاجه بتاجي ڠصب.. عايزها تبقي زي ادهم عايشه معاك ڠصب زي الحزين اللي ما شافش فرح.. عايزها اكده مش شايف اخوك وحزنه هتعمل بيها ايه وهيا حزينه يا ولدي.. ما هتوريك يوم فرح هتجيبه منين وهيا مجهوره ومغصوبه. 
ليهتف ايهم بحزن.. طب اعمل ايه يعني اهملها تمشي ماجادرش. 
ليقترب والده.. اجعد يا حبيبي اجعد وجولي بحج ربنا.. انت ما حاسسش ناحيتها بحاجه ..
ليطرق ايهم ليهتف والده.. خجلان يا ولدي هيا المشاعر عيبه وتخجل منيها.. لاه هتتعب اكده.. الاحساس نعمه يا ولدي يفرح الجلب خرج جواتك و اوعاله. 
ليهتف ايهم.. لاه اني حاسس يعني بيها و كمان رايدها.. بس ماخابرش ايه بيحصلي.. كت بشوفها جواتي ومعايا راجل ومرته وافرح واحس اني رايد ده اللي حلمت بيه وياها كان حلو يا ابوي بس مش عارف هيا مش رايداني هيا رايده الهباب التاني وما بتستناش دجيجه الا وتنادي باسمه وده بيحرجني يا ابوي وبيخليني اتعصب عليها..
ليهتف والده.. طب ما ده كله خير يا ولدي انت جواتك الراجل اللي عشجها وحبها موجود اهه ومبسوط بيه يبجي ليه لا. تخرجلها الراجل اللي رايداه يا ولدي.. هيا مالهاش ذنب تجعد جارك بحالك ده ليه تجعدها ڠصب ليه.. بت زينه وجمر ومليحه تتجبر ليه يا ولدي العيشه ماحدش بينجبرلها الا بالحنيه انت ماتعودتش تخرج حنيتك يا ولدي بس جرب اكده هتعرف. جدامك شهر يا ولدي يا ترجع مرتك بحنيتك يا تهملها ماتظلمهاش كفايه جهرتها انها حست انه حبيبها راح.. دي بت تتشال عالراس شالتك وصانتك ولما غبت دورت عليك بالمشوار يا ولدي..
ليهتف ايهم.. طب لو صدتني اعمل ايه بتعصب مابستحملش. 
ليضحك والده.. ايه مالكش في النحنحه كيف اخوك اللي ھيموت علي طرف واحده يتنحنحلها والا التاني فايز المهبول علي بتي راجل واعر وزين بس مع مرته اجول ايه طول اليوم يلف وراها كيف الدبور هينهبل عليها.. ماتعرفش تعمل اكده خايب اياك.. اصحك تفكر ان دلع النسوان يخليهم يركبو.. اما تكون عويله تركب كيف مرت اخوك. اخوك دلعها وركبت واتمرعت لما بجت حاجه تجرف.. انما مرتك بت اصول تتدلع وتاخد الهنا كله دي لو ما ادلعتش يا ولدي مين عاد.. دي ست البنات اللي صانتك كت هتترمي في الشارع .. ليهتف.. جول لو جليل في الحب والنحنحه نجيب فايز يلحلحك. 
ليهتف ايهم بعنفوان.. عيب يا ابوي ابنك مش جليل لما انوي حاجه ما هسبهاش..
ليهتف والده بفرح.. اهو اكده فرحني عايزك في الشهر ده تخش عالبت تفرحها وتغرجها حب ونحنحه النسوان اكده عجلهم بيروح لما تجعد تحب فيهم ما رايدينش الا اكده. 
ليبتسم ايهم.. خلاص يا ابوي هجرب. 
ليهتف ابوه بجديه.. لاه مش تجرب دانت ټموت حالك لتجيب مرتك ټموت حالك وتخليها تحب فيك وتتمني جربك وتنسي التاني عشان تجعدلك وتفرحك يا ولدي.. حس انها هتروح منك هتلاجي اللي جواتك فط وطلع لحاله الله يصلحلك الحال
يا ولدي. 
ليهتف ايهم.. عملت ايه مع مديح يا ابوي..
ليهتف ضرغام.. ماتجلجش يا ولدي.. هجيبه.. المسخوط وعي انك رجعت وخاف وطفش بس اطمن هجيبه لو دخل بطن امه.. عالله مايعملش حاجه عفشه عاد ربنا يستر يا ولدي.
عند فاتن زوجه ادهم.. كانت فاتن تغلي من الڠضب وتصرخ في والدتها.. شفتي الزباله اللي متجوزاه يا اماي.. اجوله همشي واسيب الدار مايعبرنيش.. اني فاتن الهواريه اللي مفيس زيها مايعبرنيش اكده. 
لتهتف امها.. مانت يا بتي اللي جعدتي تحربي لحد ما خربتيها..
لتصرخ فاتن.. اني اللي خربتها ليه هو يطولني عاد. 
لتهتف امها.. يا بتي غلبت اجولك راجلك طيب وحنين ومدلعك طاطي له وحني عليه وانت كيف الجاموسه نازله نطح فيه..
لتهتف فاتن.. عايزاني اعمله ايه يعني.. عشان يركب